بنات الي جربت مكياج نيفيا ولوريال وماكس فكتور وغيرلاين تتفضل هني وتجاوب

السلام عليكم


بنات ابغي استفسر منكن

ابغي بودره ثاااااااااااااابته

يعني انايوم اسير الدوام احط مرطب عقب واقي واحط بودره لكن كل شي يسيح ما يثبت شي وانابشرتي دهنيه وفيها اثار حب شباب خفيف

اشتريت بودرة غيرلاين بس ما شفت انها زينها ما تثبت شي ومب حلوه والوانها غامجه وااااااااايد

ابغي لوني يكون حلو

انا سمعت انه في منتج من ماركة نيفيا هوكريم اساس بس محتواه من الرز وهو مات ويثبت على الويه فترة طويله منو منكن جربته ياليت تخبرني اذا اوكي او لا
وبعد سمعت انه في كريم اساس من لوريال يدوم فتره طويله على الويه صح ها الكلام ولا لا الي استخدمته ياليت تخبرنا
وشو احسن بودره تخلي الويه منور ومخملي للبشره الدهنيه وتثبت على الويه

ومنو جربت كريم اساس ماكس فاكتور نيو ايج شورايكم فيه ينفع للي بشرتها فيها اثارحب شباب ولا لا وهل يدوم فتره طويله وما يسيح ويثبت وتغطيته كييييييييييف حلوه ولا خفيفه ولا كييييييييييييييف
بليزززززززززززز ابا اجابات
بليزززززززززز ابا اجابات

17 تعليق 2,270 مشاهدة

شاركي في النقاش

سجلي الدخول لإضافة تعليق.

التعليقات

16
  1. وعليكم السلام ورحمة الله وبركاته


    غريبه ما عجبتك بودره جيرلان ! صحيح الوانهم ممكن تكون شوي غامقه على البعض ولكنها ممتاازه .. اي نوع جربتي الذهبيه ولااا الفضيه ؟!!

    على كل حال .. دام ان بشرتك دهنيه .. وتحبين تغطين الحبوب وبنفس الوقت تبين يبين الشكل طبيعي .. ليش ما تجربين بودره سايبه= حره = لوز باودر .. واااااايد حلوه وخفيفه وتعطي منظر مخملي .. دايما للسهرات احط بودره حره لانها تساعد على تثبيت المكياج .. وبنفس الوقت تعطي منظر مخملي طبيعي وتغطي الحبوب << طبعا تحتها يكون فيه كريم اساس وبيس !!

    لكن نظرا لانك تبين شي للصبح .. اقترح عليك تحطين مرطب (الافضل لوشن لان ضيغته مخففه ) ثم الواقي .. ثم البيس << اختاري نفس لون بشرتك او اغنق بدرجه (علشان يوحد لك لون البشره ويساعد على اخفاء الاثار ) ثمتحطي البودره السايبه بالاسفنجه .. وبعدين مرري فرشه كبيررره مرريها على كاامل وجهك بحركه دائريه وسريعه << علشان يشيل الفائض ..
    طبعا ضروررررررررررري تكون البشره نظييييييفه قبل كل هالخطوات .. وممسوحه بالتونك (راعي ان احتياجات البشره الدهنيه تختلف عن غيرهاا !)

    وبالنسبه لكريم ماكس فاكتور .. كم عمرك .. اذا فوق ال 40 يمكن يعجبك ويعطيك نتيجه حلوه .. بس اذا اصغر ..ما انصحك فيه .. لانه مخصص لذوات البشره المتقدمه بالعمر شوي .. فيه مواد تنفخ الجلد شووي علشان ما تبين التجاعيد الصغيره اللي تحت العيون والخطوط التعبيريه !!

    وكريم لوريال اسمه Infallible زماااااااااااان كنت قاريه عنه .. ويمدحونه وانه اسمه الخارق لان يدوم لفترااات طويله ويقاوم الافرازات الدهنيه وخلافه << بس للامانه ما جربته !!
    هذي صورته ..



    اول مره اسمع عن منتج نيفيا !!



    لو حاابه .. ممكن تشوفين اساسات كانيبو .. او استي لودر ..فورايفر (مات فيلفيت و بيس اول مات - اساس وبيس مخصصين للبشره الدهنيه ) و ممكن سان لوران ..


    موفقه :26:
  2. @lhn_alshmoaa

    صاحبة الموضوع
    مشكوره يالغاليه على ردج المفصل والله يعطيج العافيه

    يالغاليه ترا غيروها بودرة جيرلان مب الاوليه الذهبيه او الفضيه الحينه وحده ثانيه ابدا ما عيبتني
    لالالالالا انا عمري في العشرين مب في ال40 خلاص بسير ارده للمحل مافيه علىالنفخ وغيره انا ما شاء اللله ويهي كله مغزز هههههههههههه


    ترا يالغاليه اذا استخدمت بودره سائبه تظهر المسام عندي وانا مااحب جي اضايج

تابعي تجارب أخرى من هذا القسم.