إيش الحل مع أم زوجي؟؟؟ تعبت معاها والله

السلام عليكم يا بنات هالمنتدى الأكثر من رائع والله


بدخل في الموضوع مباشرة:

يا بنات أم زوجي من النوع المسيطر و آنه زوجي تزوجني من إختياره (يعني مو على إختيار والدته) و إهي من يوم ما دخلت بيتها شانه علي الحرب.
مع إني الله يشهد إني أحبها مثل أمي و أحترمها وايد و حتى أناديها يمة بس ما ينفع وياها , و هي ما عندها بنات و زوجي ولدها البكر و الكل يمدحني من أهل زوجي سواء في الأخلاق و الجمال و الطيبة بس إهي مو بالعتني بس لأني مو على إختيارها ( يعني تتدخل في كل شئ في حياتي حتى لما نكون في جمعة تتدخل في كعدتنا (يعني إتأشري لي أكعد في هالمكان و إتناديي زوجي و إتكعده بعيد عني ) يعني هاي شئ تافه بس بعد تتدخل فيه,
تعبت منها إشكثر أتحمل
آنه ساكنه في بيتها بس بحكم عمل زوجي يسافر طول الاسبوع و يرجع يومين الإجازة فأرجع بيت أبوي لاني أشتغل و أمي تمسك عيالي فأكون في بيتها بس يومين و في هاليومين إتعيشني في عذاب
إتصدكون إنها ولا تتصل تسأل عن إعيالي طول الأسبوع .

مع إني والله ما أقصر معاها من الهدايا بس ما ينفع يعني لا الكلام الحلو و الهدايا و لا الطيبة يايبة نتيجة.

و المشكلة إنها تترس راس ولدها بأفكارها اللعينة (يعني تكول له إذا زوجتك كالت يمين إنت كول يسار و لا تروح بيت أهلها و من هذا الكلام ( زوجي طلع منه الكلام بالغلط كم مرة فعرفت هالشئ منه ) حتى الغدا إلي كنا ناكله في بيت أهلى في الأسبوع مرة حرمتنا منه لأنها تكول لزوجي لا تروح وايد بيتهم, مع إنا زوجي يرتاح مع هلي و يحبهم لان ما شاف منهم إلا كل حب و احترام بس لازم يطيعها ولا هو بعد ما بيسلم من حركاتها,

و إهي المسيطرة في البيت يعني الزوج والأولاد كلهم على كلامها محد يكدر يناقشها

كل أمنيتها إنها إتفرقنا بس آنه متوكلة على ربي


شورو علي إشلون أتصرف معاها لأن احس إذا ما دورت على حل ببتدي أكرها
و انه ما أبي هالشئ يصير و(الحركات إلي أشوفها منها وايد بس أنه ما بي أطول) أعتقد وصلت لكم شخصيتها.