يعرف جوالها واسمها كامل ورقم بيتهم ويهددها!!

انا اختي صار معها نفس الموقف لا وبعد اقوى تخيلي دق اول مره على انه غلطان وبعدين صار يرسل لها انا عارفك انتي فلانه بنت فلان ونتي موظفه بالمدرسه الفلانيه لدرجة انه يراقبها وين ماراحت ووين ماجت ويرسل لها شفتك بالمكان الفلاني ياحلات الطول وياحلات العيون مع ان اختي متستره حتى البرقع ماتشيل الغطا عنه اقولك لدرجةانه يرسل لها وصف لشكلها قالت لاخواني وطلعو باسم مين لقوه باسم هندي راقبو التلفوون وطلبو برنت بالمكالمات الصادره والوارده والمشكله ان رقمه هذا مايدق الا يلعب فيه يعني مافي مكالمات وارده بس صادره صارو يدقون على كل الارقام الصادره ويسالون عنه وتحت تهديد طلع كل المكالمات الصادره بنات يلعب عليهم وكلهم قالو انه ذبحنا تكفون فكونا منه اذا عرفتوه الا وحده قالت اني مره طلبت من مطعم واخذ رقم الجوال علشان التوصيل ومن بعدها وهو مزعجني سالوها وش اسم المطعم وراحوله وقالوله ودنا تفرغ المطعم من الزباين عشان عندنا موضوع خطير يخص مطعمك وماودنا الزباين يحسوون اويسمعون فرغ المطعم وبعدها مسكوه ومن وين مايوجعك طقووه طق خيالي وعلى فكره لاتقول ان اهلها شديدين ومايتفاهموون انا اخواني انواع الشده وبالبدايه عصبو بس لما عرفو انه هو اللي غلطان ماحد قال شي حتى رقمها ماغيروه يقولون ان كانه ولد لامه يدق ثانيه ويشوف وش بنسوي فيه

ياحبيبتي لاتخاف ولاشئ تخليه يشرب من البحر وتقوله حبلغ الاماره واخليهم يسجنونك

والا تقول لاخوها وربي ليأدبه تأديب ويلعن خيره تقول بكل ثقه جاني ازعاج وتعطي اخوها

الرقم وهو يتصرف ولاتخاف مايوديني البنات بداهية الا الخوف

دام واثقه من نفسها لاتخاف مايخاف الا اللي مسوي شئ حتى اهلها لو دروا بعدين بيقولون

ليش ماعلمينا وترى كذاااااااااااااااااااااااب مايقدر يسويلها شئ بس اذا شافها ساكته بيجلس

يغثها

قولي لصديقتك تصير قويه
وتقوله لو رجال تعال دق على بيت أهلي وعلمهم القصه وانا مايهمني
ولو رجال ورينى كيف يتصرف الرجال بالمواقف هذي صدقيني هو لمن حس منها الخوف تمادا
وليه تخاف ورب الكون موجود .. والحل بيدها تبيله قوتها وثانياً تغير رقمها لو هي تغبا
وثالثا تعلم الهيئه وهم أهل خير ورح يسترون عليها باذن الله

الله لايوفقه
الله يشغله في نفسه

((اللهم من اراد بالاسلام والمسلمين بسؤ فأشغله في نفسه
ورد كيده في نحره اللهم ارنا فيه عجائب قدرتك ياحي ياقيوم))

طنشي عزيزتي ولا تشغل بالها وتردد هالدعاء دائما
واغلبهم يهدد وماعنده سالفه
واهم شي واثقه من نفسها ولازم تعلم احد تثق فيه له كلمه ودور على اهلها
الله يستر علينا في الدنيا والاخره