شاركي في النقاش

سجلي الدخول لإضافة تعليق.

التعليقات

50
  1. @mlak_alryad_111

    مساء الخير

    اخواتي والله قريت الموضوع وماتدرون انه جاء على الوتر الحساس

    انا اداريه كاتبه وطفشانه من الدوام لي حوالي 29 سنه بس والله مليت من الدوام صح مافيه شغل متعب

    بس طفشونا هالموجهات من كثر مايهددون بالندب لمدارس ثانيه

    وقومت الصبح وخاصه في البرد ههههههههه

    المهم انا من العام الي راح وانا افكر بصوره جديه بالتقاعد بس خايفه اندم ويقولون لي افتحي مشغل ووسعي صدرك فيه وشرايكم مع اني ماحب مسؤليه العاملات وغيرهم 0

    ودي اسولف معاكم ردو علي وش رايكم الله يسعدكم
  2. @almash_44

    أختي العزيزة ملاك الرياض:
    الله يحفظك ويعينك ابعدي فكرة التقاعد حتى تتعدى خدمتك الثلاثين وأنا أقول لك السبب
    وطبعاً أنا لك ناصحة .السبب هو مكافأة نهاية الخدمة اذا كان تقاعدك من25 إلى أقل من30 لو
    بشهر وطبعاًبعدحذف الإجازات الإستثنائية يحسب لكل سنة ألفين يعني بالكثير 58 ألف
    لكن لو قدرك الله وتعديتي ثلاثين سنة يحسب لك عن كل سنة خدمة ثلاث آلاف ريال
    يعني تتعدى المكافأة 90 ألف شفتي الفرق حوالي 30 ألف
    مالك إلا الصبر والإحتساب وكل شيء بأجره .الله يكتب لك الأجر والثواب ..
  3. سبحان الله يا اختي ما احد مرتاح و صدقيني لو كنتي بدوامك للحين كنتي طفشانه و تفكرين بالتقاعد ليل و نهار.. هذي طبيعة البشر والشيطان يوسوس بالنفس اعوذ بالله منه..
    اختي بما ان عندك مشغل انا اشوف ان وقت فراغك تقضينه فيه.. توسعينه او تضيفين له خدمات أو اركان جديده مثلا تصميم كوشات او تنسيق حفلات او تصوير .. او اي فكره تاخذ من وقت فراغك وتجيب لك ارباح اكثر من اللي كنتي بتاخذينها من الراتب لو ماتقاعدتي.. وش رايك :)
  4. @mlak_alryad_111

    ألماســه
    أختي العزيزة ملاك الرياض: الله يحفظك ويعينك ابعدي فكرة التقاعد حتى تتعدى خدمتك الثلاثين وأنا أقول لك السبب وطبعاً أنا لك ناصحة .السبب هو مكافأة نهاية الخدمة اذا كان تقاعدك من25 إلى أقل من30 لو بشهر وطبعاًبعدحذف الإجازات الإستثنائية يحسب …
    الله يعطيك الف الف عافيه اختي الغاليه الماسه

    من جد ماتدرين كيف افدتيني باخذ بنصيحتك والله اول مره اعرف هالمعلومه

    مع اني اتصلت بمؤسسه التقاعد وماقالو لي نفس كلامك
    ادعي الله ان يوفقك ويسعدك

    اختك ملاك الرياض

تابعي تجارب أخرى من هذا القسم.