بنات مصر فى الغربة (الطيور المهاجرة ) 3

كان ابنى مجننى كده و قلت لما يكبر و يروح المدرسه الوضع هيتحسن بس الى حصل العكس الولد اتغر شويه و حاسس انه بيخرج زى بباه و عامل نفسه كبير و الشقاوه زادت بس المدرسه الحاجه الوحيده الى كويسه انى بضغط عليهم ينامو بدرى و ارتاح شويه مع انى بمسك نبطشيه تانيه بباهم هههههههههههه

صباح الخير عليكم

صباح مبكر اصلى من الفجر صاحيه ولسه منمتش قلت اصبح واروح انام غصب عنى الساعتين دول
مش عارفه النوم شاحح ليه اليومين دول اهئ اهئ اهئ

بنت مصر حمدالله على السلامه الملف نور برجوعك

حتقول مين دي ياختى وتعرفني منين بس من كتر ما بينادوا عليكي عرفناكي


ندا
ما تعلمينا يا اختى شويه ابيسون اهو الواحد يفلح في حاجه
ومين يعرف كورشيه نفسي اتعلمه
الله يرحم ايام خالتى كانت تتحايل عليه تعلمنى وانا ابدا ااقول ايه بس
والله كانت محترفه كورشيه وتريكو وعليها غرز تعقد ربنا يديها الصحه مش كان زماني عملت للبيبي شراب حتى

الله يخليكي يا شري
ده انتى اللى قمر ده انا بقيت محاق دلوقت هههههههه القمر خلص خلاص
ربنا يهون انا مش عارفه الواحد خايف كده ليه اصلى انا ولدت بالطريقتين مش عارفه التالته ايه بقى ههههههههههههه


ورده

ااقولك حاجه لسه قايلاها لاختى امبارح
اصل حالها زيك كده مش يعجب حد خالص

نصيبك ورزقك حيجيلك لحد عندك مش تشغلى بالك كتير اتركي الامر لله ما عليكي الا الدعاء لله
اصل النصيب ده لا مفر منه متعرفيش بيجي امتى وازاى مش قصدى الجواز بس لا العمل وكل حياتك مكتوبه لك وما عليكي الا الدعاء لا يرد القدر الا الدعاء

يالهوى يا شرين

فكرتينى بالذي مضى وشيلتينى الهم بدري
انا كنت ارتحت من الهم ده
اصل الاتنين معندهمش وقت يا عينى طول اليوم
الصبح مدرسه يجوا يناموا ساعه ويصحوا يتغدوا وينزلوا التحفيظ يرجعواا نعمل الواجب يتعشوا وينااموا بحس ان اليوم بيجري
اما الخميس والجمعه فبنخرجهم الحديقه الملاهي نشتري حاجتنا كده يعني حرام بيصعبوا عليه لسه حنرجع لوجع القلب مع المفعوص اللي جاي ونشتغل في الواء واءه

يا صباح الخير على عيون الحلوين
كنزي :heart:
ازيك وايه اخبارك انقطعتي كده حبة ايه يابنتي لعل المانع خير... عموما احنا افتقدناكي ، شايفة الملف الناس الي غايبة رجعت والناس زادت وش مين الحلو ده يا ربي.....؟
سهلولة :26::26:
منورة ، انا ندا الصباح ازيك وايه اخبار ياللا سمعينا احلا كلام.
فاصل ونواصل