بتنزلين زياره ؟وش ناويه تاخذين معك لاهلك؟

مرحبا بنات عجبتني فكرتكم انكم تجمعون من الهديا من الحين والله فكره حلوه
شكلي بسويها.

بس ياليت تقولون لي عن الزيت اللي تقولون عليه وانكم استخدمتوه
وين الاقيه بالضبط وشلون شكله ياليت تحطون لنا صورته
وهو حق الشعر ولا الجسم ...؟؟

وماتقصرون

مرااااااااااااااااااااااااااااااااحب يا حلوات

حبيت أفيدكم بما إني نزلت قبلكم السعودية وقشيت من هالهدايا وصراحة تعبت مرة لأني غلطت غلط فادح بإني تركت عملية شراء الهدايا لقبل سفرتي بكم أسبوع بس.. فمرة تعبت وحفت رجولي غير إنضربت عندي المييزانية مرة :(
فنصيحة الخوات فعلآ بمحلها إشتروا على رواقة كل يوم تروحون السوق وتلقون شي زين وينفع هدية لا تترددون إشروه حتى لو ما عندكم سفرة قريبة.
بالنسبة للهدايا عندك محلات فكتوريا سيكرت عذااااااااااااااب وفيها العطورات والكريمات والجلوسات وخرابيط الجسم تهوس وتكون مغلفة عندهم وحاطينها بعلب هدايا جاهزة للإهداء وبأسعار حلوة وفي منها للرجال . هذا غير قمصان النوم والبجايم والأندر وير مرة جنان وتنفع هدايا.
عندكم بعد Target فيها هدايا مواليد جاهزة ومغلفة وهدايا ميك أب وألعاب ومناكير كلها مغلفة وجاهزة وحلوة للإهداء.
في محلات بعد الآوت لتoutlet هذي موجودة بامريكا فيها كل الماركات تنباع بضايعها بأسعار مخفضة يعني تلقين الماركات بأسعار أرخص من أسعار السوق وتقدرين تشترين منها الشنط الماركة والمكياج الماركة بأسعار مغرية. ,والله عذاب مرة حلو ملابس عطور مكياج شنط كله بأسعار مخفضة وماركات بيربري ،ساكس فيفث أفينيو، CK , DKNY و غيرها كثير وما يكفيك يوم تروحين أنا يالله كفاني يومين إلى ثلاث أيام لأنها مرة مكان ضخم وكبير ويبيله تفرغ :42:
بالنسبة للرجال مثل الأبو والأخوان عندكم غير فكرة العطور والمحافظ والكبكات عندك شنط العمل الرجالية وعندكم بعد البلوفرات الشتوية والجاكيتات الشتوية اللي ممكن يلبسونها فوق الثوب بالشتاء ويفرحون فيها لأن هنا عندهم موديلات مرة حلوة أو إنك تشترين لهم بدل للسفر أو ربطة عنق مرة راح يفرحون فيها.
عندكم بعد هنا بأمريكا مواقع الهدايا يعني أكتبوا بقوقل هدايا للأم مثلا أو هدايا للزوج ويطلع لك أفكار واشكال هدايا جنان ما تخطر على البال وما تشوفينها بالسوق وبأسعار مرة حلوة تختارينها وتوصل لك لباب بيتك خلال ثلاث أيام مغلفة جاهزة ما عليك غيرإنك تاخذيها معك .

بالنسبة للي سألوا عن الزيتsix hot oil
مرررررررررة خطير أنا بعد جربته هو زيت للشعر والجسم والأظافر يعني شامل وينفع تستعملينه كزيت عادي أو كحمام زيت . بالنسبة لي أنا جربته على شعري فقط وريحته جنااان حتى زوجي عجبته الريحة يعني ريحته مثل ريحة الفواكهة العطرية وبالنسبة لمفعولة أنا كنت أعاني من القشرة الشديدة وشعري ناشف وباهت والله بلا مبالغة من إستعمال واحد إختفت القشرة لمدة أسبوع كامل وشعري رطب ملمسه ورريحته حلوة وفيه لمعة.
هذا الزيت موجود بمحل السوبر ماركت الكبيرة مثل ستوب آند شوب وغيرها وبالصيدليات موجود أيضآ يعني ممكن تلقونه بسهولة ومتوفر بكل مكان.

ودي أسأل سؤال للأخت اللي قالت بتاخذ أواني وصحون تقديم كهدية وللبنات اللي عندهم فكرة بهالمجال، أنا فكرت بنفس الفكرة بس اللي رددني خفت يتكسرون مع العفش هذا غير إنهم ياخذون مساحة كبيرة. فيا ريت توضحون لنا كيف أخذتوها معكم ووين حطيتوها هل بالشنط أو بكراتين خاصة وكيف حميتوها من إنها تتكسر وكيف شحنتوها؟

الف شكر لصاحبة المووووضووووع وولبنات الي كل مره يعطونا افكار حلووووة

بالنسبه للاخت الي ذكرت العاب زوجية ياريت تخبرنا من اي مكان نحصلها .....

وكمان ودي أسال عن الاكياس الي ممكن نستخدمها للتخزين وما تاخذ حيز كبير
اسمها سبيس باج ياريت الي جربتها تخبرنا هل هي عملية او لا ؟؟؟؟؟

وكمان الاخوات الي اشتروا من فيكتوريا سيكريت ما ادري اذا لاحظتو ان الموقع يبيع اشياء ما موجوده في المحل نفسه ........

بصراحه انا استفدت افكار كثيره ومعاهم حق الي قالوا ان الواحد لازم يشتري على فترات وما ياجل الشراء لقبل السفر:09:

وكمان ودي أخبركم عن اوت لت اسمه ود بيري سمعت انه بيه ماركات مخفضه بس لسه ما رحت له .....

اذا تذكرت شي ثاني راجعه لكم :09: