تعبانه نفسيا ريحوني الله يريحكم ويفرجها لكم دنيا واخره

بقولكم على مشكلتي باختصار

انا متزوجه وزوجي الولد الوحيد لامه مع اخته
وسكنت فوق اهل زوجي...بداية الزواج كانت العلاقه بيننا جدا طيبه وشوي شوي
توظفت انا وبدت الغيره من ام زوجي وبنتها خصوصا ان زوجي الحمد الله كان نوعا ما طيب
او على الاقل قدامهم طيب...بدت المشاكل بينني وبين زوجي بسبب اهله لانهم يبونه طول الوقت معهم وعندهم ...مره اطول بالي ومره تصير مشكله..والاهم من كذا لي اربع سنوات متزوجه ومارزقني الله ذريه لان زوجي عنده ضعف

المهم طوال هالسنوات وحنا مد وجزر
لكن بالصيف الي فات سافرت للخارج اسبوعين انا وزوجي ولما رجعنا صارت مشكله بيننا ورحت بيت اهلي..المهم طلبت الطلاق لاني اعتبرت نفسي اني صبرت عليه وعلى اهله كثير ومن حقي اعيش حياتي
وفيه اشياء ثانيه مابي اتكلم عنها...هو رفض الطلاق بحجة انه يبيني ومايبي يخسرني
وانا رفضت ارجع له بحجة انه ماارح يلقى غيري تتحمله هو واهله
بالاخير وضعت شروط وقبل شروطي ورجعت بعد شهرين من المشكله

ولكني تفاجات ان ام زوجي واخته رافضين يشوفوني نهائيا
سالته عن السبب قال مادري...اني لما قلت لامي ابرجع زوجتي قالت لا طلقها مانبيها
قلت لها طيب هي اذتك انتي واختي قالت:لا بس مانبيها
قلت:صعبه اطلقها لاني احبها وابيها وماسوت لكم شيء ولو طلقتها ماراح اتزوج ابدا
قالت مايهم
يقول قلت لها لا طلاق ماراح اطلق قالت اجل لاتدخل بيتي ولااشوفها
حاول معها يوم رجعت اني اجي اسلم وهي رافضه تماما
(طبعا اللي استنتجته انا ان الغيره ذابحتها)

رجعت في رمضان وكان من ضمن شروطي انه يفطر يوم عندي ويوم عند امه
لاني طوال السنوات اللي فاتن افطر لحالي واذا نزلت ماسلمت من كلامها وطولة لسانها
هو وافق لكن هي رفضت تبيه يفطر عندها كل يوم
ارسلت رساله لبنتها وقلت خافوا الله ماتبوني انزل افطر معكم وتبون زوجي بعد يفطر معكم
وانا لحالي ترى هذا ظلم والله مايرضى بالظلم...مع العلم ان بنتها متزوجه وساكنه معها هي وزوجها

المشكله اللي صارت قبل يومين انا ساكنه فوقهم ولي مدخلي الخاص
قامت امه وحطت الفريزر في مدخلي...وش السبب مادري
المهم انا سكت وماقلت شيء لمدة سنه كامله والفريزر بمدخلي
لكن قبل يومين قررت اعزم صديقاتي بالدوام وهن بنات عز وكشخه
فقلت لزوجي ممكن تشيلون الفريزر عن المدخل
اهلك مدخلهم ورورد واسماك وطيور وشموع وانا فريزر عيب ادخل ضيوفي ومدخلي تقل مستودع

قال امي اللي حاطته وانا ماقدر اشيله الا بإذنها قلت والحل قال انسي الموضوع

قلت ابرسل لاختك لعلى وعسى يلين قلبها
كتبت مسج بكل ادب واحترام وشرحت الوضع اني ابعزم صديقاتي واني ابغى الله يعافيكم تشيلون الفريزر
عن مدخلي ابي انظفه
بعد 5 دقايق ويرن التلفون يوم رفعته كانت ام زوجي
طبعا بدون سلام اخذت تصارخ علي فكينا من شرك وهات ياسب وشتم
وانا ساكته ماهو قل شر ولكن احترام لها رغم انها ماتستاهل
قلت انا ماطلبت غير تشيلون الفريزر عن مدخلي قالت ماهو بيتك واحط الفريزر بالمكان اللي ابيه
وعناد فيك ماراح اشيله وقالت كلام يشيب الراس واني يوم طلبتي الطلاق فرحنا كلنا هو صدق نبي نرتاح منك ونفتك منك ومن شرك قلت: طيب وشو شري وش سويت لك انا.. صكت الخط بوجهي..لكن ماقول الا حسبي الله عليها ونعم والوكيل

زوجي انسان سلبي ولاكان فيه اكثر من طريقه انه ينشال الفريزر
طبعا اتلغت عزيمة صديقاتي وقلبي يحترق وقال زوجي ان ماراح ازعل امي عشان صديقاتك
قلت انا مابيك تزعلها لكن الحق ان الفريزر مكانه المستودع او المطبخ ماهو مكانه مدخلي
لكن حسبي الله عليكم كلكم

اللي قاهرني الحين اني اذا دخلت او طلعت من بيتي الفريزر بوجهي كل ماشوفه احس بطعنه بالم
وهذا الشيء متعبني نفسيا

بنات ارجوكم قولولي لو وحده منكم بسم الله عليها صارت بمثل موقفي وش تسوي
ولاتقولون اطلبي بيت لحالك لان هذا عشم ابليس بالجنه

**اللي ماعندها لي حل الله يجزاها خير على الاقل تدعيلي ان الله يفرجها لي ويرزقني الذريه الصالحه يارب