تعرفون توحدون لون الجسم بالمناسبات ؟؟؟ علموني ولكم مني الدعاااااااااااااااء

متابعة النقاش، صفحة 5

شاركي في النقاش

سجلي الدخول لإضافة تعليق.

التعليقات

56
  1. @gold_apple

    ماعندي شي زياده عن البنات
    بالمناسبات نستخدم بودرة مائية او اساس وفوقه بودرة منثورة او حرة
    اوبودرة مائية من بن ناي طبيعية وحلوة


    رايي

    انك تقعدين بينك وبين نفسك بغرفتك وانواااع التجارب والبروفات الين تتوصلين الي النتيجة اللي تبينها واللي تقتنعين فيها

    اعتمديها يوم المناسبة لاتربكين نفسك لازم قبل المناسبة بوقت خلاص تكون رسيتي

    واخذي وقت من العصر طوييل بيوم المناسبه تتزين على راحتك لان مع العجله حتى لجسمك ماراح تلاقين 5 دقايق توزعين الاساس لذلك تزيني بدري واتركي وقت كافي للشعر ولجسمك وللطريقة اللي رسيتي عليها تدهنين بفن واحتراف

    يعني قبلها باسبوعين على الاقل
    قعدي اخلطي من الموجود عندك لفي على المشاغل اكيد في مندوبات تبيع شارمل وكريولان وغيرها وحتى هنا بالمنتدى في بنات يوفرونه جربي اساسات ثقيله مثل ديرماكول لانه يخفي اصعب الاثار حتى الحروق بس تعلمي عليه لمده قبل يوم المناسبة لان توزيعه ثقيل ممكن تحطين معاه بيز ابيض من ماركة ميك اب فور ايفر ..
    كذلك فيه كريم اساس لندن قريت عنه هنا انه تغطيته قويه بس ماجربته

    اساس بعد اسمه على مااظن كفرمارك بالصيدليات وقوي تغطيته

    بعد فيه في ماركة ميك اب فور ايفر كريم اساس للجسم والوجه بعدة درجات انتي طلبي اللي تغطيته قوية هذا اشوف قريبتي تحطه وناشونال نعوم وفوقه بودرة منثورة نصف لمعة

    واذكر مرة قريت موضوع هنا بالمنتدى وحده كتبته عن سر مشاغل الكويت في البودرة اللي تعطي توحيد خيال للجسم وهي من ماركة سمايلنغ ينقعوها من الليل في موية الين تصير سايله
    يوم ثاني يوزعونها على الجسم بدور بشوف الموضوع يمكن للحين عندي بالمستندات

    امممم وايش بعد
    جربي خافي عيوب من فور ايفر على مكان الاثار اللي مضايقتك ولما ينشف حطي الاساس والبودرة .. الخ ولا تنسين نقطه مهمه رشي بعد ماتخلصين على جسمك بخاخ مثبت مكياج
    لييش ؟ السبب عشان مايتبقع الاساس مع طول وقت المناسبة والسهرة ويبقى مثل اول ماحطيتيه لاطول وقت وهو فرش

    امممم وايش بعد < اعصر مخي بجيب العصارة

    شفت اعلان في هالقنوات التسوق عبر التلفازيمكن ذا ون شفت خافي عيوب ويغطي حتى اصعب العيوب ومنه درجات بس ماجربته ومن زمان شفته مدري للحين يعرضونه او لا

    لا تلبسين على طول انتظري يجف الاساس تماما
    وهذا بتعرفينه مع بروفاتك مهم تحفظين كم اخذ الاساس وقت الين نشف على جسمك لان لومانشف بيحوس الدنيا وتضطرين تعيدينه وبتربكين وتتاخرين


    هذا كل اللي عندي واسفه قرقت كثير لكن بجد من قلب ودي اساعدك

    واذا تذكرت شي او لقيت بملفاتي برجع احطه

    بس هالله هالله بالدعوه الدعوه من قلب ادعليلي لان محتاجتها الدعوه فوق ماتتصورين
    ادعليلي بظهر الغيب ربي ينولني مااتمنى

تابعي تجارب أخرى من هذا القسم.