ايش الاشياء الغريبة او الغير معتاد شراءها من السوبر ماركت جربتيها وطلعت حلوة افيدونا.

السلام عليكم ورحمة الله وبركاته


كيفكم بنات وايش اخباركم ..


حبيت نتشارك ونفيد بعض بالاشياء الغريبة او الغير معتاد شراءها في السوبر ماركت الاشياء اللي جربتوها وطلعت كويسة وبرضه الاشياء اللي ماطلعت كويسة عشان نتجنبها ...


انا بالنسبة ليه ما احب اغامر كثير بس قبل فترة اشتريت جبنه تشدر من قسم اللحوم اللي فيه المارتيدلا والديك الرومي هو قطعها ليه بالقطاعة حقت اللحم وحطها ليه في الصحن بصراحة طعمها خراااااااااااافي طبعا هي شكلها مستطيل ومغلفة بنايلون ومكتوب عليها بالانجليزي تشدر لونها برتقالي غامق وماتوقعت انه طعمها حلو كذا يعني احنا متعودين علي الاجبان المعتادة ..واول مرة نغير ..


اما بالنسبه للا شياء المجمدة الحمد لله علي النعمة لا طعم ولا ريحه ..

انا نفسي في الصوصات ومتبلات السلطه بصراحه ماقد اشتريت منها اخاف ارميها ..

افيدونا بتجاربكم ...وجزاكم الله خير..

494 تعليق 321,814 مشاهدة

شاركي في النقاش

سجلي الدخول لإضافة تعليق.

التعليقات

478
  1. @tok_alyasmyn_2

    موضوع حلو كنت افكر فيه قبل كم يوم ...انا زيك مااشتري شي مااعرفه ودي البنات يفيدونا
    بس اشتري المرتديلا الاجبان الطازجه_الزيتون المحشي_
    وياليت تقولون عن افضل الشيبسات غير ليز وبرنقلز؟
  2. @fgratl

    موضوعك صراحة حلو الله يسعدك
    ابى اسالك عن الجبنة مالها اسم شركة وكيف طعمها زي برايد ولا زي الا في بتزاهت ؟
  3. @fgratl

    نسيت اقول أنا جربت 3 من متبلات السلطة تبع كنور بالفلفل الرومي وبالتوم وثاوزندايلاند كلها حلوة والا عجبنب منها الفلفل الرومي بالخل
  4. @mnay_21

    صاحبة الموضوع
    %طوق الياسمين%
    موضوع حلو كنت افكر فيه قبل كم يوم ...انا زيك مااشتري شي مااعرفه ودي البنات يفيدونا بس اشتري المرتديلا الاجبان الطازجه_الزيتون المحشي_ وياليت تقولون عن افضل الشيبسات غير ليز وبرنقلز؟
    فيه شيبس دوريتوس بجبنة الناتشو حلو بالذات مع الصوصات اللي كاتبينها البنات في القسم

    وفيه شيبس مرررررررررة حلو اسمه بالانجليزي سن وتحته مكتوب تشيز كراكرز هو علي شكل حلقات برتقالي طبعا هذا الاصلي طعمه تدمنينه..


    مشكورة ياقمر

تابعي تجارب أخرى من هذا القسم.