فضفضه (خوات الزوج)

انا هنا مو قاعده اشكي بس ودي افضفض عن موقف صار وقهرني لانه حسيت من وراها احساس مو حلو اذا عرفتوا السالفه قولو لي معي حق او لا

اولا انا ساكنه عند اهل زوجي ...
السالفه اني كنت موديه بنتي انا وابوها مراجعه للمستشفى وكانت زحمه ذاك اليوم رحنا المغرب مادخلنا الا الساعه عشر
بنتي لها تعبانه كم يوم كانت تاخذ جلسات بخار مكثفه من اربع ايام .. زوجي لما شاف الزحمه عند الدكتور قال خلينا نروح شوي ونرجع لانه تو الناس قلت اوكي ورحنا مشوار لزوجي يدفع فيه عربون لحاجه يبيها
وبعدين انا قلت له انا دايخه ابي عصير او اي شي مو ماكله لي يومين فرحنا كوفي شوب شربت عصير ورجعنا المستشفى
المهم لما جينا البيت انا سلمت ورحت فوق على طول برضع بنتي وبغير لها بعدين نزلت لما نزلت الا اخت زوجي تقول معقول كل هذا بالمستشفى انا قلت ايه والله زحمه قالت طيب مارحتوا مكان ؟؟
قلت لها الا رحنا المكان الفلاني وبعدين كنت تعبانه ودايخه ورحنا كوفي شوب ولا طولنا رحنا المستشفى ... الي هنا عادي
بس بعدين عرفت ان زوجي قالهم يوم طلعت فوق اننا رحنا المكان الفلاني
انا مشكلتي مو انه قالهم اننا رحنا انا مشكلتي من سؤالها لي ؟؟ لو سألتني من غير ماتسأل اخوها كان عادي او سألت اخوها بس اوكي
بس تسألنا الاثنين ولا قالت انها سألتنا يعني كأنها تبي تشوف اكذب عليها او اخبي عنهم
انا تضايقت مره
علما بانها دايما سوالفها عن زوجة الاخوى ولعانتها ومواقفها الشريره - ولا بحياتها مدحت مره اخو الا نادرا -


وكان زوج اختي مسوي عزيمه بكره وكانت تسأل ليه وعشان وشو وليه بتروحين علما بأن اهلي لي اسبوعين مازرتهم وكانت تتكلم بعصبيه وتتحمد ربي
................................
انا ماكتبت هذا الا للفضفضه