شاركي في النقاش

سجلي الدخول لإضافة تعليق.

التعليقات

48

  1. @krad_hth

    صاحبة الموضوع
    حيروتني يا صبايا احد يقول العطور افضل ومركزة واحد يقول لا
    والاسعار اغلى
    ابي اوصيه على شكولاته هذي ما فيها كلام خاصة الكيت كات طعمه خيال حق زمان مو اللي عندنا الله يكرم النعمه من جنوب افريقيا وابجرب المارس
    وابي اوصية لولدي لبس للعيد الجاي عشان ارتاح
    بس انا احترت للحين مادري وش اوصيه عليه

  3. @specials

    X.O
    ياختي رحت لباريس وتبضعت ويوم رجعت للرياض لقيت كل اللي شريته بالاسواق وبأرخص حتى العطور قالو في باريس مركزه ولقيتها بالرياض بنفس التركيز وأرخص الفرق الوحيد اللي شفته ان باريس اغلى من السعوديه مع ان البضاعه نفسها
    اجل انا عكسك رحت بالصيف لها وكان توهم مسوين تخفيضات ..شريت اشياء كنت شايفتها بالرياض لقيتها هناك نص القيمه وماركات طبعا..يعني مثلا جزمة جست كفالي كانت هنا ب 2000 شريتها هناك بالف شريت شنطة بربري مسوين عليها خصم وموديل هالسنه بعد 1600 ريال لقيتها هنا بس لون ثاني تخيلي بكم 8000 ريال خخخخخخخخخخخخخ قمة الوناسه يوم شفتها حسيت ودي احضن شنطتي ومااتركها ابد خخخخخخخخخخخخخخخخخخخخخخ وشريت تيشيرت بربري لزوجي 250 ريال لقيتها هنا نفسهاااااااااااااا ب 560 ريال
    طبعا اصليه ومن محلهم بعد ..بس العطورات شريت منهم ويوم جيت لقيت ساكس منزلها ..
    ابي ارجع لباريس من جد حبيتهاااااااااااااااااا مرررررررررررره :( تنفع للكبار والصغار ..واحلى شىء اننا رحنا بوقت كان لسى ماازدحمت وتوهم تخفيضات والجو مو مرررره بااارد في بداية جولاي..

    لصاحبة الموضوع مااقدر افيدك ايش يشريلك بس يروح للافييت وينتبه على اغراضه لايسرقونها منه لانهم نشالين يروح وكل شىء يبيه بيلقاه فيه
    وفي محل اسمه we احلى مافيه لبس الولادي انا قشيت منه ويروح الاوت لت
    في باريس هناك ماركات مخفضة يروح له بالمترو ...

    وعقبال ماتروحين معه ..

  4. @sabryna_2005

    بالنسبه لعطور مونتال اللي هنا هي بلاك عود وكوين روز ووايت عود
    بس تراها مش زي اللي بباريس تركيزها اخف قالتلي البنت اللي في محل باريس
    ان اللي بالسعوديه عند وجوه بس مش زي اللي عندنا
    وبالنسبه للملابس فعلا H&M فعلا حلو والاحلى انه مافيه احد بيلبس زيك لأنه
    موعندنا كمان عندك بالشانز محل ناف ناف يجيب اشياء حلوه وفيه محل بس ناسيه اسمه
    في المجمع اللي عند برومود يجيب جنزات روووووووووعه وهو الفرع الوحيد
    بالعالم جنزاتهم كلها شك ودانتيلات بس الاسعارناااااااااااار00
    واذا تحبين الشنط فيه محل لويس فيتون عملاق بالشانز وعنده كل الموديلات
    من ابواك الى شنط السفر00
    بالله قولي له يسلملي على ديارساركوزي الله لايحرمنا الرجعه لذيك الديار00

  5. @sryoaa_aooy

    يالله سترك
    ياختي انا رحت لباريس الصيف هذا ومااااااااااشفت زود عن الموجود عندنا والله اني شريت عطورات خاصة من الشانز الواحد بـ800 ريال وريحته ماتجلس ولا عشر دقايق وتروح ماكني حطيت شييييييييي والله اني شريت اشياء كثيره ولقيتها ماشبهه عندنا قولي لها …



    وانتي الصادقه انا مثلك طخطخت لي عطورات من سيفورا ونفس الشي ماتقعددددددد مااحسها تلصقق بالملابس وغاليه جدااااااااا والحين سيفورا الي عندنا نفس الي هنااااك بالظبط اللهم العطورات الرخيصه الي هناك مو هنا فيه عطورات حلوهـ خفيفه اسمها فانيلا حلوه مافيه هنا
    ومثل خويتنا انصح بالشنط
    عندك مجمع قاليري لافييت اقرب محطه المترو رقم 9 اسم المحطه chaussee fayett dantin la
    سوق فخم واسعاره نار والتسوق فيه جوووووووناااااااااان

    مجمع le dome في الاديفانس اخر محطه في المترو رقم 1 اللون الاصفر اكثر سوق عجبني لانه اسعاره حلوه وشامل ويادوب يومين تكفيه

    سوق اليهود ابوكير تحصلينه نص السعر رخيص وحلو بس حظك نصيبك تلقين فيه مثل سوق الجمله ويبعون بالقطعه
    عند محطه strasbourg st - denis المترو رقم 4 البنفسجي اول ماتنزلين من المحطه فيه محلات كثير اسالي عن ابوكير ويدلووونك عليه

    على امتداد شارع الشانزليزيه يفيه كثير من الماركات العالميه وسوبرماركت Monoprix الدور الارضي ملابس واكسسوارات وادوات تجميل اسعارهـ رخيصه وحلوهـ مره

    ولاتنسين ابي شنطه هديه من روبرتووو كفالي الجديدهـ :icon28:

تابعي تجارب أخرى من هذا القسم.