عااج لأترك وظيفتي في هالمجتمع الوسخ ولا لأ شوروا علي تكفوون وشوفوا الوقحة وش تقول!!!

يابناتعذرا على الألفاظ اللي قلتها بس والله لأني أنا متضاااااااااايقة وصاكة فيني الدنيا شوروا علي إيش أسوي

أنا توني متوظفة في معهد من 3 أسابيع بس ووحدة من قرايبي متوظفة فيه قبلي باسبوعين وأول ما جاتني الوظيفة استشرتها ومدحت فيه مررررررررة وهي أهم سبب خلاني أوافق على الوظيفة..

المهم أنا وياها أعمارنا 25سنة ونعتبر أصغر ((وأحلى وأكشخ)) موظفات هناك والله ما أقول هالكلام أتفاخر بس علشانه مهم بالموضوع وعلشان تكونون بالصورة..

المهم قريبتي من اسبوع جات لها طالبة وقالت إنها تحبها وتموت فيها ومن هالسوالف .. قريبتي مرررررررررة طيوبة وقالت لها لو تقولين هالكلام لوحدة ثانية بتقول عنك قليلة أدب وماتستحين بس أنا ما راح أقول .. أبي تكون علاقتي فيك مثل علاقة أي معلمة بطالبتها المجتهدة و حب اخت لأختها .. البنت صارت كل يوم تنادي على قريبتي وهي تقول ما أبي أصدها مرررة وحدة وتحول من حب أعمى لكرة أعمى وتحقد علي .. صارت توجهها وتنصحها بس طبعا كل شي بحدود .. إلا هنا تمام..

اليوم صارت الطامة الكبرى حسيت إني عايشة في أقذر مجتمع وأنا ما أدري...

المراقبة نادت على صديقتي وقالت لها طالع عليك كلام ××××
وبعد في طالبات لأنها مطلقة يفكرون الوضع عادي عندها على كلامها!!
قريبتي ياقلبي عليها مصدوووومة خاصة إنها هي متربية زيييييين الحمد لله حتى الأغاني ماتسمعها ومن عايلة ملتزمة ومحافظة وقالت للمراقبة حرام عليك اللي تقولينه هذي سمعة وردت عليها بكلام واااااااااجد
وسألتها المراقبة عني قالت لها فلانة (اللي هي أنا) زيك؟؟!!
قالت لها زيي شلون؟؟
××××
وتقول إنتم الثنتين خصوصا عرضة لهالكلام لأنكم أصغر الموجودين؟؟!!

وخير إذا كنا أصغر المعلمات معناتها ما عندنا أخلاق!!!!
والله دنيا غريبة عجيبة أول مرة أدخل مجتمع مثل هذا!!!

وقالت كلام كثيييير أستحى أقوله


المشكلة تقولها ليه تبتسمين للبنات ابتسامتك وش معناتها؟؟ وش تبغين من وراها؟؟

قريبتي قررت إنها ماتكمل بهالمكان خصوصا إن زواجها على الترم الثاني !!


أنا بعد محتارة أكمل ولا لا خاصة إني لسه ماوقعت عقد.. العمل متعب وفيه ضغط بس قلت يهون لأني أحب الشغل.. بس يوم وصلت لهالمواضيع قلت أطلع أحسن خصوصا بعد طلعة صديقتي وش بيصبرني على الشغل؟؟!


أنا تعاملي مع البنات رااااقي مرة ولله الحمد حتى كثير من البنات يجوني يقولون لي حبينا المادة منك خاصة إن مادتي صعبة شوي.. ما أحب أعطي محاضرتي بجمود لازم يكون فيها أريحية شوي ومرح لأن هذا طبعي أصلا الجمود يذبحني !! بس إذا حتى الابتسامة يفسرونا غلط أطلع أحسن لي..

قريبتي تقول سبق وجاتها طالبة من فترة أم كبيرة وعندها عيال قالت لها :استاذة انتبهي على نفسك ترى البنات هنا مثل ألأولاد بس احنا ماأخذنا كلامها على محمل الجد!! بس شكله طلع صحيح


أنا والله إني مسيكينة غافلة عن هالسوالف ولا أدري أخاف يتبلون علي بكلام بعد!!


مرة طالبة نادتني في قاعة فاضية ولما دخلت لقيت صديقتها فيها وسكرت البنت الباب علشان توريني رسومات هم راسمينها.. ثواني إلا موظفة تفتح علينا الباب بسرعة.. أنا مافهمت الحركة إلا اليوم بعد ماسمعت كلام المراقبة دريت إن ظنهم سيئ وتفكيرهم وسخ


البنات مرات يجوني يستشيروني في مواضيعهم لاني قريبة منهم وهم مررررة محترمين طالباتي بس مدري عنهم هذا الظاهر لي.. المجتمع صار يخوف

المهم شوروا علي تكفون أستمر لأن الشغل نفسه حلو بس متعب ولا أطلع دامنا في البداية


أستنى ردودكم يابنات والله إني دايم أحل المشاكل لغيري بس اليوم مش عارفة وش أسوي

61 تعليق 4,164 مشاهدة

شاركي في النقاش

سجلي الدخول لإضافة تعليق.

التعليقات

55
  1. اتركي الوضيفه هذي وربي يعوضك خيرا منها (من ترك شئ لله عوضه الله خيرا منه)
  2. @hsby_allh_alaathym

    استخيري قبل لا تسوين اي شي وحاولي ماتحطين نفسج في مواقف توصل الكلام هذا او تصوره عليج وتثبته انتبهي ولا تطلعين الا اذا لقيتي وظيفه ثانيه انتبهي ترا صعبه الوظايف هالايام واقل شي تاخذين خبره شوفيني انا لي وين وصلت للطق والسب ووصلت للمحكمه وهذي انا صابره وانطر حقي من الله وبعدين من المحكمه والقانونيه بالدوام ولا هز فيني شعره اشاعاتهم عني وقلبة المسئوله وتصديقها لهم لانه لي رب فوق بينصرني بيوم وبيبين الحق والله اكبر عليهم يرد كيدهم عني
  3. @mshroaa_fylsof

    rosse
    اتركي الوضيفه هذي وربي يعوضك خيرا منها (من ترك شئ لله عوضه الله خيرا منه)
    الوظيفة اللي بتخسرين من وراها سمعتك اتركيها غير مأسوف عليها

    طبعا استخيري وقدمي الاستقالة وقلبك جامد

    ودائما رددي (( ربي لاتجعل بيني وبين رزقي احداً من خلقك واغنني بفضلك عمن اغنيته عني ))

    الله يوفقك
  4. @olydh

    يؤيؤ الله يعينك والله صدق شي غريب

    سمعنا وسلمنا يارب

    وهذولي وش ها المعهد المهزله

    والله زي ماقالو لك البنات

    من ترك شي لله عوضه الله خيرااااااااا

    اتركيه لله مدامهم كذا وهذا توك اجل الله يعينك على الباقي

    كل يرى الناس بعين طبعه
  5. @oshm_alaakarb

    اتركيهم وش مصبرك؟

    مدام البنات فاشلات والادارة وقحه وغير كذا الشغل متعب

    اهم شي فالعمل الراحه اذا منتي مرتاحه صدقيني بتتعب نفسيتك وبيوصل التعب لشكلك حتى

    اذاشهادتك حلوة قدمي على غيرهم والله بيرزقك ان شاء الله

    والله يوفقك ويوفق قريبتك هي الي فعلا تنرحم ياقلبي عليها :(

تابعي تجارب أخرى من هذا القسم.