والله يا اخوات مليت من هالروتين
لي على هالحاله 4سنوات من تخرجت من الكلية وانا سهرانة طول الليل ونايمة طول النهار
المشكلة بناتي ياعمري عليهم وش ذنبهم ؟؟؟؟
الكبيره 4سنوات والصغيرة 6شهور والله مايعرفون نوم الليل
سهرانين حتى 7الصبح ومن ثم ننام وما نصحى إلا الساعة 4 العصر عكست الأية الناس تصحى وحنا ننام
قررت إني اغير النظام اليوم صليت الظهر وقلت خلاص ماراح ارجع انام وصحيتهم وطلعنا الصالة وشغلت التلفزيون رحت اسوي فطور لقيتهم ناموا نمت معاهم وهالمره ما صحينا إلا المغرب
زوجي في الدوام ومايطلع إلا الساعة 4 ونص ويكون متغدي في العمل
انا في مدينة النوم الجبيل الصناعية اكره هالمدينة من قلبي مالي احد فيها اهلي وصديقاتي كلهم بالخبر
وانا وحيده حاولت اتعرف على جيران بس سبحان الله ماتوفقت كل إلي حولي أمهات كبار في السن وعندهم عيال قدي
ومرة قررت اعزمهم وجوا عندي والله حسيت مالي داعي هم عارفين بعض من سنين ومخضرمين وانا :09:
سجلت في دورات ودخلت نوادي رياضية وتعرفت على بنات حبوبات بس المشكلة إن إجتماعاتهم خميس وجمعة وانا وزوجي مانصدق تجي الخميس والجمعة ونهج الخبر
حتى بنتي المسكينة تعد الأيام ماتصدق يجي الأربعاء عشان نروح عند اهلي ويوم الجمعة ماغير صياح إذا ردينا الجبيل
وش الحل؟؟؟؟؟؟؟؟؟؟؟؟؟؟
فكرت انا وزوجي نسكن في ا لخبر حتى نرتاح قريب من اهلي واهله بس مشكلة الدوام حرام مشوار عليه ساعة ونص!!!!!!!!!!!!!!!!
اعطوني حل تكفون والله مليت وها الأطفال وش ذنبهم ماينامون الليل حتى بنتي الكبيرة ياقلبي طالع لها هالات حمر حول عيونها من السهر
شاركي في النقاش
سجلي الدخول لإضافة تعليق.
التعليقات
94- انا نفس الشي بس انا عندي كليه
يعني ارووح مواصله واذا رجعت طقيتهاا نومه الى العشاا واحياناا الى الساعه تسع او عشر وهذي حالتي ابي حل مالقيت مو راضي مخي يتبرمج
الله يعينك - جيتي على الجرح زوجي دوامو 12 ساعة شفتات مرة صباح ومرى ليل يعني من6 الى6 طبعا صرنا انا وبنتي نوم في النهار ونصحى في اليل
- هذا حال اغلب الناس هالوقت..وشوفوا عدد المتواجدين الآن..
بس فعلا هالصغار وش ذنبهم..
انا اتوقع لو زوجك يتغدى معكم بتلاقين شي غصب يصحيك..لأن الغدا مسئولية..
واكيد لازم بناتك يكونون صاحين اذا جا ابوهم..
لكن بما انه يتغدا برا ..وش بيدك؟!
كان المفروض انك قاومتي يوم صحيتوا الظهر وطلعتوا العصر لو للفناتير << بتعلمك انها تعرف مدينة النوم خخخخخ
او حاولي تدخلين دورة العصر أو تحفيظ..أو تكملين دراستك وتحطين بناتك بحضانه
او ع الاقل ناموا بعد صلاة الفجر على طول واصحي صلي الظهر وخلاص وتعودي على كذا..
عموما انا اعطيك حلول وحالي اردى منك..بس انا مأساتي النوم المتقطع ..والأرق
الله يعين على هالدنيا .. - انا زيك عجزت وبنتي عمرها سنتين ومواصلة الان الساعة 6 الصباح ومواصلين سوا ...
شوفيني سجلت اليوم بدار لتحفيظ القران
ببس اتمنى ان بنتي تنسجم في الحضانة ... - هلا اختي انا زيك طبق الاصل بس تدرين متى تعدل نومي سجلت ولدي بروضه وخلاص ننوم بدري عشانه ونصحى بدري