كيف ناوية تقضي العيد ؟؟؟

سلام .. لأحلى بنات
وكل عام وانتوا بخير مقدما ..
تقبل الله منا ومنكم الصيام والقيام .. وأعاد علينا رمضان ..
ويسر لنا صيامه وقيامه ...

خلونا نتشارك مع بعض افكارنا في قضاء العيد ..
وين بتقضي العيد .. الاماكن اللي ناوية تروحيها .. وين بتودين عيالك ..

بصراحة انا أول سنة أعيد بعيد عن أهلي .. :icon33:

وأول سنة اقضي العيد بالرياض ..

بس مادري وين اروح ..

خلونا نشوف افكاركم ؟؟؟.

15 تعليق 3,350 مشاهدة

شاركي في النقاش

سجلي الدخول لإضافة تعليق.

التعليقات

13
  1. @am_rymaa

    بالأول كل عام وأنت بخير وكل منسوبات عالم حواء
    بعدين
    أماني لايكون تتكلمين عني
    أنا بعد مثلك أول سنة أعيد بعيد عن أهلي وكمان في الرياض
    ولا أدري وين أروح ولا وين أودي بناتي

    وحاسة بالطفش من ألحين
    خصوصا أني باقي جديدة على الرياض تو مالي شهرين
    ياليت أحد يفيدنا عن الأماكن الحلوة للترفية العائلي
    أو المنتزهات أو الألعاب النارية

    وعساكم على القوة يابنات دلونا بارك الله فيكم
  2. صاحبة الموضوع
    هلا حبيبتي أم ريما .. نورتي

    والله اني مثلك .. وزيادة على هذا زوجي يداوم في العيد

    ومايطلع الا الساعة اربعة ..


    وينكم بنات حواء .. مو عواديكم ؟؟؟

    في انتظار البنات يفيدونا ...
  3. @am_alhnof_4

    هلا حبيباتي انا من الرياض ومن عوايدنا انا واخواني يوم العيد نجتمع الصباح عند الوالده الله يعطيها الصحه والعافيه ونفطر وبعدين كلن يروح بيته الى العصر نجتمع حنا والاقارب بستراحه نكون متفقين عليها مسبقا وسهره الى الصبح0 ثاني يوم طلعه نسائيه بحته للملاهي 0وعندك في الرياض اماكن كثيره حلوه عندك ملاهي الخيمه والروضه وعالم الطفل والحكير لاند وستار ستي وعندك الثمامه وكلها اماكن عائليه تجنن شليهات وملاهي والعاب اطفال ومطاعم 0اتمنى اكون افدتكم 0عيدكم مبارك ومنورين الرياض0
  4. صاحبة الموضوع
    مشكورة حبيبتي أم الهفوف ماقصرتي ...

    وعيدك مبارك وعساك من عواده ...

    والله ان الغربة صعبه .. بس شنسوي ..

    بس حبيبتي لو تقوليلي افضل هذي الأماكن ..

    او ترشحيلي ثلاثة منهم ..
  5. @am_alhnof_4

    هلا اماني والله مدري اخاف ذوقي غير عنك بس والله انا يعجبني في الثمامه الفانتزي لاند مره حلو تاخذي شاليه وفيه بحيره حلوه وملاهي 0 اما الملاهي النسائيه 0عالم الطفل حلو بس المكان صغير ومع العيد تصير زحمه 0الخيمه برضه حلو بس العابه قليله0الروضه كبيره والعابها حلوه0ستار ستي والحكير لاند والله انا ما زرتها بس اللي راحوها يقولون خيال 0فيه بعدحديقة السلام وهي وسط الرياض بس والله حلوه مره كبيره وفيها بحيره والعاب بس مافيه خصوصيه حديقه عامه0وعندك بعدحديقة البعيجان جنب الفيصليه ما عليها بس احس ما يهتمون فيها مع ان موقعها روعه0وفيه حديقة الحيوان حلوه بس تقفل المغرب يبغاك تروحين بدري0وفيه عندك ملاهي البراجون و وحده جنبها والله نسيت اسمها هذي نسائيه مقفله من فوق يعني مغطيه فيها مطاعم والعاب حلوه واسواق0اتمنى افدتك حبيبتي 0

تابعي تجارب أخرى من هذا القسم.