بنات مصر فى الغربة (الطيور المهاجرة ) 3

معقوووووووووووووووووووووووووووووول

بنت مصر معنا

نورت يا جميل وايه الغيبة الطويلة دي ؟؟

ماكنش العشم برضو ,,,تطنشينا الطناش الكبير ده ,,!!!

هو حد زعلك مننا واللا ايه؟؟

عموما حمد الله على سلامتك وبعدين ده انت من المؤسسين هنا يعني تدخلي واحلى واجب يتعمل معاكي .

مصرية رقيقة
الموضوع فعلا جميل
اوزا
رمضان في مصر يا اوزا تحسي كل حاجة فيه بتلبس شكل جديد وريحة جديدة مش بس البيوت والشوارع حتى الهوا ولون الجو وشكل السما كل حاجة فرحانة وصايمة واآذان متعطشة لكلمة واحدة مدفع الافطاااااااااااااااااار ........اضرب
علشان نجري علي التمرة وكوب الخشاف واللا العيلة كله ملموم وكله جعان وكله بيدعي ويصلي جماعة اب وولاد وجوزات بنات وولاد صايمين ومش صايمين لحد العصر... وصوت اطباق ومعالق وضحك كان كله يسكت لما بكار يشتغل بس السنا دي بقى من غير بكار.
ونخرج بعد التراويح
الشوارع زحمة مووت تقولي كل الناس (جمهورية مصر العربية) في الشارع ونروح الحسين
القلب ينشرح من جلال الجامع وبهاء زينته ، نتمشى بين الأزقة وكل قهوة جايبلها فرقة بالجلاليب والقفطان وحاجة تخلب العقل الغلبان وتنعنش القلب الي فاته زمانه ونقول ونصلي على النبي الحبيب المختار
ياااااي يااااي ياااااا عين
وودنك تيجي فيها من هنا ومن هناك مدح وهلالية ويلفت نظرك ولد صغير بجلابية فلاحي وحزام وسط يرقص علا الترابيزات ويغني بالربابة ... ألاقي زيك فين يا علي
ومن هناك على بيت الجمالية ....تواشيح وطقاطيق وفن اصيل وريحة زمان وبيوت زمان مسك وعنبر وبخور متحبش (بيبعوه الأفارقة دواقتي ..... يوووه ماليين البلد)
وآآآه لوجنب ساقية الصاوي في الزمالك وصوت علي الحجار ملعلع والموسيقى تملاكي وانت بتلف في سوق الخان خان الخليلي
والوقت يجري والواحد نشوان ونسمة الليل الباردة تخبط في وشك نجوع نفتكر السحور نروح فين نروح واللا ما نروحشي...؟؟؟
نطلع على القاهرة القديمة ونتمشى في الشوارع والبيوت القديمة من بيت القاضي للخاتون وكفايه نقرا الكلام وكلام الله ونشوف حليه البيوت لحد ما نوصل باب الفتوح
بوابو كبيرة اوي اوي وليها متاريس وسور يكمل سور المياه في عين الصيرة ومن الجمال والجلال رقبتك تتوجع من الرفع واللف
وهناك في مطعم قديم مشهور وشعبي تلاقي بقى عرب واجانب وشحاتين وقطط وايه مولد بس تستني وتعقدي تأكلي وتحلي وتحبسي بكوب شاي من اللي قلبك يحبه وشويتين
والفجر يدن نتوضى ونصلي في الحسين
.............................
وادي ليلة قضيتها انا شخصيا في رمضان

اسيرة العشق
حلو اوي الكلام لكن احينا كثيرة فيه سيدلت بيعملوا كده لكن لما ما يكنشي فيه استجابة ويبقى كلامك صدى صوت.
او ظروف الحياة والعيال انت نفسك محتاجة وتعبانه زيه تمام وتحاولي تعملي
مرة على التانية الست بطنش ، ولو سمت كلامك واستجابت الراجل يستجيب امتى ؟
هيقولك مش اتجوزنا وبقى معانا عيال خلاص .....
انا معاك لا زم ما نستسلمشي والست عليه شويتين برضه بس انا حبيت اقولك ان العملية مش سهلة كده وانها نسبيىه بين كل اتنين

شرين
يا امورة كيف الأشبال ان موسياهم يشدوا حيلهم عليكي شوية :eek::02:
طبعا لازم كده انت فاكرة ايه دول هم الي بيربونا
كانك بتتكلمي عني بس انا باملك نفسي امام جوزي شويتين ... واصلا هو معظ الوقت برة فالموضوع يعني مش مأثر عليه بس بصراحة لما بتعصب بيطنش ويسيبني ويعمل نفسه مش سامع
بس العيا تخلي اعصابك عاملة زي الأسلاك المكشوفة وبتشيط كمان وعندي امل لما يكبرو شوية
الحمدلله المدرسة فرقت وكمان عمرو بدأ يشدوا طرزان والقط و الفار ويا مسهل
ام عصمت
ايه المدينة الجميلة دي والله من زمان نفسي ازورها انا سافرت كثير وانا صغيرة حتى فيه بلاد مش فاكراها لكن دي بالذات نفسي ازورها
شوف يا ستي انا
الابيسون ده انا اللي مختصة بيه ... وبحبه اوي اوي وبلاقي نفسي وبيهديني جدا جدا ولما بقيت شاطرة باعتراف استاذتي وصاحبتي امل قررت اعمله مشروع علشان الفن ده ماينقرضشيوالصيني يرطرط عليه ويغلبه.وقلت ان كسبت الحمدلله وان ما بعتش مش مهم لأنه حاجة غالية اوي وكل ما يقدم يغلى يعني كسبانة كسبانة
وانا تحت امرك
بس ليه سؤال :الكنافاه المرسومة عندكم التابلوه مثلا متر في متر يساوي كام ؟
ل الكانافاه هنا اغلبها من اليونان ، وانا حاليا برسم على السادةعلشان انوع واغير في الرسومات

سما سحاب
منور يا جميل وزاينى الملف :26::26:
دااااااااااااااااااااااااااارين
انا زعلانة منك ومخمصاكي خالص مالص ومس ليكة دعة بي:(
وحشتيني انت فين وفيمن كلامك اعترفي ايه اللي شاغلك
وشكرا ياعمعلى الغلاسة الصغننة دي ماشي شايلهالك
كورنيشتي
كرانيشوا يا مدلع
سلامة لسانك من القطع ، شوفتي اوزا قال ايه عايزة تاخدني سوسرا .... وانا مالي اسأل ليه هي الحشرية دي ياللا .... نعديها.
اظاهر الحريم كله مشغول تعرفي في بيت جوزي الكبير القديم فيه حرملك وسلاملك وليه تختبوش يرد الروح والشكمة بتاعته مش عايزة كلام
الوردة
فينك مشغوله ليه خير واستعيذي بالله علشان قبضة قلبك وقولي
اللهم مفرج الكروب فرج كربي وانت حسبي ونعم الوكيل
ميلسيا
كل الرجالة كده على راي مامتي لما اعيط واشتكي تقولي مايمكيش كل الرجالة كده بس طيب وشربات والنبي:42::42::angry:
بنت مصر:26::icon28::26::icon28:
اهلا وسهلا نورت البيت بيتك واحنا ضيوف عليكي
ادخلي برجلك اليمين وسمي البركة تحل علينا
جددي السي في (وديني لهريكم سي في هات )
هالة القمر
يا جوهرة التاج صباح شريف حظرتكم
تشكرات وامتنانات وكلمات كتير تركي حاجة ببلاش كده
ان تحت امرك ومن عنية ابعتيلي الميل الخاص بيكي على الخاص وان هبعثلك ورشه عملة سهلة خالص خالص
ومن العين دي قبل دي