ولدي متعرض لموقف وصاير يخاف بشكل مرضي ومن تساعدني لها دعوة بظهرالغيب

الى اخواتي الغاليات في عالم حوا اتمنى اجد عندكم الجواب الشافي عندي ولد عمره عشر سنوات وتعرض لموقف خلاه يخاف ويفكر دايم بالاحتمال السيئ--الموقف في يوم بعد ماخلص دوام المدرسه كان اخر يوم طلعوا ابكر بساعه من موعدهم اللي دايما فالسواق اللي ياخذه بيجي علا وقته وتاخرعليه والاولاد اللي معه اللي راح علارجوله واللي جا ابوه واخذه قعد فالاخر بروحه وقال بروح البيت طبعا البيت بعيد مره عن المدرسه وقعد يمشي لن ضيع الطريق وبداالبكي والخوف انه خلاص ضاع ولا عاد لاقي البيت وصار يبكي لين الظاهر راح صوته والحمد لله الي سخر له ولد الحلال اللي شافه يبكي ووجهه ناشف من الخوف وساله عن اسمه وطلع يعرف جده كان رجال كبير بالسن الحين يخاف بعد ثلاث سنين من الموقف اني اروح لحالي او انه يقعد عند اهلي مثلا واروح عمره او للحج حتى اني حامل يشيل هم اليوم اللي اجلس فيه بالمستشفى وبوه يقول انه قاعد يبكي ولماساله قال انه مايبي يقعد لحاله وحتى احس بعد الموقف نموه صاير بطيءوافكر اروح لمعالجه شعبيه مدري وش تشورن علي اوطبيب لعلاج الخوف تكفون ادعولي ان ربي يجعلني اشوفه احسن واحد ويجعله ربي قرة عين لي ولابوه ويذهب عنه مايجد امين خصوصا انه اول اولادي الله يخليه لي :26:ومنتظرة دعواتكم

40 تعليق 3,980 مشاهدة

شاركي في النقاش

سجلي الدخول لإضافة تعليق.

التعليقات

40
  1. @am_aabody_hyaty

    صاحبة الموضوع
    لا حول ولا قوة الا بالله ولا وحده ردت ولا حتى دعوه ولا ترفع الموضوع وهي ماشيه مهي اول مره يخيب ظني
  2. طيب ماحاولتي تتكلمين معه

    عمره 10 سنوات ماشاء الله .. يعني يفهم

    حاولي انتي تسولفين معه وتشوفين سبب خوفه

    يعني بالعربي سحبي منه كلام




    واذا مانفع روحي لدكتور



    والله يشفيه ويخليه لك
  3. أسأل الله العلي القدير ان يرزق ابنك راحه البال والامن والاستقرار وان يبعد عنه الخوف والهلع وان يجعله ابن صالح بار بكما وان يبارك فيه وان لايحرمكم الله منه ومن الذريه الصالحه ...

    عرضت مشكله ابنك على اهل الاختصاص من علماء النفس وان شاء الله الرد يكون بعد 8 ايام واكتب لكما قالوه لي واذكر حلهم فاعذريني ان تاخرت بالرد ..

    اشعر بما تشعرين كان الله في عونك ويسر امرك يارب
    دعواتك لي ولولدي هشومي وان شاء الله ارد لك متى ما اتاني الرد ...

    جزاك الله خير

تابعي تجارب أخرى من هذا القسم.