ذكـــاء حـــــواء(1)لكل حواء ادخلي يهمك الامر

ا بنات بالنسبة لشعر الجسم لااااااااااااااا أؤيد وصفات تاخير طلوع الشعر لانه اذا هرموناتك ملخبطة او طبيعتك الوراثية ان الشعر يطلع فهادي الاشياء تاخر طلوعه بس لو لاحظتي تاني شهر حيطلعلك تحت الجلد
اول شي تاكدي من سلامة الهرمونات وكل وحدة قبل زواجها لازم تتابع مع طبيبة نساء امور الهرمونات والدورة لان لها تاثير كبير على اشكالنا والله
الشي التاني عشان تنظمي طلوع الشعر وتخففيه انا اقلك ايش تعملي
انا كلي شعر ولكني اتب هادي الطريقة والحمدلله اغلب وقتي بدون شعر
خلي بعد كل دورة تنضيفك الخاص... كل بعد دورة او قبل ما تنتهي لو دورتك تتلكع وتتاخر في الايام الاخيرة منها او لما تنتهي تماما شيلي شعر جسمك بالحلاوة اي كلام الي ينشال معاك اول وتاني مرة شيليه
ولا تكرري على نفس المكان تالت مرة اتركي الاثار الي تضل على البشرة من الشعر بعدين امسحي البشرة بديتول الاخضر او قليل كلونية ليمون وبعد ما تنشف البشرة رشي قليل بودرة او نشا او رماد بعدين انفض الزائد منه عن البشرة يعني يادووووب ريحته موجودة او اثره زي ما يقولو بعدها جيبي الة البراون للنتف ومرريها لى نفس المكان راح يشيل لك كل الشعر الي تركتيه
لو انك مستعجلة ونص الشعر طلع ونصه التاني ما طلع ومش عارفة ايش تعملي قدام زوجك شيليه بالشفرة لو انك مستعجلة وانت عليك الدورة وما تقدري تنتفي شعرك شيليه بالشفرة وعل فكرة هي ما تغزر الشعر وانما تطلعه دفعه وحدة من سمك وسط الشعره عشان كدا تحسيه غزر بس هو ما يغزر وبعد يومين شيليه بالالة وحيكون اسهل لان الشعر كله حيكون ظهر دفعه وحدة... لما تكون المسامات باينة كرييييييييييييم الاساس والشراريب مرة المخرمة ومرة اللحمية بلمعة ومرة الشبك ومرة استرتش ضييييييييييييق مع فستان قصييييييييييير حسب حالة سيقانك يوم الي تستريها استريها بشي حلو ويوم الي تنضفيها ابرزيها طول الوقت ولا تخافي انها في اوقات خاصة راح تبان بشكل غي جميل او لائق لان الفكرة انك طول ايام الشهر وريتيه الجمال الي يخليه يتغاضى عن الزلات معنى كلامي خلي الشكل الجميل هو طبعك ونبراسك والباقي مجرد غيمة طارئة تروح في حال سبيلها

^
^
^


الله يجزاج كل خير ..

طريقتج حلوه .. ان شالله اجربها :)


وبصراحه استفدت منج واااااايد .. ماشاءالله عليج الله يسعدج ويهنيج يارب


. . .


وبخصوص جدول تنظيف المعده .. ياليت تنزلينه ..

لاني انا اعاني من مشاكل في المعده .. واتوقع بسببها بشرتي تعبانه وباهته ..


وتسلمين :)

اهلين وسهلين بنور العين

الف الحمدلله ع السلامه ياعسله وماتشوفي شر ياارب

يا بسبوسة سامحيني يا قلبي على التاخير كان المفروض ارد عليك في الصفحات الاولى
شوفي يا ستي انت قلتي شغلة عجبتني ولفتت انتباهي في كلامك...
انك عارفة طبيعتك ونسبتي مشاكلك للحساسية الي عندك لعلمك انا حساسة جدددددددددددددا
ودا ياثر على بشرتي يعني زي الترموميتر بسرعة يبان والناس الي كدا المفروض مادام عارفين المشكلة يعرفوا بداية الحل
انك تسيطري على حساسيتك... وطبيعي انك بتنحفي ويتغير جسمك لانك حساسة وشكلك من كلامك انفعالية ومزاجية .... باختصار شديييييييييييييد خدي مني نصيحة وعن تجربة
الاكل يؤثر على اعصاب الانسان ومزاجه كلي اكل صحي وكتري من التمر والحليب على الريق وشرب الماء ما يكون بارد خلي مويتك فاترة وحتى استحمامك
حاولي تنتبهي لنومك لانه ياثر جدا واعتبري السهر هو عدوك القاتل
والله يا بنات عن تجربة بتكلم الي تسهر لا تستجدي خير في صحة جسمها ولا نفسيتها ولا عقلها
وهدا اثاره تبان بعد الزواج وانا عانيت منه بس الحمدلله رجع نومي يتعدل وراح تشوفوا الفرق في الصحة والاعصاب... بوسي يا قلبو صدقيني مش اهمالا لباقي مشاكلك بس انت من كلامك اغلب مشكلتك الصحة العامة وسوء التغذية والنوم والقلق هو الي ياثر
بالنسبة لكلامك عن النحف صدقيني لما تتزوجي ان شاء الله ونفسيتك ترتاح حتنفتح شهيتك للاكل وتصيري مرتاحة لان الحساس يتاثر بعاصابه وتفكيره ويحرق اسرع من البارد الهاديء
حاولي تلعبي رياضة قبل الاكل بحيث اول ما تخلصي رياضة يكون اكلك جاهز بخمسة دقايق
اشربي مويا على الريق قبل الاكل بنص ساعة وخدي طريقة الاربعة كاسات الي كتبتها
كلي السلطة مع الاكل واخلطي ربع كاسة عسل اصلي مع اقل من اصباعين من الكاسة مويا زمزم فاترة وخليها طول الليل منقوعة بعدين احركيها واشربيها كل اسبوع اعملي كدا مرة وحدة بالاضافة للتمر واللبن والحليب كلي لحم كل اسبوع واغلب الايام كلي سمك
وقوليلي بعدها بشرتك كيف تصير؟
اعملي تنفس كل صباح عشان كدا بنقول للامورات يناموا بدري عشان يصير صباحهم صباح وليلهم ليل ولا تنسي المشي والرياضة والاكل بعدهم مباشرة راح يصير جسم منيكان ان شاء الله اختلافات الالوان ازا كانت قوية يعني مرضية روحي اكشفي على الهرمونات اول شي وشوفي دكتورة جلدية... لا تتوهي بين الخلطات لانه بعد الزواج مافي التفرغ للخلطات بالشكل الي نحن نتخيله... اما عن كلامك عن الحساسية ودورها في مشاكلك المستقبلية وطبعك الحنون واستغلال زوجك لدا الشي صح تفكيرك بس لهذا السبب في طرق ووسائل تستعملها المرأة الذكية للتعامل مع زوجها بحيث تستغل حساسيتها وتسخرها بدل ما تخلي حساسيتها هي الي تستخدمها وفي طريقة للتعامل مع الزوج ولا بد من التصادمات في بداية الحياة الزوجية
ولكن بعد ما تعرف الوحدة طبيعة زوجها راح تعرف كيف تتعامل معاه وتاكدي ان تعاملك مع صديقتك وتاثرها بيك مش زي زوجك الزوج له خريطة تفكير تحتاج من كل انثى انها تدرسها باستقلالية مش تقيس اموره على امورها هي او ردات فعلها هي ادم مش زي حواء بس هدا موضوع نفسي وسلوكي (على فكرة دارسة علم نفس هيءهيء) فلو تحبي ممكن نتكلم فيه بخصوصية وانا تحت امرك .... على فكرة يالبووووووووووووو على البسبوسات الي في توقعيك يجننننووووووووووووووووووووووووووووو اموت في البساس الصغيرة لو عندك وحدة اعطيني اهيء اهيء