الفزعه يالخبيرات هل من الممكن التحكم بشبكة الدي سي ال اللي بالبيت

هلا ومسهلا فيكن يااخواتي انا عندي مشكله جابتلي الصمرقع وعجزت افهم لها قلت مالي الا خواتي هن بيحلنها لي بقولكن الزبده
حنا بالبيت عندنا شبكة دي سي ال وشغال عليها اربع ة محمول بس لاحظنا انا وخواتي ان الاتصال ينقطع في وقت معين يعني لنا اربع ايام لاحظنا اذا جت الساعه وحده بالليل نلاقي مكتوب لايمكن عرض الصفحه مع انه يوجد اتصال ويوجد شبكة دي سي ال بس للأسف مااتشتغل باجهزتنا ولاحظنا ان اخوي الوحيد اللي جهازه شغال اذا توقفت اجهزتنا يابنات انا انجنيت كيف جهاز اخوي شغال وحنا اربع اجهزه كلها توقف ابي افهم هل من الممكن اخوي يقدر يتحكم باجهزتنا او هو اللي يدير الشبكه من جهازه او مصادفه ان الاجهزه تتعطل كل هالايام وهو الوحيد اللي جهازه شغال
تكفن يابعدي قلن لي وش السالفه

5 تعليق 856 مشاهدة

شاركي في النقاش

سجلي الدخول لإضافة تعليق.

التعليقات

5
  1. @almhbh_lkm

    أمم تقدرين تتحكمين بالشبكة بس وتقدرين تمنعين أي جهاز يتصل بالشبكة يعني المودم أم إنه يتصل بالمودم بس مايتصل بالنت والنت شغال تمام تأكدي أختي من اللمبة حق الدسل شغاله في هذه الوقت ولا لا ..والله صراحة ماعندي خبرة كثيرة في هذه الأمور هذا اللي قدرت أقوله لك وإن شاء لله الأخوات يفيدونك
  2. @yellow_girl

    عطيني نوع المودم والشركه .. اما بشكل عام
    ممكن وعادي جداً ان اي احد يتحكم بالمودم من بعيد
    ويقفله في وقت ويشبكه في وقت بس عشان تتاكدين
    وماتظلمينه في نفس الوقت اللي يفصل الاتصال شيكي على
    لون المبه اذا تغير عن الون اللي كان عليه قبل معناته
    قفله ويتحكم فيه .

    بالتوفيق اختي
  3. Yellow Girl
    عطيني نوع المودم والشركه .. اما بشكل عام ممكن وعادي جداً ان اي احد يتحكم بالمودم من بعيد ويقفله في وقت ويشبكه في وقت بس عشان تتاكدين وماتظلمينه في نفس الوقت اللي يفصل الاتصال شيكي على لون المبه اذا تغير عن الون اللي كان عليه قبل معناته قفل…
    اعتقد يستخدم برنامج NetCut
    والبرنامج خاص بقطع الاتصال .

تابعي تجارب أخرى من هذا القسم.