تبي تجددي بيتك ....الميزانيه ماتسمح.... تعالي أقولك كيف؟؟؟؟؟

إبـــــــــــــــــــــــــــــــــــــــــــــــداع



جزاك الله خير

الفكره الرابعه:

سوي( ركن بحري ) هاتي طاوله دائريه وافرشي عليها مفرش مخمل سماوي او ساتان وهاتي تل مربعه و هاتي إبره وخيط وانضمي فيه القواقع الصغيره,راء بعض بشكل طولي وخيطي كل خيط مليتيه في زاويه من زوايا التل المربع وضعي المفرش بشكل عشوائي







واحضري اناء زجاجي دائري مثل حوض السمك الصغير وضعي داخله أصداف وعبيه ماء وضعي فوقه زهرة المستنقع او ورد مجفف لون أزرق وانثري من الاصداف على الطاوله وضعي شموع على شكل اصداف او قارب..أو عاديه



.. وهاتي تحفه على شكل صحن مسطح وحطي فيه رمل وارمي عليه اصداف



،وهاتي لوحه منظر طبيعي فيهاصورة بحر وقارب وعلقيها فوق الطاوله واذا عندك نافوره شغليها وشوفي التناغم بين المنظر والصوت يعطي احساس حلو ولو ترشين عطور برائحة البحر يطلع خياااااال 0






الفكره الخامسه:
انك تجيبي قطعة تل كرستال ابو لمعه مربعة الشكل ماهي كبيره وتثبتين على أطرافها كلفه أنيقه وتطبقينها على شكل مثلث وتركبين لها كثل مع الاطراف وتحطينها في اي درج سحاب مثل درج الكونسول أو درج طاوله عندك بشكل حلو ويكون نصفها في الدرج والنصف الاخر طالع برا وتحطين أي عقدلولو 1أو2 عندك فوقها




الفكره السادسه:

عمل طقم لغرفة الضيوف


1) هاتي قماش تل كريستال وقصيه مربع حطي طبقتين لونين مختلفه مثل بني وتركواز, اوفوشي وبرتقالي ,أو وردي وبني , أهم شي يتناسب مع لون الاثاث أو قماش تل تحته قماش ساتان شوفي الموجود..... ضعي له كلفه شراشيب واذا عندك فستان سهره قديم أوبلوزه فيها شغل ممكن تقصي الشغل اللي فيه خاصه اذا كان محدد يعني على شكل ورود او فروع وتوزعينها على المفرش وتضيفين كريستال وفصوص صغيره على كل المفرش



2) وتجيبن سلة زباله ونفس الشي طبقتين قماش نفس اللون تربطينه اعلى السله وتثبتين مكان الربط نفس الورود اللي في المفرش


3) وايضا علبة المناديل اذا كانت قماش تضعين على اطرافها اوعاى جهه واحده من قماش التل وعليه نفس الشك وممكن استبدال الشك بورد مجفف وشرايط
وايضا اربطي على الأبجوره بنفس الطريقه



4 )جيبي خداديه قديمه عندك وخيطي لها لبس من الساتان وعليه طبقه من التل ...وقصي من نفس الشك اللي في المفرش ولزقيه في الوسط من الامام والخلف ..أومع الأطراف من فوق ومن تحت أو خيطيه .....أصبح عندك طقم كامل من صنع ايدك



أعطى تغيير للغرفه وأنت اللي مسويته~..~. من قدك




الفكره السابعه:
جيبي أي خداديه ساده أومشجره مربعه وقيسي محيطها وقصي من,, التل,, مقاسها بنفس عرض التل يعني 1م تقريبا تلمينها على بعض وثبتيها من خلف الخداديه وامسكيها من الوسط تصير مثل الفيونكه وضعي ورده على مكان الربط من خلف اما الامام ضعي,,, ورود,,, من عندك شكلها حلو وخذي من اكسسواراتك القديمه سلاسل,,, خرز,,, ولزقيها تحت الورود اوخلي الزينه كلها من الاكسسوار حقك, ممكن تعملين ثلاث
وترمينها تحت الكونسول في المدخل أوفي غرفة الاستقبال أوأي مكان مناسب





الفكره الثامنه:

عندك شال كبير ومليتي منه جيبيه واذا ماله شراشيب يعني أطرافه ماهي محدده ,حدديه بكلفه فيها شراشيب أوفرنشات مثل حقت الستاير ةلزقي عليه ترتر وخرز وفصوص بالغراء وضعي المفرش على الكنسول في المدخل ويكون نصف على الكنسول ونصف نازل أو ترمين على الكنبه أوعلى تسريحة غرفة النوم



يتبع

الفكره التاسعه:

عندك قماش شيفون كثير وماانتي عارفه وش تسوين فيه تعالي أقولك:

ممكن تعملين منه ستاره لمدخل الحمام تودينها للخياط بعد ما تاخذين المقاسات يخيط لك أطرافهاويدخلك عند راسها كرتون مقوىويخيط القماش عليه كذا طبقه علشان مايبان وتكون على جهه واحده

وتحددينها بفرنشات الستاير هذي لازم تشترينها أوتاخذينها من ستاره قديمه ماهي مستعمله ولزقي ترتر أوخرز بعيد عن بعضه حبه حبه على كل الستاره خلي زوجك يثبتها لك على الجدار

1) وتكون مفتوحه من جهه واحده ومسكة الستاره تفنني فيها ممكن تجيبي من قماش الشيفون على شكل ربطه وتزينينها بتطريز أوتقصي شك من فساتينك وتخيطينه عليه وتجيبي سلاسل الخرز وتخيطيها بشكل نصف دائره على كل الربطه أوتخلينها بشكل طولي أو وردكبير أو كثل اذا عندك على كيفك000 ويالله اربطي الستاره وقولي ماشاء الله



2) أوممكن تعملي منه ستاره لراس السرير,,

تحتاجين ثلاث قضبان اوعلاقه صغيره حقت الملابس الي تجي حبه واحده تجيبين 3حبات وتدقينه في الجدار فوق السرير واحده في المنتصف اعلى الجدار والثنتين الأخرى اسفل عند طرفي السرير وعلقي الشيفون على العلاقه اللي فوق وخليه ينسدل على اطراف السرير وممكن تاخذي من نفس قماش الشيفون وتربطينه على الابجورات وقطعه ثانيه ترمينها على التسريحه وتحطين عليها شموع وكريستال ....وهالحين تمتعي بمنظر الشيفون الذي عمل تغير في غرفتك وأعطاها جو رومنسي دون ادنى تكلفه0

[
3) أوتثبتينه على لجدار بشكل مايل وتحته برواز حلو








الفكره العاشره:



عندك ريش وحابه تستغلينه في عمل ديكور جميل.......تعالي أقولك كيف،


خذي الريش اللي عندك وراعي تناسق الألوان ...ولزقيه على أطراف الأبجوره


وهاتي مفرش طاوله دائريه اللي فوق لزقي بالغراء المسدس على كامل المفرش



هاتي مزهريه طويله شوي ونسقي داخلها الوردوضعي الريش على فوهة
المزهريه ولزقيه بالغراء المسدس وضعيها في مكان مناسب .

إذا عندك سله خذيها وعبيهاريش وشوي قش اذا عندك وإلا مو ضروري ثم جيبي بيض وفرغيه ونظفيه وجففيه بعدين بخيه بلون ذهبي ورصيه على الريش حطيه على الطاوله الدائريه أو على المغسله .




لزقي الريش على علبة منديل... وسلة زباله... ومفرش.. مع بعض الجليتر والترتر واللولو تسوي طقم جميل تحطيه في أي مكان وأناأشوف إنه مناسب لغرفة النوم ....


ممكن تلفي الريش مع بعض الشرايط على علاقة العبايات....


الفكره الحادي عشر:


اذا عندك جدار فاضي في بيتك استغليه في عمل ديكور حلو

شوفي عندك رف طويل أو قطعة خشب طوييييله شويه لدولاب أو رفين قديمه تصفينها بجانب بعضها علشان تعطي شكل أطول وثبتي الرف على الجدار ويكون ماهو عالي ...مثل اللي في الصوره



وتجيبي شيفون وطويل وتحددينه بالكلفه وتفرشين المفرش على الرف بشكل مموج ونازل مع الاطراف وترتبين عليه تحف وشموع وبراويز وتعلقين فوقه لوحه منظر طبيعي ....وتحطين من جهة اليمين تحفه فيها أغصان وخداديات تحتهاوقطعة شيفون نازله من التحفه وخداديات مرميه تحتها.





وبكذا انتهينا من عرض الأفكار وماعليك إلا أن تختاري مايناسبك ويناسب بيتك وتطبقينه ...


أرجو إني قدمت لكم شي ينفعكم ولو شي بسيط تستفيدون منه

ولا تنسوني من دعاكم لي بالشفاء والتوفيق لي ولعيالي

إبــــــــــــــــــــــــــــ ـــــــــــــــــــداع

ما شاء الله تبارك الله
عندك افكار رائعة
شفاك الله من كل داء ورزقك الله من فضله