بنات مصر فى الغربة (الطيور المهاجرة ) 3

هلا ندا الصباح

ايه الحاجات دي كلها
ده انت طلعتي قصة وحدوتة
ياللا هاتي مواهبك وفرجينا على شغل الابيسون يمكن نكون زباين عندك
ده انا السنة دي روحت زنقة الستات عشان اتزنق شوية وبالمرة اجيب حبة ترتر وشوية خرز وخيوط عشان نفسي اتعلم التطريز
بس للاسف تحطمت امالي على ارض الواقع لان مفيش وقت خالص

احدفيني بجوزين حمام من عندك مش بريش ,,,جاهزين على الاكل على طول

وقع تاني

قلت ارفعه ,,

,طيب ايه رأيكم نحط له استيك يمسكه ,,,

السلام عليكم ورحمةالله وبركاتة
بنات بجد ليكو وحشة كبـــــــــيرة اوى
والله كنت لسة بقرا المشاركات بتعتكو فى الملف القديم وكنت مبسووووووطة اوى بيها
المهم يارب تكونوا كلكم كويسين ودايما منورين الملف

ايه يبنى ياست رارا انت كل دى غيبه بجد والله انت وحبيبه زودتوها كل ده بتصيفواااااااا


وحشتونا اوى ياوحشين بس الحمدلله انكم بخير سلامى لحبوبه كثير اوىىىىىىىىىى

أشكركم على الصحبة الحلوة والردود المشجعة ، وحتى لا أنسى عيد ميلاد سعيد ومبروك لكل الأمراء والأميرات الجدد والقادمين.
انا حاولت على قد ما قدرت أقرأ ما فاتني حتى أتابع معكم لكن الملف كبير والحمدلله مش نق ولا حسد ربنا يزيد ويبارك.
الى كنزي - هالة القمر - سما السحاب - كلبيزو - كرانيشو - ام منه - كتاكيتو - كوسةوبط - أم محمد- أوزريس - أم أكرم الكوماندة - الوردة الحالمة - مصرية رقيقة - المشتاقة للأمومة - رندة - مليسيا دارين - مدام شرين -وكل الهيئة الموقرة الحاضرين
أقدم السي في بتاعي واحكيلكم كل الموضوع بالتمام أنا اسمي ايناس ودخلت القفص الزوجي برجلي ولاحدش سما علي وتميت 4 سنين جواز بالتمام والكمال يوم 16 / 10 وعندي من الأسود 2 .عمرو 2 و 9 شهور ، وكريم سنة ونص وبشد في شعري من الشقاوة بس ربنا يخليهم لي .
خريجة تجارة ودبلومات كتير وشهادات عليا ومهنية في التسويق والادارة من الجامعة الامريكية

وكنت مديرة مبيعات شركة سياحة أد الدنيا وحالية ست بيت و

،بس كنت هموت اعمل حاجة واتعلمتها الحمدلله وهو شغل الابيسون والجوبلان الفرنساوي وبعمل دواقتي حاجات جميلة وربنا يسهل فيه بداية مشروع كده.
ساكنة في بلد جوزي في سقارة عند الهرامات المدرجة ، يعني يمين شمال جنب جدنا زوسروالحمدلله

هواياتي شعر وقراية وتربية حيوانات وعندي كل الحجات من كلب لحصان لحمام للي بيحب الحمام المحشي والمكرونة الي من غير صلصة.
آدي يا بنات القصة وما فيها ياللا انا مستنية...


اهلا ياقمر ماشاءالله عليك فعلا السيفى بتاعك عسول زيك ويشرح القلب

على فكره المكان الى انت فيه ساكنه بحبه اوى ولما رحته اتمنيت اعيش هناك تتصورى انه الهرم دى منطقه حبيتها اوى لانى من اسكندريه


يارب تنبسطى معانا .