♥OoO♥ مغتربات تركيا♥OoO♥

مرحبا اختي العزيزه
انا سوريه والي سنتين مغتربه بتركيا - اسكي شهير
انت من وين ياترى ممكن اتعرف عليك اكتر ؟؟؟؟
حتى انا مابعرف حدا عربي هون بس من فتره تعرفت ع عائله الاب تركي لكن الام ليبيه والحمدلله مبسوطه اني بحكي عربي مع غير زوجي

الاخت بطه 151 حياك الله :icon28:
سررت بردك...انا من الاردن اسكن في ازمير
لكن للاسف للان ما استطعت تكلم التركيه بطلاقه
بزبط حالي شوي شوي. بس و لا حدا عربي هون مستغربه
ابقي على اتصال......... محتاجتكم

وانا سعيده كمان معرفتك
خبريني عنك اكتر ياترى متزوجه ولا عازبه وشو سبب غربتك شغل زوجك او للدراسه؟؟؟
حتى انا لحد الان ما بعرف احكي تركي بطلاقه اللي بعرفه يادوب اقدر مشي فيه امور حياتي اليوميه
انا متزوجه وحامل باول بيبي وزوجي يدرس ويشتغل هنا في اسكي شهير
واذا بتحبي نتواصل اكتر عن طريق الماسنجر انا حاضره اختي
دمت برعاية الله وحفظه

تحياتي ....... و احلى اكشملار
انا حبيبتي متزوجه و عندي اربعه اولاد ولد 12 بنت 10 بنت 8 ولد 5
جئت لتركيا مع زوجي يشتغل هنا ........ و الان اتعلم الاشغال اليدويه و اتابع المنتديات
الله يقومك بالسلامه .....
كيف ممكن نتواصل عن طريق المسنجر............... بجد حاب اتعلم تركي

الله يخليلك اولادك يارب وتشوفيهم باعلى المراتب
انا كمان حابه اتعلم اللغه التركيه لكن مافي في اسكي شهير معهد لتعليم اللغه التركيه مع ان لازم يكون فيها معهد باعتبار ان فيها جامعات وفيها عدد كبير من الطلاب العرب
مشان يكمل حظي ههههههه
انا السنه الماضيه سجلت بكورس للتطريز على القماش واستفدت منه وعملت شغلات كتير حلوه لكن هالسنه باعتبار اني حامل فصعب عليي اني تابع بالكورس لان الشغل على الماكينه ويحتاج وقت طويل للجلوس وراها
حاليا تعلمت شغل الصوف على صنارتين وعم اعمل بطانيه للبيبي الله ييسرلي اياه وتخلص بسرعه
ارسلت لك اختي رساله خاصه بانتظار ردك عليها
دمت برعاية الله وحفظه