شاركي في النقاش

سجلي الدخول لإضافة تعليق.

التعليقات

65
  1. @noth

    هلا ياقمر

    لا السائل لحاله خذته وتلقينه بعد عند أبو ريالين بكل مكان متوفر

    إذا رحت المشغل هي تنقع أصابعي بجهاز صغير له فتحتين هذا إلي أبي مثله

    حق الرجول أن شاءالله بروح لأكسترا أخذه اليوم
  2. @dloaa_aboha23

    سوري رائعة الكلمة ..بس انا كنت ادلعك<<<<<<<<ترقيعة

    ان شاء الله يا قلبي اذا مريت من عندهم ولقيت عروض ثانية على طول بخبرك
    ويا قلبي اذا مالقيتي السائل الزهري سوي مثلي نقطة ديتول على كاس مويه عشان التعقيم

    قمراي<<<<<<العفو يا قلبي
    بس ايش قصة جهاز اليد انا اول مره اسمع عنه
    انا ينقعون يدي في زبدية صغيره فيها مويه وشامبو بس من غير جهاز!!!
    وين شايفة في اي صالون؟؟

    وجهاز الرجول انا ما خذته من اكسترا ب99 لكن مره استخدمه وعشره لا من العجازة...والله يخلي الطشت :)

    وسؤال ثاني معليش اي ابوريالين لقيتي فيه المحلول الزهري؟؟ انا ولامره شفته وسألت عامله في مشغل وقالت نجيبة سطل من الفلبين:09: شكلها ناصبة علي صح؟؟
  3. @am_ahl_thlathh

    عن نفسي اشتري من الصيدلية العدة كاملة عدا مقص الجلد الزايد آخذه من قزاز بصراحه لا يعلا عليه اختي تستخدم منهم واحد من اكثر من 10 سنوات ماشالله ماتغير .
    اما الطريقه فانتي سوي لنفسك
    لا تزعلين مني بس تراها مو شغلة شغاله
    مسكينه وش تلحق بيت ومطبخ وكمان ..........تنظيف رجلين.:crap:
  4. صاحبة الموضوع
    هلا وغلا والله بقمراي ودلوعة ابوها

    الله يعافيكم خواي ماقصرتوا

    قمراي

    بالنسبة للحوض تبع اليدين والرجلين موضروري
    على قولة دوعه البركة بالطشت


    والمحلول الزهر معقووول عند بوريالين؟!!!
    لانه محلول طبي فكيف ينباع برا الصيدليات؟؟!!
    ويساعد على اذابة الجلد عشان ينشال بسهولة..........صح؟

    ام احلى ثلاثة

    ممكن اعرف بكم اخذتيه من قزاز؟
    مشكوورة ع النصيحة غناتي
    بس يالغالية انا اللي بتسويلي هالشغلة ماتكون شايلة البيت كله فوق راسها.

    اشكركم خواتي مالي غناة عنكم
    خلونا نخليه مرجع لهالغرض
    نسال ونستفسر ونفيد بعضنا
  5. صاحبة الموضوع
    بقولكم

    رحت اليوم لمي ولقيت المحلول الزهر

    العدة لقيتها كاملة ومفرقة بس الكاملة اغراضها مو مكتملة لازملك تجمعيهم احسن

    لقيت بالمفرق كل الاغراض الا العود الحديدي اللي يحك الظفر

    حتى فرشة الاظافر لقيتها بس للاسف صيني موفلبيني

    المهم كلللللللل اغراض العدة عندهم الا المحك

    على كذا يبيلي افضيلي علبة مونيكير واعبيها محلول زهر
    بس شلون بنظفها

تابعي تجارب أخرى من هذا القسم.