العرايس اللي تصرفت بمهرها من غير ماينقص عليها شي تدخل تساعدني ربي يسعدها

السلام عليكم ورحمة الله وبركاته

بدخل بالموضوع دغري

بنات أنا بصراحه مهري 35 ألف وباخذ منه ألف عشان أجهز حالي لحفلة الخطوبه وبصراحه:( ماني عارفه كيف أتصرف بالمهر يعني وش اشتري وش اخلي وكيف أجهز حالي وانا بصراحه ماابغى حاجه تنقصني او تنقص علي بحكم ان الأسعار نار بنار يعني اهم شي عندي الأساسيات وكيف قسمتو المهر يعني عزلتو لفستان الزواج والورد وليلة الحنا والعنايه بالجسم ويوم الصباحيه وكم لبس طلعه وكم لبس للبيت والتصوير الزواج ووووو....إلخ وباقي الاشياءالمعروفه اللي تخبرونها
وانا من ناحيتي راح يكون إنشاءالله فستان الزواج تأجير

بنات بليز أفيدوني ونوروني من ناحية الأشياء اللي اخذتوها وندمتو عليها بحيث تصير عندي فكره
ومنها تعم الفائده لأي عروسه مثلي تايها ودلونا عن الأشياء المهمه اللي لازم ناخذها

ربي يوفقكم ويسعدكم ويعطيكم ماتتمنون وييسر أموركم
وعقبال كل البنات إنشاءالله

وهمتكم يابنات الله الله فينا لاتبخلون علينا بالنصايح عن الاشياء المهمه وعن الاشياء الغير ظروريه

34 تعليق 4,010 مشاهدة

شاركي في النقاش

سجلي الدخول لإضافة تعليق.

التعليقات

32
  1. @baby_hard

    الله يوفقك ويبارك لك ..

    شوفي حبيبتي أختي كان مهرها 30 والحمدلله ربي مبارك لها فيه
    وكفّاها .. ماشاء الله

    أول شي عليك ياقلبي تصدّقي .. ولا تنسين دعاء دخول السوق ..

    وخذيها مني ملابس البيت والانجري لا تآخذينها من محلات ماركات ..
    الا القليل وبعض الأغراض مثل ( أربع ستيانات أو خمس ) ..
    واحرصي انك تروحين لأسواق شعبيه .. واذا كنتي في الرياض تروحين لمثل ( المعيقليه .. أوشيقر .. وغيرهمـ )
    لأنها تجي اسعارها رخيصهـ .. وتلقين عندهم كل شي ..
    وفيه عندك سوق ( الوزير ) هذا اغلب المحلات اللي فيه لانجري وحلوه مره ..

    وانا من ناحيتي فيه كم غرض شريتهم ولا أستفدت منهم ..
    مثل معطرات الجسم ..! بتستغربين أكيد ..
    بس خلاص اللوشن يغني عن المعطّر .. ولأن المعطّر بعد يسمّر ولاتدوم الريحهـ ..
    ولا تبالغين في المشتريات يعني تشترين كم حبه من نفس المنتج ..
    لأنك بتملّين منها ..

    ان شاء الله قدرت افيدك ..
    واذا بتحتاجين اي شي إنّا في الخدمهـ ..
  2. شوفي ياقلبي

    انا كثرت من العطور وندمت عليها

    يجيك هدايا عطور كثيره
    وبعدين 2 او 3 علب تكفيك لين بعدين تنزلين معه السوق وتشترين

    الملابس الداخليه وقمصان النوم عندك سيتي ماكس رهيب ورخيص وخوذي اشياء تمشي مع بعض يعني روب حرير قصير يناسب كذا قميص ونسقي الالوان زي كذا

    وقميص الدخله الابيض لا تاخذين غالي حرام شوفي اسواق مكه اخذت منه واحد ب 180 حلو مره

    والباقي يبيعونها على 400 اقل شي

    مممممممممممممممممممم
    شو كمان


    مممممممممممممممممممممممممممممممممممممممممممم
    ملابس الطلعه البلايز والتنانير اكيد عندك اطقم من قبل زيدي عليهم كم واحد حلو والوان عالموضه
    صدقيني الملابس ماراح تستفيدين منها لانك يا بتسمنين ويتغير جسمك او انشاء الله ربي يرزقك وتحملين
    فستان الصباحيه وفستان سهره واحدبس يكفي اذا مو راعين عزايم كبيره ودوريات هذا اللي اذكر

    اي سؤال بالخدمه
  3. @ahat_rohy

    صاحبة الموضوع
    baby hard
    الله يوفقك ويبارك لك .. شوفي حبيبتي أختي كان مهرها 30 والحمدلله ربي مبارك لها فيه وكفّاها .. ماشاء الله أول شي عليك ياقلبي تصدّقي .. ولا تنسين دعاء دخول السوق .. وخذيها مني ملابس البيت والانجري لا تآخذينها من محلات ماركات .. الا القلي…


    عساك عالقوه ياغاليه
    بس أنا من الشرقيه
    وسؤالي عن تقسيم المهر لان خبرك الوحده في هالمرحله تتوه ماتعرف وش تاخذ ووش ماتاخذ

    نورتي يالغلا

    :26:
  4. @ahat_rohy

    صاحبة الموضوع
    salosa
    شوفي ياقلبي انا كثرت من العطور وندمت عليها يجيك هدايا عطور كثيره وبعدين 2 او 3 علب تكفيك لين بعدين تنزلين معه السوق وتشترين الملابس الداخليه وقمصان النوم عندك سيتي ماكس رهيب ورخيص وخوذي اشياء تمشي مع بعض يعني روب حرير قصير يناسب كذا…


    تسلمن ياقمر
    والف شكر لك على المشوره ونتمنى المزيد حتى نستفيد
    :26:

تابعي تجارب أخرى من هذا القسم.