المرطب ضروري .. علشان ما تبين البشره متشققه ولااا فيها قشوور .. خصوصا اذا كانت بشرتك جاافه حرصي على المرطب .. ولالا تخافين جداا خفيف على البشره (اولاي اللي قلت لك عنه ) ولااا راح يبين انه طبقات وبس تحطينه .. اقل من دقيقه وراح تمتصه البشره .. اذا امتصته البشره فردي البيس .. وما يحتاج تحطين كميه كبيره من البيس لا بس نقطه بطرف اصبعك راح تكفي .. وانتظري حوالي 3 دقايق ثم فردي الاساس
ما ادري وين ممكن تحصلين كريولان بقطر .. سامحيني انا من الكويت !!
وماك شدواتهم حلووه .. اصلا اغلب خبراء التجميل يستخدمون ماك وفرايفر و كريولان << لانهم ماركات بروفشينال .. وشدات ماك حلوه .. اي نسيت اقولك شدوات نوبا بعد حلووه ..
سمعت بكحل سمايل بس ما جربته .. الصراحة الشي الرخيص اخاف منه ! << مو تكبر
بس اغلب الماركات اللي تباع باماكن غير معلومه .. مثل كحل سمايل وبودره سمايلنج .. الخ هذولي ثباتهم فتاك .. بس شوفي من شنو مصنوعين .. يعني هالشركات العالميه مثل جيرلان وكانيبو و استي لودر و ماك وفرايفر .. ما يدرون شنو الاشياء اللي ممكن يحطونها وتثبت المكياج ؟؟ لا يدرون بس في اشياء مو زينه مثل القاااز و القار الله يكفينا الشر يسون المرض الشين الله يبعدنا عنه !
فعشان جذيه استخدم ماركات رخيصه بس معروفه وعالميه .. مثل ريفلون و برجواز وماكس فاكتور وريميل ولوريال ومبلين ....
والصراحة كحل ريفلون روووووووووووعه .. و كحل سان لوران .. و صاحبتي تستخدم برجواز تمدحه .. وحتى اكحال بودي شوب زوينه !
ولا تقولين لي ثابت و ما يسيح .. كل المكياج يسيح .. بس يتفاوت من شخص الى شخص ومن بشره الى بشره ومن مكان الى مكان (المنطقه اللي جوها زينه مو مثل المناطق اللي جوها حاار ورطب !! )
بالنسبه للكونسيلر .. الباليت جدا حلوووه وراح تستفيدين منها ان شاء الله ..
بالعكس البرونز ما راح يغمقك اذا استخدمتي اضاءات برونز .. بالعكس راح ينور لك بشرتك ..
قبل فتره كنت رايحه عرس وفي وحده من الحاضرات تقريبا بعمر ال 45 .. 50 .. بس بشرتها تينن .. كل البنات اللي بال20 25 زااايغه قلبوهم عليهم ..
وتعتقدين شنو اللي مسويته مخليهم يتخبلون عليها .. حاطه لمعه ذهبيه برونزيه .. وهي بالاساس مو سمره لا حنطيه فااتحه بس احترقه (بعدين الشر عن حبايبنا) وصارت بشرتها غامقه .. تقريبا كان لونها مثل لون ( مرام .. او مثل بيونسيه ) طاالعه تينن !
طيعيني واستثمري لووونك وكوني glow
وعشان ما تطلعين غامقه .. اخذي لون اساس بلون بشرتك .. واللمعه خليها برونزيه ..
واذا ما تبين تطلعين برونزيه .. حطي لمعه ذهبيه لؤلؤيه ..(ذهبي فاتح ) وان شاء الله يطلع شكلك حلوو ومثل ما تحبين
وعلى قولتك اهم شي الاساسات اللي تتعبين عليها وتكون من ماركات زينه .. والباقيه يصير خيررر
ومو رضوري تاخذين اللمعات من فورايفر .. جربي لمعات ريفلون skinlight فيه منها لونين ذهبي برونزيه شووي .. و ابيض لؤلؤئي على وردي شوويه .. ومره جربتهم على يديني وكانواا جدااااااا حلوين .. بس لان عندي واايد لمعات علشان جذيه ما اخذتهم .. وعلى فكره عرفتهم من بنات المنتدى يمدحووون فيهم ..



