اللي عندها حريم خوان تدخل

ابحكيلكم القصة من طقطق لسلام عليكم
احنا أربع حريم خوان (سلفات) أنا الكبيرة فيهم اذا جت عزيمه عند أهل زوجي اتحمل المسؤولية وكن العزيمة عزيمتي وتشوفوني أنواع الطبخات أنواع الحلى حتى لو مو عزيمة لو بسير عليهم يومين بالأسبوع ماأروح ويدي فاضية لازم أقل شي نوعين حلى والمعجنات أشكال وألوان وغير عشاي معي أصلحة بصواني لين بس يبقاله الفرن أكمله عندهم وهذا طبعي من يوم تزوجت وفي رمضان اليوم اللي بجي فيه لهم ماتصلح شي خالتي أبد وتقول لأني عارفة انك بتجيبينالمهم هاليومين اللي أجي فيهم فيهم يوم الإربعاء لازم نجتمع يالسلفات والحموات ( أخوات زوجي) وهم ثنتين
بتقولون وين المشكلة
المشكلة ان أم زوجي وخوات زوجي يعاملونا مثل بعض مع أن حريم الأخوان الثانيات يجون صافين يديهم في رمضان مثلا يجون قبل الأذان بس بعشر دقايق ولا معهم ولاشي وهم ماهم موظفات وأنا الموظفة الوحيدة:( والله اليوم اللي أروح لهم فيه اني ماأنام دوام وطبخ وصيام وتعب:09:
لا واللي يقهرني أكثر مايجيبون طاري اني مسوية هذا كله ولا يدعون لي قدام الحريم الثانيات لا بس لين جيت أبطلع لحقتني خالتي ودعت لي وبس..... بس بعد أشوفها اذا طلعت قبلي وحدة منهم تلحقها يمكن تقولها نفس الكلام :(مدري مدري انتم وش رايكم لاتقولون لاتجيبين لاني ماقدرأحسها مثل أمي وحرام تتعب اذا اجتمعنا أحاول أجيب اللي أقدر عليه
أبي وجهات نظركم اذا عندكم حريم أخوان وشلون تتعاملون معهم واكيد فيهم الحلوة والشينه فيهم الرفلا والجيدة وفيهم الذوق والوقحة يعني أكيد بيختلفون في كل شي وشلون تعاملكم معهم

69 تعليق 4,598 مشاهدة

شاركي في النقاش

سجلي الدخول لإضافة تعليق.

التعليقات

64
  1. اكره اللي كذا صدق انها ماتستحي تجي تبلع وبس ’’

    وتلقين ام زوجك ودها تذبحهم بس شكلها حبوبه ’’

    وانتي لاتضغطين على نفسك مره ومايجيبون طاري اللي انتي مسويته علميهم انتي قولي ذوقي يافلانه

    وش رايك فيه مايصير تسكتين تتعبين وتنقهرين خذي حقك وبردي قلبك بس بأسلوب...
  2. @fafy_999

    انتي هذا طبعك وتحبينه وماعندك استعداد تتركينه وتحسين بالرضا ومستمتعه وانتي فازعه لهم دايم. عشان كذا لاتحاسبينهم ولاتزعلين منهم لان هذا الشي تسوينه بمزاجك.

    والباقي هم حرين ، ولا تقارنين . واذا ما اقدرتي لاعاد تسوين شي ابد وريحي نفسك
  3. @atob_alyk

    السلام عليكم
    حبيبتي انا مثلك ولا برضى اروح لحماتي الا بكير عشان اطبخ انا وتبدأهي تبعث من طبخي لسلفاتي ببيوتهن ساكنين قريب منها الا انا بعيده ومتغربه يعني ضيفه
    المهم هي بتعاملنا سواسيه وممكن كمان انا اقل منهن بتعرفي ليش

    عشان ما يغارو ونكره بعض انا عارفه انها بتميز بقلبها الشاطره من غيرها ولاعمرها حكتلي انا بعاملك عادي عشان ما يزعلو بس حماتي وانا عارفها بتراعي رب العالمين فينا

    فلا توخذي ببالك حبيبتي انت بدك تتميزي عنهن بالمدح وغيرو بس صدقيني العارف لايُعرًف همه شايفين وعارفين اكيد وانت لك الاجر من عند الله احسن من كل شششيء
    وحتى امام زوجك لا تشكي ولا تلمحي لانه عارف صدقيني وانت كبيره بعينه من غير محد يمدحك واتوقع امه بتمدحك لما تختلي فيه اكيد
  4. @msrkaa_hanm

    شوفي ماعليك من تصرفهم انت تسوين هالشي علشان الله ثم علشان حبك لخالتك واحترامك لها
    ولاعليك من كثرت التصرفات السيئه وكثرت الخبيث اهم شي انك اخلاق ورووعه ماشاء الله عليك وعجبتني والله ياقلبي ياليت كل الناس مثلك كان طلعت الدنيا حلوه


    والله ييسر لك امورك واكيد انهم يعزونك في قلبوهم ويحسونك مثل بنتهم

تابعي تجارب أخرى من هذا القسم.