الفزعة يا كويتيات

ياااااه ما هقيتها منكم يا كشيخات
كذا طنشتوني :(

طيب على الاقل ادعوا لي الاقي مكان او صالون في الامارات يساعد شعري
مو لازم الكويت اذا المسألة صعبة لهاذي الدرجة
مابقى الا اترجى الردود منكم


بس ما راح ازعل لان لسه في عندي اربع ايام قبل لا اروح الكويت يللا بنات فزعتكم
بنات دبي تجاوب بلييز ساعدوا اختكم

روحي صالون حنان دشتي هناك خبيرات للشعر والقصه ياقلبي حسب اللي يناسب ويهج

هلا اختي الحسن يا حايزة الحسن كله ومشكورة

عندج فكرة صالونها بأي منطقة بالكويت؟

ها بنات عندكم وقت تردون علي ولا انسى الموضوع وخله يروح للارشيف؟

أنا ماأعرف بالقص خير شر بس فيه موقع كويتي يتكلمون عن هالشغلات
اذا تبين أدز لج العنوان عالخاص لان مايصير ذكر مواقع هنيه
وما عليه لا تزعلين من بنات الكويت ترا احنا خواتج

افي صالون بقرطبه يمدحونه وباليرموك بعد بس ما عندي الاسامي الحين وعندج جاك ديسانج وبنسال ونشوف لج بشري افا عليج