بدايتاً كل عام وانتوا بخير وعســــاكم من العايدين والسالمين وانشالله ينعاد علينا وعلى الامه الاسلاميه بأكملها ..
طبعاً مثل ما عوديتكم على مواضيعي انها تكون حصريه على منتدى عالم حـــواء بس هالمره الموضوع اللي نزلته مش موضوعي انما موضوع العضوه VOVO-2 اللي نزلت موضوعها قبل العيد واللي هو عباره صنفره وانا شخصيا جربت الصنفره بنفسي وحبيتها وااااايد لانها فتحت اليلد ونظفته وطلع يلدي رووووووووعه ماشالله يشع نظافه وبياض (صار تايد مب صنفره).
صحيح الموضوع يخص العضوه لكن انا حبيت انقل لكم تجربتي في صنفرتها الرائعه جداً وحبيت اشكرها واهديها الموضوع.
طبعاً انا بحط لكم كلام الاخت VOVO-2 مع اضافة الصور وبدائل انا حطيتها وجربتها على عمري ..
تعالوا شوفوا VOVO_2 شو تقول :
السلام عليكم
يابنات هذي صنفرةاستخدمها لي 3ايام صراحة هي خطيرة وتنظف من قلب بس صاحبة البشرة الحساسة لا تستخدمها بعدين تدعي علي
وتعليق غرشوبه:
انا استخدمتها ليلة العيد والصرااااااحه روووعه بس البنت الدلوعه اللي تخاف من الامراض وتقول ضار ضااار ضاااار لاتستخدمها، وحتى البنت اللي بشرتها حساسه ورقيقه لاتستخدمها لان الصنفره هذي تقرص وتحمر البشره فالبدايه وبعدين يصير لونج روووعه.
مقادير VOVO-2
تصوير غرشوبة زعبيل


VOVO-2: مقدار من بلوندو المشقر
غرشوبة : 4 ملاعق بلوندر

VOVO-2: نفس المقدار حليب بودرة
غرشوبة: 4 ملاعق حليب بودرة

VOVO-2: نصف المقدار اي صنفرة عندك
غرشوبة: ملعقتين ملح الحليب يوكو طبعا مثل ما انتوا ملاحظين محتفظه بملح الحليب في عبوه زجاجيه
VOVO-2: ربع المقدار عصير ليمون
انا حطيت ملعقه طعام ليمون بس ماصورت الليمون


VOVO-2: وتخلط جميع المقادير ببيروكسد حتي يكون عندك مثل العجينة وتفرد علي الجسم وتترك قد ما تقدرين بس ما يقل عن 10 دقائق بعدها صنفري جسمك وغسلي وشوفي كيف النظافة والبياض.
غرشوبة انا حطيتها اقل من 10 دقايق حسيت بقرصات من الاكسجين فالبدايه بس تميت وتحملت لكن انا ماصنفرتها انا غسلتها بالماااي البارد.
لاتردون بكمل ..






