عندي لخبطة هرمونات....وماادري حامل ولا لأ

السلام عليكم ورحمة الله وبركاته

أخواتي العزيزات في عالم حواء


اتمنى من اللي عندها خبرة الرد على استفساري


انا عندي ارتفاع في هرمون الذكورة (هرمون الاندروجين)
ويوم بلغت نزلت لي الدورة مرة وحدة بس واستمرت 15 يوم

وبعدها انقطعت

واتعالجت من ارتفاع الهرمون واستمريت على العلاج سنوات والحمدلله انه نزل الهرمون شوي وانتظمت الدورة

ولكني وقفت العلاج قبل ما اعرس

وعطاني الدكتور كلوميد ودافستون اخذتهم شهر قبل العرس وشهرين بعد العرس


وبعد العرس بثلاث شهور حملت

لكني سقطت على طول

لانه كان عندي قرحة في عنق الرحم واتعالجت منها بس بقى احمرار مكانها وكان في شهر يناير
وبعد العلاج يتني الدورة في شهر فبراير

وانتظرتها..... ومن هذاك الوقت وهي ما يتني
يعني صار لها اكثر من شهر متاخرة عن موعدها

وكنت احس بنغزات تحت البطن جهة اليسار في ايام موعد الدورة اللي ما يات
و عندي إفرازات مع البول

وسويت تحاليل حمل في البيت 3 مرات على الريق ومافي شي:06::06:


وتحليلين بول عزكم الله في المستشفى وما في شي:06::06:
وما سوولي سونار ولا تحليل دم

والحين ياية اجازة الربيع عندهم اهني في بريطانيا (لاني انا الحين في بريطانيا)
ولازم اتريا لان العيادات اتسكر في الاجازة:44::44:

ارجوكم ساعدوني

وجزاكم الله خير

5 تعليق 1,103 مشاهدة

شاركي في النقاش

سجلي الدخول لإضافة تعليق.

التعليقات

5
  1. @blblh

    ربنا يرزقك حبيبتي عاجلا غير اجل ان شاء الله و انا مع الاخت ام مضاوي لازم تسوين تحليل دم لانه يبان اكثر من تحليل البول

    وباالتوفيق ان شاء الله
  2. صاحبة الموضوع
    يا حريم

    يا خوات

    الله يسامحكم محد عندها لخبطة بالهرمونات
    وممكن اتساعدني

    ابغا اعرف ممكن الدورة تنقطع بسبب الهرمونات ولا لا؟؟؟؟؟؟؟؟؟؟؟


    وفي امل اني احمل؟؟؟؟؟؟؟؟؟؟؟؟
  3. @myaaad_alashoak

    والله ياختي انا هرموناتي متلخبطه لليل

    بس تاكدي ان ماراح احد يقدر يفيدك لاننا مو دكتورات

    انصحك تحليلين دم او تنتبهين لنفسك الى انك تلقين فرصه تحليلين فيها

    والله يرعاك ويحفظك

تابعي تجارب أخرى من هذا القسم.