حسبي الله على مرت أخوي طيحت وجه أمي قدام الناس
يوم الجمعة كان عندنا دورية حريم بس .
اتصلت عليهاأمي قبلها بيوم وقالت لها لا تخلينا بكرة الدورية عندنا قالت ليش ماعلمتوني قبل ؟!
قالت أمي لا تسوين شيء تعالي بس ........... تحسبها بتفزع ؟؟
شوي ويدق أخوي ويهاوش على أمي ليش ما علمتوها عن الدورية
عشان يمديها تشتري لبس..........(هذا اللي هامها)
قالت أمي والله الدورية بسيطة مافيها تكلف تلبس اللي عندها .
قال متى الحين يمديها تروح السوق , خلاص ما راح تجي ..سكر السماعة وهو معصب !
يوم الجمعة بعد العشاء بدوا القرايب يجون وكل وحدة معها صحن حلا ولا موالح
وحنا علينا العشاء بس .
كل حريم أخواني الثانيات جو بعد المغرب وجايبين معهم صيانيهم
ويصبون القهوة والشاهي ويساعدونا في التقديم ,
وكل قرايبنا يسالون عنها وينها ما شفناها عسى ما شر ,
أمي انحرجت وش تقول ما لقت لها لبس !!!!!
قالت أمي والله انها عندها ظروف وما تقدر تجي ؟؟
الساعة 10,5 شرفت حضرتها وكاشخة أقوى ما عندها ؟؟؟
دخلت وهي رافعة خشمها يوم شفتها فرحت قلت أشوى جيتي !!
قالت وليش ما أجي ؟؟
المهم دخلت على طول مجلس الحريم وسلمت عليهم ..
وأمي وأخواتي وحريم أخواني طارت عيونهم ..هذي اللي مهيب جاية ؟؟؟
أمي الضعيفة صار وجهها أحمر وتفشلت قدام الناس .. وين تودي وجهها
الله يفشلها ويسود وجهها ان شاء الله مثل ما فشلت أمي ..
والله لأرد لها موقفها البايخ وأفشلها قدام الناس
وش الحل مع ذي الأشكال :angry2:
شاركي في النقاش
سجلي الدخول لإضافة تعليق.
التعليقات
171- اقول لاتزعلين علي بس المارة الجاية اعزمو ولا تعلمونها الاقبل بيوم ولاتتعذرون لها بصرها ان تاخرت قولو جوالها مقفل ولا ندري عنها هي عندها خبر ولغايب عذرة معه وبسسسسسسسسسسسسسسسسسسسسسسسس
يكرهيل هالنوعية
عندنا وعندك خير
بس الحقران يقطع المصران
ولاتقولي طيحت وجهه امك الي ياحبيلة هالخالة الحبيبة الي ماقطعت جلدها وعلمتهم بالي صير ومافيها شي قالت عندها ظروف وجوابها دبلوماسي
هي لوها قايلة اننا قلنالها وصار كيت وكيت وهاوشني ولدي كان اقولك اي والله احراج لكن امك عاقلةة وسلميني عليها - الشرهه مو عليها الشرهه على اخوك الي متصل يهاوش امك عيال اخر زمن مالة عليهم بس احقروها ترى الحقران يقطع المصران
نجود الرياض اقول لاتزعلين علي بس المارة الجاية اعزمو ولا تعلمونها الاقبل بيوم ولاتتعذرون لها بصرها ان تاخرت قولو جوالها مقفل ولا ندري عنها هي عندها خبر ولغايب عذرة معه وبسسسسسسسسسسسسسسسسسسسسسسسس يكرهيل هالنوعية عندنا وعندك خير بس الحقران يقطع ال…
يالله كل هذااااااا عشان ملابس ؟!!!
ماقالت مير ماعلموني عشان افزع معهم اسوي شي ..!!
أبدن لاتضيقين صدرك حبيبتي ولا شي الله يهديها ..
الله يخليلك وميمتك ..- والله الشره على اخوك المفروض الي ينهاش علشان هواش امه
وهي لا تعالمونه باي اجتماع الاقبل بيوم وخلوه بطاقاق واذا اتصل اخوك يهواش مره ثانيه
لا تخلونه هالي ما يستحي
وهي اتركوه عنكم خلوها صفر على الشمال لم تغدي مره سنعه
ويقولون الحقران يقطع المصران - والله انك صادقه
غالبية زوجات الابناء
كذا هذا بدل ماتسلم على راس امك
وتشجع الولد على بره بوالدته
لكن لاتخافين ياحياتي
اللي تسويه اليوم بتلقاه بكره
وزي ماقالوكما تدين تدان
مواضيع مشابهة
تابعي تجارب أخرى من هذا القسم.