شاركي في النقاش

سجلي الدخول لإضافة تعليق.

التعليقات

21
  1. @miss_kitkat

    صاحبة الموضوع
    مشكورين حبيباتي والله ما قصرتو على الردود الحلوة والله يجزيكم كل خير ويحقق امانيكم
  2. الله يكتب لك الخير
    بس بصراحة ماألومك
    الطب يبغاله قلب قوي وصبر طويل
    أنا أقول ليش ماتدرسين طب نفسي بعد التخرج
    وتفتحين عيادة يكون الدوام فيها على كيفك؟
  3. تدرين ذركتيني بمين؟
    تذركت نفسي ههههههههه
    بس انا عكسك انا ابد محد غصبني ,,
    بس باخر سنه كرهت الطب , وصرت اخاف منه ,,,
    اقول بتخرج وش اسوي ؟ و كيف اعالج !!واحس حالي مو قد المسؤليه ابد!!
    و وكنا اذا رحنا الرواند مع الدكاتره اقول كيف اجاوب ع كل الاساله
    ع قد ماكنت ادرس ع قد ما كنت انسا !!
    هههههههههه
    ياقلبي الي يصير لك عااااادي
    انا وخوياتي وكل الي اعرفهم الي كانو معي طب ,, جاتهم نفس الحاله و كل واحد كان يلقا له عذر الي تقول ماتزوجت ,, والي تقول صرت اخاف من الطب ,, والي تقول هذا ماهو ميولي!!
    يووووه
    وكل يوم كنا ع هذي الحاله ,,
    حبيبتي تعوذي من بليس الان ,, كل هذ بيروح ويهون ,, تدرين متي؟ لما يمر عليك اول مريض و تعالجينه ويدعي لك,,,
    وربي كنت احس اني كل ما توفقت ,, انه من دعاء الوالدين و من شغلي والناس الي تدعي لي لما يتعالجون ,,,
    بعدين من قالك الطب سهل؟ ومن قال لك ان كل الدكاتره الي معك والي يدرسونك كانو عباقره ؟؟
    كان عندنا دكااااتره موب دكتور ,,, ياما وياما عاد سنين عشان ماده وحده وبالاخير كانت هي تخصصه ,,!!
    والباقي كانو ع الحفه ,,, يادوب جيد , ومقبول هههههههه
    كل الي تدرسينه الان غير ,, و ممارستك للشغل شي ثاني ,,,
    اذا انتي ماتحبينه مااقدر احببك فيه غصب ,,صدق ,,بس انتي كملي هالمشوار ,, والي خلاك كل هالسنين تتحملين يخليك تتحملين هالسنه ان شاء الله بعد ,,,
    وتخرجي و شوفي الامتياز ,, صدقيني راح تحبين الطب ,,,
    عارفه كم وحده تتمني تكون في مكانك الان؟
    الي انتي فيه من الضغط والدراسه ,,ريحي عمرك ,, و تعوذي من بليس ,, نصيبك بيجيك,,وش بتستفيدين من الزواج وانتي ماعندك لا سمح الله شهاده ؟ لو هالزوج عقب فتره ربي اختاره وراح وانتي عندك عيال,, وقتها وش تسوين؟ بتقولين ياليت الزمن يرجع و اكمل طب؟
    يكفيك تفرين صفحتين بالمنتدي بس وشوفي المشاكل والي يبون يتطلقون والي تدور ع وظيفه ولا هي لاقيه ,,,
    الزواج مهم وستر ,,صح
    ,,بس شهادتك قبلك ,,و نصيبك بيجيك ,,
    لنفسك لاهلك ,,لعيالك بكره ,, وش حالتها اذا قالو ماما دكتوره ,,!!
    في الطب تقدرين تبدعين بكل المجالات ,,
    هواياتك رسم ,, او خياطه ,,, ممكن تتخصيين جراحه تجميل ,,,
    تحبين المكياج والاهتمام دوم بالشكل ,, تخصصي جلديه تجميله,,
    تحبين الامور الانسانسه ,, تخصصي اورام ,,,وغدد صماء ,,,
    تحبين التحاليل ,, تخصصي باثولجي ,,
    لك في الامور النفسيه ,, تخصصي نفسي ,,,
    لك في الكهرباء و التوصيلات ,,, تخصصي ECG
    حبيبتي كل شي وله شي
    وتذكري دايما ان ربي مايكتب للبني ادم شي الا وله في خير ,,
    انا ماكتبت هالكلام الا لاني بيوم كنت مثلك واقول يووووه مشوار متي اخلص و خفت و مدري ايش ,, وكل شلتي تزوجت الا انا ,,,
    بيني وبينك اقولك شي ,,, (( والله ماهو شماته في احد ,, بس كل خوياتي كانو يقولون لي دووم مسكينه انتي بتعنسين في مكانك وياكثر مسخرتهم علي ,, وانه محد يبيني واني بالثانوي كنت انخطب و من دخلت طب محد جاتي ,,لانهم تزوجو ,,, وانا لا قلت دراستي قبل ,, الان ثنتين منهم تطلقو ,, و ثالثه تتمني انها كملت طب عشان تساعد زوجها ع الاقل انها ترفع مستواها المعيشي ,, وانا الحمد لله نصيبي جاني و ربي وفقني ,,, وخوياتي دوم يقولون ليتنا صبرنا مثلك يمكن لقينا زوج مثل زوجك !!))
    واذا بغيتي اي شي حبيبتي لا تتردي ابد
  4. @miss_kitkat

    صاحبة الموضوع
    اغادير الوله مشكورة حبيبتي
    الدكتورة كلامج حلو وكله تفاؤل شجعتيني شسوي الله يعينني على السنة الي ضلت انا بس خايفه من المستقبل وماحب اضل اعيش حياتي وانا اجري واركض بالستشفيات وماعندي وقت لا لزوج ولا لعيال ولا ابي اعيش حياتي متضايقه اني اخترت طب وماخترت تخصص اقدر ابدع فيه اكثر بس بحاول اتحمل واشوف وش يصير بعدين الله يفرجها

تابعي تجارب أخرى من هذا القسم.