كنت أسميها صديقتي !!!!!!!

18 نوفمبر 2007

بسم الله الرحمن الرحيم

وش اخباركم يابنات ؟؟

المهم انا جايتكم بسالفه صارت لي وودي اخذ رايكم اللي سويته صح والا خطا ؟؟؟

انا اداريه .. في المدرسه انا بغرفه لحالي لاني ماسكه الكمبيوتر

بداية السنه جت معلمة حاسب جديدة ((من معهد خاص))

كان المفروض انها تكون في غرفه لحالها فوق

بس انا اقترحت عليها تجي معي في الغرفه لانها جديده وبعد

لان الدور اللي فوق مافيه احد بتكون لحالها رحت وكلمت المديره عشانها

ووافقت مع انها تفضل انها تكون مع المعلمات بس مدام انا ابيها معي خلاص

المهم البنت طيبه ونشات بيننا علاقه حلوه مع اني انا اصغر منها

بس انا متزوجه ومعي طفلين بينما هي مابعد تزوجت ..

لاحظت فيها انها ملقوفه ومتسرعه بس ماهمني هالشي

صارت تصارحني بمشاكلهابقوة وانا كنت اسولف لها بس ماكنت اخش في العميق اسولف في اشياء سطحيه ..

عرفتها عالمدرسه وجرأتها عالمدرسات وخليتها تختلط معهم والوضع يصيرعندها عادي

لانها كانت تستحي مرررره:42:,

حبتني مررره حتى خواتها حبوني من كثر سوالفها عني وكل يوم تقول لي خواتي ودهم يشوفونك.

بعد فتره لاحظت انها ماعاد تقعد في الغرفه وتقعد مع وحده من الاداريات

وقدامنا تقول لها ((باستهبال )) احبك بس كنت اتوقع انه هبال

زاد الامر عن حده شوي جيت قلت لها وراك ماعاد تقعدين في الغرفه انا سألت والاماسألت

قالت وش اسوي هي أبلشتني تكلمني كل يوم وتقول لي مشاكلها وتقول لي لاتعلمينها((اللي هوتقصدني انا))

ليش لانها تحس اني اكرهها وان نظراتي لها حقد وانها كلما شافتنا مع بعض

تخاف ان تقولي عن مشاكلها.

المهم قلت بسلامتكم بس هي لاتدخل بيننا ولا زم تضعين حد لتدخلها بيينا لا تزيد

صارت تدخل الغرفه واذاشافتنا نسولف قالت ((يوووه اسفه))

تبينا نلحقها نناديها ..

في يوم صار بيني وبين الاداريه خلاف بسيط عالكمبيوتر

مادريت الا راحت للمديره تشتكي وتقول اني اكرهها وحاطتها بين عيوني واني اكرها عشان

علاقتها ببنت الكمبيوتر وانها مستعدة تقطع علاقتها بالبنت عشاني لانها كبيره على هالحركات ومومستوى ثانوي !!!!!

نادتني المديره سالتني قلت لها ماصاربيننا اي شي وهي اللي تبي تخلق مشكله من لاشي

قالت المديره انا شك ان بنت الكمبيوتر تحب الاداريه رحت ادافع عن بنت الكمبيوتر واقول هي طبعها كذا

تجامل الناس

قالت المديره انا شفت باقة ورد من البنت للاداريه قلت ما ادري عن شي وسكت

بعد ماطلعت من عند المديره رحت لبنت الكمبيوت وقلت لها السالفه

راحت من وراي وقالت للاداريه هل صحيح انك بتقطعين علاقتك معي ..

شوي مادرينا الا المديره داخله المكتب بتهاوش البنت بس بطريقه محترمه

وانكشفت قدامي انها ناقله الكلام للاداريه

طبعا" تورطت بس وش سوت (((ناطح الهواش بالهواش تسلم ))

اول ماطلعت المديره جيت باتكلم على طول قامت تهاوش وطلعت بسرعه من بكره ماتكلمني وتكلم الاداريه

انا اللي لميتها وشلتها بعيوني والناس يقولون هاذي شكلها كريهه وانا ادافع عنها تسوي فيني كذا

طبعا اللي مهون الموضوع ان المديره واقفه بصفي وعارفه السخافه اللي بينهم ....

انا طولت عليكم بس بامانه وش رايكم وتصرفي صح والاغلط؟؟؟؟

كنت أسميها صديقتي !!!!!!!

التعليقات

ثم يغير الله كل شي كنتِ تضنينه إنتهى 🦋

أكثر شي كنت أظن اني فاهمته بالحياه وطلع عكسه ..

لو كنتِ HR أو مسؤولة توظيف⚪️✅

لو كنت موسوعه بفهم الناس 💡

أشياء كنت أحلم أسويها!؟