نبت نخل براسي..بنتي 6 شهور صياحه

لاتخافين كثير مثلك وأنا منهم !!!
جبت بنوته الله لايوريك طلعت براسي أأأأأأألف نخله !!
بس الحمدلله مع أنه (اول مولود)الا أني أعرف للبزران ومتعوده وصدري وسيع عليهم ياحبيلهم ولا كاااان علوووووووم !!!
كنت 24 ساعه شايلته وليته بعد تسكت أذا شلته لا بااااتله قلقه جدا وتصيح !! آآآآه ياكانت أيام صعبه تخيلي يديني ورجليني والله العضيم تورمن من كثر ماهي معي شايلته وديته لدكاتره وحريم شعبيات يقولون بنتك ذابحها الدلع مابه بلا !!!
أحيانا أنشغل غصب أصلي مثلا أو أودي قهوتنا وتغشى من الصياح واسفهه ودي أعوده وما ادري الا صوته ينقطع فجأه وأرررركض الاه منقطع نفسه وصايرن وجهه أززززرق !! مع أني مالي دقيقه مخليته !!
المهم بتلت كذا لما بدت تقعد وخخخخف بلحيل صياحه وتنكده والان باديه تحبي خف أيضا واجد وكلن يقولي اذا مشت بعد بيخف بلحيل ....
اااسفه أدري طولت بس حبيت أطمنك واذكر لك معاناتي >>>>>> توي باديه أتقهوى زين :)

يعني الدلع ماله حل
وبعدين انا ماعودتها على هذا الشي هي من انولدت كذا صياحه
يعني طريقة السفه ماتنفع؟؟
لاني جربتها احيانن تنفع واحيانن لا على حسب مزاجها
تصدقون بنتي ماتسكت الا في مكان واحد..في المطبخ سبحان الله مدري ليه تسكت في المطبخ
تقولي حماتي يمكن سرها طاح بالمطبخ خخخخخخخخ
ونا والله ناسيه وين طيت سرها ههههههههههههههههههه
الله المستعان
الف شكر للجميع
وياليت اللي عندها حل تتحفنا فيه

الصبر الصبر حتى الفرررررررج

الله يعينك و انا عندي نسجه من بنتك ...:(

بنتي نقااااااااااااااااااااااااااقه طول الوقت تنق و اذا رحت عند احد تفشلني من كثر ما تصيح يعني لو اودي ولدي للحمام و انتو بكرامه صاااااااااااااااحت و سمعت الحاره حتى اختي لما رحت عندها طفشت و صارت تقول انا اودي ولدك للحمام بس تكفين خلي بنتك تسكت :( :( :0

مرحبا

الحمد لله يعن مو بس انا اللي اعاني :D
ولدي كان يصيح من اول ماجبته وبتعبني كثيرررررررر بالنوم لكن من دخل الشهر الرابع صار يصيح بشكل غير طبيعي لدرجة يغيب نفسه ويصير وجهه ازرق مثل ماقالت وحده من البنات واذا بكى خلاص مايسكت يعني يظل ساعة لو ساعتين يبكي ماعنده مشكلة ووديته لأكثر من طبيب وكلهم يقولون مافيه شي
صرت مااحب اطلع مكان بسببه يفشلني من البكي بس لاحظت عليه لما اروح سوق واحطه بالعربة ينبسط ويسكت مايبكي قالت امي يمكن يمل من حكره الشقة خصوصا ان مافيه الا انا وهو وزوجي دايم مشغول فصرت اطلع كل يوم اروح بيت اهلي بس مافيه فايده

خصوصاً اذا يبي ينام كل الحارة تدري من صياحه لدرجة ان بالاجازة صرنا كم ليلة نطلع بالفجر ندور به في السيارة الين يتخدر ويهدأ وينام بعدين قلت ماابيه يتعود على كذا ووقفنا
جربت كل الحلول معاه خصوصا ان ماينام الا الفجر 3 او 4 صرت مااخليه ينام كثير طول اليوم واصحيه بدري الصباح واحممه قبل لا ينام واعطيه رضاعه وينام وكلها ربع ساعة وهو صاحي وبنفس الموال ولا كأني سويت شي

والله احيانا ابكي من التعب لا اقدر اطبخ ولا اتحرك بالشقة ولا اقدر حتى اسبح والصلاة يادوب يمديني لما يغفي له غفوة ام 5 او 10 دقايق
جبت له العاب تتحرك مافيه فايده يسكت عليها شوي بعدين يرجع يبكي

ناس تقول لي يمكن انه جوعان ويبي ياكل فسألت الدكتورة قالت مااقدر اعطيه اكل الا لما يخلص الشهر السادس وهو توه داخل الخامس :(

ولا عارفة وش الحل انقلبت حياتي فوق تحت

اذا لقيتوا حل خبروني, يبي لنا نسوي جمعية امهات الاطفال الصيوحيين والدلوعين :D