الموضوع مغلق

شنطة الولادة ........عاااجل

مساء الخير للحلوااااااات
اختكم تجهز شنطة الولادة ......
بس محتارة ومش عارفه اخااف انسى شيء
ابي منكم مساعده عااجله
تقولون لي يااااصحباات الخبرااااااات ...
وش المهمات اللي لازم احتاجها بالمستشفى وانا رايحه اولد .... ماابي انسى شيء لي أو للبيبي
عاد لا تبخلون على اختكم
ابي ا لفزعه منك
:26:

11 تعليق 1,728 مشاهدة

شاركي في النقاش

سجلي الدخول لإضافة تعليق.

التعليقات

11
  1. انا كتبت موضوع بالمنتدى قبل فترة عنوانه "كمااا وعدت تجهيزاتي الكاملة للبيبي والنفاس"، وبنقل لج منه هذي الفقرة:

    جنطة المستشفى
    3قمصان
    بجامة مريحة لوقت النوم
    تكرمين نعال
    ملابس داخلية كاملة
    ستيانات رضاعة، وسراويل اللي تستخدم مرة وتقطينها تباع في مذركير
    فوط صحية أكبر حجم لبعد الولادة الماركة اللي تفضلينها
    دلاقات تدفي
    make up
    عطر أو دهن عود
    منظرة صغيرة
    سشوار (لا تطلعين جدام الضيوف بكشتج تفشلينا)
    ربطة شعر
    أغراض العناية، اشتري الأحجام الصغيرة عشان ما يزحمون الجنطة ( شامبو، كريم، ديودرانت، ليفة، مشط، فرشة أسنان ومعجون).
    تراشي حلوين (حلق) خذيت كرستال شوارفسكي ناعمين وممكن ذهب براحتج.
    جاكيت يدفي يمكن تستبردين
    شاحن الموبايل
    كاميرا فيديو وعادي(حسب الرغبة) اذا تبين يصورون البيبي بأول أو ثاني يوم.
    أغراض الطفل، اخذي جم بربتوز وصداري وكبابيس ودلاقات ومهادات، وكفر عشان اذا بغيتي تطلعينه تلحفينه، أما أغراض التغيير الحفاظات وأغراض الرضاعة ما راح تحتاجينهم لأن المستشفى برضعونه ويغيرونله.
    وبعد ما تجهزين جنطة المستشفى خلي يمها عباة وملفع ونعال جاهزين في حالة أي طارئ، وعلمي زوجج بمكانهم.

    شنطة تجهزينها قبل لا تروحين المستشفى لوقت الولادة صغيرة وفيها..
    كتيب لأذكار وأدعية الولادة (انا شريت كتيب اسمه الإفادة في ما جاء في ورد الولادة).
    بسكوت، عصير.. أي شي خفيف
    رطب
    الأوراق الرسمية (بطاقتج وبطاقة وزجج المدنية- عقد الزواج- كرت المستشفى) وأي أوراق تحتاجينها.
    موبايلج
  2. @nony_22_1

    dullo3a
    انا كتبت موضوع بالمنتدى قبل فترة عنوانه "كمااا وعدت تجهيزاتي الكاملة للبيبي والنفاس"، وبنقل لج منه هذي الفقرة: جنطة المستشفى 3قمصان بجامة مريحة لوقت النوم تكرمين نعال ملابس داخلية كاملة ستيانات رضاعة، وسراويل اللي تستخدم مرة وتقطينها تباع…
    مشكوره حبيبتي على المعلومات الحلوه

تابعي تجارب أخرى من هذا القسم.