السلام عليكم ورحمة الله وبركاته
كيفكم بنات وش أخباركم مع رمضان الله يشرفه وعبعد عن تجهيزات العيد
المهم بدخل بالموضوع على طول وماراح أقول الا الصدق والله على ماأقول شهيد,,,,,
مره كتبت في قسم ساعدوني عن حاجتي لكوافيره تجيني البيت عشان تسويلي تشقير
حواجب المهم ردت عضوه والظاهر أنها هي اللي تسوي دعايه لنفسها وكتبت فيه كوافيره
تجي للبيت وراسليني على الخاص عاد أنا أرسلتلها وجاني الرد أن فيه كوافيره ممتازه وتعمل تشقير
ومكياج وتسريحات على مستوى وحطو على مستوى كم خط المهم أخذت الرقم وكلمتها وطلعت
تونسيه وأتفقت معاها مع أن أسعارها خياليه عندها تشقير الحواجب 50 وصبغة الحواجب 50
وفتلة الشنب 50 وقص الشعر 100 طبعا كنت مضطره وخليتها تجي لبيت أهلي وجت وياليتها
ماجت :( المهم أغراضها تجيب المرض وبدت تسويلي تشقير الحواجب وحطت ميش مو التشقير
الآصلي طبعا عشان أرخص ولا عرفت أنه ميش الا بعد مع غسلت عاد وشلون سوتها ....
خلتها مثل الخيط وصار لونها رمادي على أصفر ماأقدر أوصفلكم اللون عاد قالت بحطلك اللي
يطفي اللون وطلع مثل وجهها حواجبي صارت تحرقني وحمرت وطلع فيها دوائر حمرا مثل الحرق
وبعدين قصتلي شعري تخيلو يابنات أنه صار يتساقط بشكل غير طبيعي من بعد ماحطت يدها
ولا سمت ولا شي حسبي الله عليها ولا خف الا يوم قصيته مره ثانيه,,,,,,,
وبعدين بدأت بأختي تشقير وصبغه أختي تقول الصبغه ريحتها خاااااااايسه وكمان أنعدمت حواجبها
وأختي تقولها لاتشقرين من فوق قالت خلاص أشيلها لك بالملقط وبالمره أشيل اللي تحت قالت أختي
مو على كيفك شقري اللي تحت وبس ,,,,,,
واللي أعرفه أن بعد مايخلص التشقير يمسحونه بسفنجه هذي لا تقول غسلوه بيدينكم صدق متخلفه
وبعدين بدت بالوالده صبغة شعر تقول صبغتي طبيعيه ومافيها ريحه وأسبانيه قالت أمي وش أسمها
ماعرفت ترد قالت المندوب يجيبها لي :icon33: حتى الصبغه ماتعرف أسمها وبعد ماغسلتها أمي
تقول لا صبغت ولا شي وخشنت شعري,,,,,,,
هذا يابنات اللي صار معي بالتفصيل حبيت أنقله لكم بكل وضوح حتى تاخذون بالكم زين وغير كذا
أسعارها لو كان شغلها زين معليش بس هذي تعدم ماتصلح,,,,,
والحين لازم أكتبلكم عن أسم العضوه اللي عطتني الرقم واللي الظاهر أنها هي نفسها حتى لو تشوفون
مشاركاتها معدوده وهي عضوه جديده ولا تكتب مواضيع بس ترد اذا فيه أحد بحاجه لكوافيره
تقولهم شيكو على الخاص,,,,,,,,
وأسم العضوه كازنوفا****1 والكوافيره الهام واللي تبي الرقم عشان تتأكد على الخاص
والله يابنات ماقلتلكم الا عشان أحذركم منها وأنها تعدم ولا تصلح
وحسبي الله عليها وعساها ماتتهنى بالفلوس اللي أخذتها....
الموضوع مغلق