افنونه
تعالي اقولك تعملي ايه .. بس كأي طبيب لازم آخذ بياناتك الأول..
يعني اسمك وسنك وعنوانك ورقم حسابك في البنك ( وش بيستعبط)
(( محدش يصدق ابدا اني طبيب دي كلها هلاوس جوع))...
بصي ياستي قولي لي بس الاول وزنك وطولك اول ماعملتي العملية .. نزلتي كام وياريت بالتفاصيل يعني مثلا الشهر الاول نزلت كذا الشهر الثاني نزلت كذا .. الي تفتكريه اكتبيه .. أكتبي كمان بدأتي تزيدي امتى وايه الي تغير في حياتك في الفترة دي وبدأتي من بعده تزيدي.. اقصى عدد كيلوات نزلتيه كام ووزنك كام دلوقت ..
عملتي رجيمات بعد العملية ولا لاه.. نظامك كان ايه في الاكل .. نقطه ضعفك في ايه يعني بتحبي الحلويات موت ولا الموالح ولا ولا ..
متجوزه ولا لسه على البر .. وقاعده فاضية حاليا ولا بتخرجي من البيت لاي سبب ..
ايه الي خلاكي عملتي العملية وايه الي خلاكي دلوقت فجأة حسيتي بندم انك زدتي في الوزن تاني..
بصي جاوبيني على الاسئلة دي كلها واي حاجه تحبي تضيفيها برضه ممكن تنورنا وباذن الله وبعد اذن اخواتك البنات الحلوات عيالي حبايب قلبي عسوله الي قلبي واكلني عليها معرفش راحت فين .. وغنوجه الي كانت معايا في مدرجات الطب درسنا مع بعض سنة بسنة وحبيبتي ورفيقة دربي ماما ليلو .. بعد اذن كل دول تعالي صفي معاهم على جنب وخليني اشد فيكي ونشوف هننزل مع بعض كام ..
ريم متفتكريش مش شيفاكي انا بس عامله مش واخده بالي ..
¨°o.O (( رابطة المتحزمات)) O.o°"
متابعة النقاش، صفحة 1,314