مابدهاش!!! الزوجات ذوات الكرامة!!

اهلين يا بنات ان شاء الله الكل بخير
صارت لي ظروف ولا قدرت ادخل النت الله يعين ويسهل بس

سؤال ليش طار الموضوع ورا لرابع صفحه
معقوله خف الحماس عن اول

يا اختي الحق حلو
انتي لو تقرين الردود على المشاكل الي يكتبونها البنات كان فهمتي احنا وش نبي نوصل
طبعا حنا لا دكاترة علم نفس او فلسفه او اخصائيين مشاكل زوجيه
لكن
حنا نحاول اننا نوصل معلومه
ونساعد على تطبيقها
ان البيت الي مافيه كرامه ولا احترام متبادل من الطرفين
كيف بيكون بيت سعيد وهادئ وبيطلع اطفال مكتفين عاطفيا ونفسيا
وان الحرمه مثل ما عليها واجبات لها بعد حقوق ومن ابسطها
الاحترام وحفظ كرامتها من قبلها اولا ثم زوجها ثانيا
ولو تلاحظين حنا ما نقول
طولي لسانك عليه وردي عليه وسبيه وسبي اهله اكيد لا
ولا نقول اطلعي لبيتك اهلك من اول مشكله
احنا ما نحرض البنات على رجالها بالعكس
انتي انتبهي للردود وراح تلاحظين

لي عودة

اخواتي العزيزات <<< واحده تسوي فيها مثقفة
لو تلاحظون انه لكل مقام مقال ولكل وضع تصرف خاص به ولاشي صالح لكل زمان و مكان الا الاسلام وتعاليمه اللي حفظت كرامتنا... لكن مع الجهل بدأ اجدادنا بوضع قيم فيها الطيب وفيها السيء وتوراثنها وبما انها نجحت في ذلك الوقت في احداث توازن للاسرة فتوارثناها على انها حل ناجع لقمع المشاكل ...

المعنى انه اول كانوا الحريم جاهلات وكلن يجي يلعب براسها فتخرب حياتها الزوجيه فصار الزوج يخوف بالضرب عشان استقرار حياته والرجال اللي يطيح بزوجه عاقله تريحه بما يرضي الله يحمد ربه ويقدرها المثال على ذلك انه لو الرجال هدد زوجته بالطلاق تقول له هذا بيتي وبيت عيالي وانا ما راح اطلع منه وش ما صار فردة فعل الرجال انه يقدره ويحط بباله انه زوجه ما تبيعه حتى وهي غضبانه (ما تلاحظون انه الحريم الاولات كثيرات الزواج والطلاق) والسبب انه لازعلت ما تتفاهم وعلى طول تطلع وهذ كله من الجهل واللي سبب تعب للاولاد اللي حسوا بمعاناة بعد الام عن الاب فردة فعل جيل امهاتنا انهن دربن انفسهن على قولة المرأة مهما صار ما في كرامه بين المره و زوجها واللي عطاهن استقرارهن اللي فقدنه بسبب طلاق امها و ابوها
المشكله انه منهن اللي الله وفقها وعطاه زوج يقدر صبرها وفيه اللي الله ابتلاها بزوج ما يقدرها فتسكت وتقول عشان عيالي لانه ذاقت المر في فراق والديها

الزبدة ومالكم بالطويلة انه جيلنا تغير وصار متعلم لكن فكرة الرجل المتسلط والمتوارثه اب عن جد (مثل ما ورثنا فكرة مافي كرامه بين المره وزجها) تلعب بامخاخ الرجال وباعتقاده انه الحل الوحيد لكل مشكله فاذا شاف ان الطريقه نفعت والمره خضعت قال في نفسه انه فعلا الكلام اللي قاله ابوي او جدي صحيح لكن لو لقى مثال عاقل يدور على الحوار بدل من المجادلة و لقى واحده محافظه على زوجها بس بدون تعدي ولا جرح كرامه راح يقدر زوجته وراح يحس انه قدام ادمي ما هو طاوله لان الظهور قدام الزوج بدون اي ردة فعل تولد البرود لدى الزوج و تعطيه العذر بزيادة الاهانه بعذر انه زوجته ما عنده احساس

يعني جيلنا غير جيل امهاتنا وهن غير عن جيل امهاتهن وهذا يعني اننا دورنا حنا زوجات اليوم هو افهام الطرف الاخر اننا قاعدين ندور على حوار هادف يحل المشكله لا يفاقمها لكن فرض الرأي والتجني على الاخر ما هو حل وانه ولابد من وضع ضوابط للزوجين عشان تدوم العشرة

انا اقول لكم كان بيني وبين زوجي مشكله قاعدين نناقشها وعشان يفرض رايه بدون ما يقنعي قال ارضي والا شيلي عفشك ولا يردك الا بيت اهلك انا قلت خل اخذ بتجربة القدماء واقول هذا بيتي وانا ما راح اطلع منه انت وصار يكررها اكثر من مره لدرجه انه كان معصب وقالي انت قاعده لي زي الشوكه بالحلق ما انتي راضيه تحسي على نفسك وتنقلعين بيت اهلك انا هنا انجنيت وقلت انا جنيت على نفسي وباعتقاده اني بعت كرامتي وانا كنت مفكره انه راح يقول هذي زوجه عاقله ماهي راضيه تفرط فيني لكن اللي هو فهمه من القصة اني انا انسانه بدون احساس فقلت له والله ان كررت سالفه ارضي والا روحي لبيت اهلك اني لا اروح لهم بالهيئه اللي انا فيها ولا لي رجعه واخر ما بيني وبينك وانت خربت بيتك بيدك فاذا تبغى تخرب بيتك وتشتت عيالك قولها وراح تشوف النتيجة
ما اقول اننا تراضينا على طول لكن بالاخير تراضينا ويشهد الله ما سمعتها مرة ثانية فعشان كذا اكرر جيلنا وجيل ازواجنا غير عن امهاتنا واباءنا فكل واحدة تاخذ من الاسلام منهج لانه لو لاحظتوا ان القران رفض ان المرأة تكره على رضاعة ولدها وهو ولدها ومن حكمة الله انها هي ارحم عليه من غيره ولكن لاتكره على ذلك فما بالك بامور الحياة العاديه فانا انصح الاخوات البعد عن العصبيه ولكن لا للسلبيه يعني حافظي على كرامتك لان الاسلام حافظ عليها وراح يحفظك الله وثم يحفظك زوجك ان شاءالله

الله يرفع قدرك......



ايه يا لحظة اكيد بيصير لك كذا وواضح انك تدورين في فلكه فطبيعي ما عاد يحس بوجودك ويحسك كائن طفيلي ملتصق فيه!!
ياليت تعيشين لنفسك ولو ربع يومك...فكري في مصلحتك وكيف تقضين وقت فراغك وشيلي زوجك من الجدول وشوفي وش بيصير..
بعدين لما هو يحسسك انك ولا شي فهذا نابع من نظرتك انتي لنفسك اللي خليتيه يقتنع فيها..الرجل ينفع فيع اسلوب الدعاية والاعلان...حتى لو مو صدق!!
ايضا دائما ذكريه بضرورة وجودك وانك لو ماكنتي فيه كان هالشي ماراح يكون بهالوضعية !!

باختصار احترمي نفسك وعزيها وهو بيعارض بس في النهاية بيقتنع باهميتك بقدر اقتناعك انتي فيها.....



الانفصال انا ما انصح فيه ابدددددددددددددددددددددا الا في الحلات الكبيرة لاقدر الله مثل اقتراف الكبائر وأمثالها مما لا يجوز فيه البقاء...
وعند استحالة الحياة بأي وجه من الأوجه.......

QUOTE=الاميره2;16039136]طيب أنا إيش أقوووووووول .........تعرفون إني من يوم ما تزوجت إنقلبت شخص ثاني
كنت مضرب المثل في الثقة بالنفس والشخصية المرحة
الحين صرت أحس إني ماأسوى ....
كل ماصار لي ظرف أو تعبت ....يقول لي : ماأقدر أتحمل ...تعبت ...فلان طلق زوجته وهو ماينلالالالالالام ما قدر يتحمل ..الخ.........................
ويعطيني كل شهر 500 ريال وكل شوي يذكرني فيها!!!!!!!!!!
قسم بالله شوي وارميها بوجه .........
ومقابل اي كلامه حلوه اقوله له يرد رد كله تحطيم بتحطيم .......
واليوم قلت له بروح لاهلي قال تروحين ................بوجهك!!!!!!!!!!!
تفأجاة مره من رده
كنا جالسين نسولف يعني ماكان معصب ولاشيء
ندمت اني ضيعت عمري معه
والله مايستاهل الحب اللي احبه
انا الحين انتظر يوم الاربعاء وبروح لأهلي مابعد هالكلمه شيء

نفس ردي على لحظة تامل ينفع لك يا قلبي ولما يتمنن بالفلوس تمنني بالشغل وعلميه ان كل واحد عليه واجبات وله حقوق !!
طمنيني عليك........



لا تستعجلين باتخاذ القرار جربي اللي قلت لك عليه وانا مستعدة امشي معاك خطوة بخطوتها بس شيلي قرار الانفصال من راسك......



الأميرة : تعوذي من ابليس ترى هذا شغله .....راسليني عالخاص وان شاء الله ما يصير الا الخير........



هذا كلام العقل مع زيادة انك تطالبين بحقوقك مو تصبرين صبر بهائم!!



الله يبيض وجهك..........



الله يسخره لك ويوفقك وما راح اعيد كلامي.........



الله يرفع قدرك ويوقك ويسخره لك........



كلام في مكانه وحتى لو كان الكلام الشين لك بلحالك اكيد فيه خطا في الموضوع ومو معناها انه ما يبيك يمكن فيك صفة ما يحبها حتى لو هي صفة في نظرك حلوة مثل الضعف مثلا.....

يا هلا والله والف غلا بالغالية ........
خخخخ حلوة نقلب عليهم ترى مناب نلعب خخخخخخخخخ
يا حبني لك والله بس تضايقت يوم قلتي تحريض!! عسى منتيب بعد انتي تحسبينه تخريب:42:



بقول لك على شي ولا تزعلين: انتي ما فهمتي شخصية زوجك صح؟؟؟؟؟؟؟ اسلوبك في التعبير عنه ما يناسب عقليات الرجال ولا تفكيرهم....وواضح انك انسانة حساسة ورومانسية وهذا ما ينفع لهالدنيا سواء للرجال او لغيرهم.........

بما انه يعرف يقول كلام حلو فمعنها فيه خلل معين بينكم لازم تكتشفينه انتي مو انا ولا صرقوعة لكننا مستعدين نساعدك بناء على معلوماتك.......



عيونك الحلوة يا قمر...........



تسلمين عالمرور ........