خبيرات ماليزيا مساعدة عاااااجلة ضروووووووري

البنات ما قصرو بس احب انبهك انكم اذا سكنتو بالتايم سكوير راح يكون سهل عليكم بالمواصلاات لان القطار المعلق له محطة بالتايم سكوير واسعاره رخيصه جدا واذا بغيتو تاخذون تاكسي اطلبو منه ان يوصلكم الى المكان اللي تبونه بدون ما تسالون بكم المشوار لانه بكذا راح يستعمل العداد وهو ارخص لكم طبعا اما اذا سالتوه راح يعرف انكم عليميه وما تعرفون الاسعار والمشوار اللي يكلف 5 راح يقول لكم 25 وبكل عين قويه ولا تاخذون تكاسي من عن الفندق لانهم اغلى بكثير واكبر مقلب اكلناه المنتزه اللي اسمه افاموسا احس انه ما يستاهل الدعايه اللي يسوونها حقين التكاسي وبالنسبه للتسوق فيها مجمعات كثيره لكن عندك السوق الصيني فيه اشياء اسعارها معقوله جدا ومثل ما قالو الخوات شيكي المسافرون العرب

لااااااااااا.. كل شي ولا العداد "آسفــة اختي قمورة6"
ياما انسرقت من العداد.. المشوار اللي يكلف 5 والله ياخذون اكثر حوالي 15 اذا ماكانت اكثر.. يقعد يحوس بالشوارع ويزيد السرعــة.. والعداد يحسب بسرعــة

بالعكس.. امسكو تكسي واسألوهـ .. اذا شفتو تكاسي متجمعة ورا بعض.. لا تاخذين منهمـ لانهمـ اكبر نصابين ويكونون متفقين.. وقفي لك تكسي من الشارع واسأليه بكمـ المشوار وكاسريـــه.. لان احياناً ينصبوووون.. حاولي تركبون مع مسلمـ :)
اذا قالك عداد لااااااااااااااا وألف لا
هالحين انا صرت فاهمة لهمـ .. اذا قالو عداد قلت لا.. لاني حافظة ماليزيا شارع شارع مجمع مجمع.. مايمديه ينصب علي

وسلامتك

خلي رحلتك كذا
كوالا - فندق مندرينا اورينيتال عند البرجين يومين
جنتنق خذي اي فندق يوم واحد وليلة علشان يمديك تلفي المنتجع
بينانج - مطيارا حلو مررة تستاهل 4 ايام روحي للحدايق الفواكة والحيوانات والفراشات
لنكاوي يا بعد حيي تستاهل 4 ايام لاتفوتك التماسيح و عالم تحت الماء وجولة الكهف و حديقة النسر الكبير
ارجعي للاشياء القريبة من كوالا لمبور
سن واي لاغون 3 ايام لا تاخذي فندق خذي فيلا ( زي الشالية الصغير )روعة مررة اذا ما معك اطفال
كوالا لمبور ومنها روحي على ذا ماينس وندر لاند فيها سوق يمر فيه نهر رائع وياخذونك رحلة الى منتزهات منها بيت الثلج وعروض النوافير
روحي مصنع الذهب
لا يفوتك السوق الصيني حلو مررة خصوصا الاقمشة والشنط والحراير

والله قمر
مشكورة حبيبتي أرسلت لك على الخاص

قمورة
ألف شكر حبيبتي على النصيحة , بس أكثر الناس نصحوني ما اسكن في التايم سكوير لأن الغرف مو فخمة , و انتي عارفة ماليزيا احلى شي فيها فنادقها واسعارها حلوة يعني أحس لازم الفندق يكون فخم عشان نستفيد من السفرة ...

و بالنسبة للسواقين انا بحاول أجيب ارقام سواقين مجربين و ان شاءالله أحصل سواق أمين ...

مبسوطة
شكرااااا أختي على رايك و نصايحك و راح ابحث عن الفنادق اللي قلتيها وبالنسبة لــ لنكاوي لغيناها لأن ما نبغى نروح أكثر من جزيرة خصوصا ان التنقل بيكون متعب ومعنا أطفال صغار ..

umahmad
يا حبيبتي ماني عارفة شقولك ايش هالافكار الذهبية ؟؟

بالنسبة لعين على ماليزيا شفت صورها و اعجبتني مرررررة لكن قريت في منتدى العرب المسافرون انهم راح يشيلوها لأنها مؤقتة فقط سنة 2007 ... و احنا رايحين ان شاءالله يناير 2008 ... للأسف !!

انتي رايك اني بعد سنواي لاقون اروح الخيول الذهبية ؟؟ طيب حبيبتي بماان الخيول الذهبية قريب من المطار ليش ما أخليه آخر محطة ؟؟ انتي شوفي جدولي المبدئي و احكمي :

المحطة الأولى : كوالا - ماريوت - ثلاث ليالي
المحطة الثانية : بيننج - جراند بلازا بارك رويال - ثلاث ليالي
المحطة الثالثة : سنواي لاقون - ليلتين
المحطة الرابعة : كوالا - ماريوت - سبع ليالي
المحطة الأخيرة : الخيول الذهبية - ليلتين ... ومنه ع المطار

ياليت تفيدوني يا بنات اذا جدولي فيه اي شي ممكن تغييره ...

مررررررة نايس جدولك..
بس ترا "الخيول الذهبية" منقطع عن العالمـ جنبه مجمع واحد بس اللي هو "ماينز ويندر لاند"
اتوقع يكفيك فيه ليلــــــة !!

الماريوت الحلو فيه.. قريب منه كل شي :) وسهلة المواصلات