أطفالنا الحلوين ،، من 6 ش - 12 شهر ،، حياكم الله

اهلين بنااااات
انا حمودي بسم الله عليه الان 11شهر طلعت له اسنان والان يمشي خطوات ويطيح ياحبي لهالولد ودايم مع اخوه صياح ياخذ اي شي من يد اخوه ويلعب معاه حسيت انه كبر وصار ونيس حق صلوحي وبالنسبه للاكل مازل يجنني مايرضي ياكل يحوس الدنيا عند الاكل يبي بروحه يلعب حتى لما احنا ناكل يبهدلنا الله يحفظهم ويخليهم لي ان شاءالله

فواغي وتين وخالة يارا وشهد وغيرهم تذكروني ولا لا تذكروا العام مثل الحين كانوا هالمفاعيص في الكروش والحين الي يمشي والي يسنن

بحكيلكم عن ملوكي على طول صار عنده 3 سنات قولوا ما شاء الله ههههه
ثنتين تحت وحده تو اكتشفها فوق

بس للاسف مامشي للحين تو يمشي على الكنب
بس يناديني بسمي مايقول ماما مدري ليه رغم عنده اثنين اكبر منه ينادوني ماما
فضحني في الاماكن العامه يناديني بصوت عالي كانه شايب وفصيح يمكن لان اسمي سهل

وانتوا وش عند اولادكم من مصطلحات؟

السلام عليكم ورحمة الله وبركاته

هلا و غلا بكل الأمهات ..

خالة يارا و حلى الشيوخ وكل اللي كانوا في ديوانية الحمل أشتقت لكم وايد وايد وايد

شو أخباركم و أخبار الكتاكيت ؟

حلى أنا ولدي للحين ما سنن و لا مشى ....

و يقول ماما و نانا و بابا بس بابا مادري يقصد ابوه ولا بس كذا يقولها

كسر الخواطر أنا ولدي نفس الشي يبي ياكل بروحه ويخبص الدنيا >> الله يهديهم

بنات ولدي ما يشرب من الكوب ،، أحاول بس دايما يشرق

كيف علمتوا عيالكم؟.

كيف حالكم انا اول مره ازور هذا القسم

بنتي موج الله يحفظها عمرها 6 شهور ونص

والى الحين ماحبت ولا سننت >>>>>عجله الاخت


متشوقه اشوف سنونها عشان احسن انها كبرت:)

اهلا حلى الشيوخ .. حي الله هالطله وين الناس ؟ غطيتي ماعاد
لك شوفه وشلونك وشلون ملوكي ..
هلا فواغي كيفك وكيفك وليدك عسى طيب .. وبالنسبه للاسنان
والمشي ترى الامور هذي نسبيه تختلف من طفل لطفل حتى الاخوان
مو مثل بعض ..
اما ولدي طلع له اسنان بس ما يحبي ولا فكر .. :09: اما المشي
فهذا اخر شي يفكر فيه وهو متأخر في الحبو والوقف عن كل اللي
ولدوا معه و وديته الطبيب وقال ما فيه شي حتى الفيتامينات مايحتاج
وانا اعطيته من نفسي .. والكلام يقول اسمه ويردده ويقول ماما واما
وبابا ودداه ونانا ..
فواغي ..
وش قصدك بالشرب من الكوب مافهمتك !!
انا ولدي انا اشربه بالكوب بس هو يمسكه فلا مايقدر ..
.. اخيرا استودعتكم الله واطفالكم الحلوين ....