مشكلتي معقدة .. تعالوا شوفولي حل !!

السلام عليكم ورحمة الله وبركاته ...

يابنات اليوم انا محتاجة مشورتكم ومحتاجة حل حق مشكلتي اللي بقولكم عنها ...
وارجوكم لاتبخلون علي بالرد او على الاقل الدعاء ..

السالفة ان انا متقدم لي شخص معاي فالشغل .. وطبعا اللي نقلي رغبته فأنه يزورنا البيت ويخطبني رسمي هي صديقتي فالشغل لانه يصير صديق زوجها ...

هالانسان وايد محترم ووايد اخلاقه راقية وتصرفاته موزونة .. وطبعا هالكلام من خلال معرفتي فيه فالشغل ومن خلال اللي اسمعه عنه ...

المشكلة وين ..
المشكلة انه علاقته مع هله وايد رسمية لوجود مشاكل بينه وبين والده ووالدته واخوانه .. يعني هو مو مقاطعهم بس مايبي يدخلهم فسالفة الزواج ولا فاي سالفة تخصه .. ويقول انه هو قادر يفتح بيت لي بروحي ومو معتمد الا على نفسه ... طبعا هالكلام كله نقلا عن صديقتي ..

الحين انا ابيه واستخرت وقلبي مرتاح له ... بس اللي انا اعرفه ان هلي وايد صعب يوافقون على شخص يجي يخطب من غير هله .. على فكرة هو قال انه بيكلم هله ويقولهم انه بيتزوج لانه مايبي يسوي شي من وراهم .. بس باقي التفاصيل مايبيهم يتدخلون فيها ...

انا مب عارفة شسوي قلت حق امي السالفة قالت اذا يبي خله يجي يكلم ابوج ويتعرف عليه بس بعدين لازم يجيب هله او ابوه على الاقل ...

تكفووووووووون والله محتاجتكم .. وبدعيلها من كل قلبي والله اللي تساعدني فحل لهالمشكلة ....

لاتتأخرون علي بالردود ....

36 تعليق 3,261 مشاهدة

شاركي في النقاش

سجلي الدخول لإضافة تعليق.

التعليقات

34
  1. @mshroaa_fylsof

    شوفي ياقلبي

    انتِ لاااا تنقلين لزميلتك موافقتك ابدا

    بس خليهم يقولون للرجال يجي يخطب رسمي عندكم

    وبعدها هو وابوك يتفاهمون

    واذا تبين كلمة حق

    ترى لاااااااااااااااااازم اهله يكونون في الصورة سواء هم على خلاف او على وفاق الاصول اصول .

    ونصيحة من اعماق قلبي

    لاتعارضين اهلك وتصرين على الشاب رغم رفضهم

    الله يوفقك ويكتب لك الخير ويسهل امرك
  2. @alf_lyl_1

    انا اشوف انه يتقدم لوالدك كاتمهيد للموضوع وطبعا ممكن ان الوالد اذا شاف الولد وارتاح معاه يطلب منه ضرورة حضور الاهل ويقوله انا ابغى اتعرف عليهم لانك انت انسان محترم ونفسي اتعرف باهلك الطيبين ولو الولد عارض الوالد يقوله الاب انت لو عندك اخت ما ترضى لها يجي عريس بدون اهل ويفهمه كمان خلافك مع اهلك ليس له علاقه بينا هذا شي يخصك اما وجودهم وتقدمهم لابنتي هذا من حقنا
    وانو اي بيت بيروح ويخطب عندهم لاززززززززم بيطلبون منك ان الاهل يكونون موجودون
    وطبعا هذا كله يكون باسلوب حلو من الوالد
  3. @am_amthal_obdr

    مشروع فيلسوفة
    شوفي ياقلبي انتِ لاااا تنقلين لزميلتك موافقتك ابدا بس خليهم يقولون للرجال يجي يخطب رسمي عندكم وبعدها هو وابوك يتفاهمون واذا تبين كلمة حق ترى لاااااااااااااااااازم اهله يكونون في الصورة سواء هم على خلاف او على وفاق الاصول اصو…
    رأي سليم
  4. خليه يتقدم وشوفي ايش راح يصير ساعتها ..

    يمكن ابوك يرتاح له ويوافق :)

    وبالتووووووووووفيق

تابعي تجارب أخرى من هذا القسم.