بإذن الله سأتزوج بمتزوج .....

هلا اختى انهار
الله يوفقك ويتمم عليك ويسعدك بحياتك يارب العالمين
انا اعرف وحده متزوجه بمتزوج وهي تخاف الله مره ما تحب الظلم عليها ولا على غيرها
تقولنا دايم احتسب لله في كل شي اسويه يعنى الزواج من متزوج مو شي هين يكون فيه زوجه ثانيه تشاركه نفس اللى انتى تشاركينه فيه واكيد يكون عنده منها اولا واطفال فايكون مشغول فيهم اكثر منك فتقول كنت اعينه عليهم
كنت اذكره احيانا بمواعيد تخص عائلته واطفاله
كنت اخاف الله بكل شي اسويه حتى لو جاني ضر منها اسكت واحتسب واقول حرام زوجها
انا اللى جايه عليها
والحمد لله تقول صرت اشوف زوجي كل ماله ويحترمنى ويعطف علي ولا يبي يظلمنى وان ما عدل معاي اذا كان ناسي او شي يعوضنى اهم شي تخلين خوفك من الله بين عيونك ولا تنسين انك داخله على بيت وزوج وعيال وزوجه وعلى نياتكم ترزقون والله يوفقك ويسهل عليك يارب:26:

نجاح الارتبط برجل متزوج يعتمد على اساسيات كثيرة...اولها لازم تكون شخصية الرجل قوية ولديه اسباب منطقية للزواج
واذا كانت زوجته قوية ولئيمة وتثيرها قوي عل الزوج ...مصيبة...لان كثييييييييييييير رجال تزوجوا الثانية وماقدروا يقاوموا ضغط ام العيال واستسلموا وطلقوا الثانية
ويعتمد عليك انت اذا كنتي غيورة ..حساسة .تحبين متع الحياة من طلعات وسفر وهدايا ..بتنحرمييين كثييير منها لانه لازم يعدل وميزانيته ماتسمح بالعدل في الماديات وبلتالي بتقعدين بالبيت طوووول حياتك ,,,وحتى لو كانت ماديته زينة ,,اذا جا بيطلع او يسافر مع ام العيال بتتملكك الغيرة خصوصا اذا حبيتي زوجك وعشقتيه..تشتاقين له وتولهين عليه وتبينه دايم معك وتكونين مشحونة عليه دايم وتنقهرين من الوحدة اللي نت عايشتها وهو مستانس مع العيال
يعني نجاح الزواج يعتمد عل جميع الاطراف الثلاثة
انا انصحك عن تجربة...اختي عل وشك لانفصال من زوجها بسبب الجوانب السلبة اللي ذكرتها
واناراي ان الزواج من متزوج فيه الكثير من امنغصات ان بغنى عنها
واخيرا الله يكتب لك اللي فيه خير لك

خافي الله في زوجتة واولادة وحاولي لو قابلوك بسوء قابليهم بأحسان وان اصروا على موقفهم ابعدي عنهم واتركي الذكر الطيب
والله يوفقك في حياتك

الله يوفقك ويسعدك يا رب ويهنيك وانتى اعرفي انه مو ملكك لحالك هو لك ولغيرك واذا كان انسان متفهم ويتحترمك ويعزك راح يريحك من امور كثيرة واذا كان متزوج كذا ولا يقدر فالله يعينك انتى ادعى انه يحبك وانتى تحبينه على شان ترتاحون مع بعض
مو الى متزوجه رجل شاب وصغير مبسوطه معه شوفي المشااكل يا كثر الى جتهم حالات نفسيه من ازواجهم الله يوفقك يا رب ويوفقنى معك

الله يكون بعونك