تبين تولدين في مستشفى لكن " الموظفات متبرجاااات" هل تكملين فيه والا .....دعوه للنقاش

بصراحه استغربت من موقفك... واقول اش دخلك بالموظفات...بس لما دخلت وقريت كلامك عرفت ان الموضوع يخص نفسيتك انت ..انت مو مرتاحه لهم..شلون تسلمينهم روحك ووقت الولاده... وانا استغرب ان هذا عندكم بالسعودية ..ومثل ما قالت وحده من الاخوات بلغي الهيئة ويوم ثاني روحي المستشفى وقولي لنا شنو صار....

اذا انت بمكان واحد وضايقوك..عيل احنا شنو نقول ...في كل مكان اذا ما بان الصدر وغيره ما ترتاح.....

بس عن تجربتي في الولادة انا استفاديت من هذه الشغله تدرين ليش؟؟؟
دخلوني غرفة الولاده وانا بكرية وبس ابكي..جاتني الممرضة وهي ملتزمة تقولي حبيبتي لا تصارخين ترى الدكتورة اللي هنا عصبية وما تحب المريضة تصارخ وهي زفت ويانا ووياكم...
ولاني بريئة وقتها ومدري بالدنيا خفت منها... كانت تلبس تنورة قصيرة وعليه البالطو...
وصج من سمعتني اصارخ جات هاوشتني هئ هئ هئ تصوري كنت اخذ راحتي بالصياح ومن اشوف الباب مفتوح اطالع تحت الستارة اذا شفت رجول مو مغطية اسكت وابلع صياحي لاني اعرف ان هي وقتها تجيني وتكشف علي من غير ما تهاوش ..يعني عصاقيل رجولها المكشوفه خففت علي هواشها خخخخ...


ربي يسهل لك ويرزقك ولا تنسينا من دعائك ربي يعوضني عن حملين فقدتهم يارب

بصراحة كلامكم كنكم تتكلمون عن بنات ماينطقون حتى الشهاده اعوذ بالله

ياختي عسى بس اذا دخلتي عليهم حتى السلام ماتسلمين ليش انهم ماهم محتشمين !!!!

تراهم مسلمات ادعي لهم بالهداية اذا سوت لك خدمة ادعيلها انا ربي يهديها ويصلحها اما مسئلة منيب معطية هالمستشفى فلوس عشان رواتبهم !!
بلاه عليكم هذا كلام منطقي عقلاني!!!

وبعدين الي تقول حتى الفلبينية ليش ماتغطي شعرها تصدقين ذكرتيني بعض رجال الهيئة اذا شافو اجانب واقفين في الشارع اثناء الصلاة ركبوهم بالجمس ودخلوهم بالمسجد غصب كافر ماينطق الشهادة وتبيه يصلي!! لا وعقب هالمعاملة تبيه بعد يسلم ؟

((الدين معاملة ))


استغرب بعض بعض كلام بنات حواء احس انهم يزكون اعمارهم زيادة عن الزوم استغفر الله العظيم واتوب اليك ؟

تعقيب على اختنا كانت معي
حبيتي لا تحسبين احنا مانغار ولا ازواجنا يغارون

لكن هل يعقل وحده ماتمانع انا ممرضة فلبنية او كندية غير مسلمة تمضرها واذا جتها وحده مسلمة متبرجة رفضت تمريضها وترفض المستشفى حتى فلوسها خايفة انها تروح لرواتبهم !!

الله ماشفناه لكن بالعقل عرفناه
شفتي ليش اعداءنا متفوقين علينا لانهم متكاتفين لكن احنا اذا الواحد فينا وقع بمنكر حاربناه وجردناه من انسانيتة واخلاقياته بمجرد انه وقع بمنكر وننعزل عنه حتى فلوسنا نتحسف عليه !!
لكن نجي نقترب منه ننصحة بطريقة محببة ندعيله لا ااااااا
إلا ندعي عليهم ونتشمت عليهم ونعايرهم بأقبح الصفات والي يدافع عنهم يعني راضي على منكرهم !!احنا مارضينا على كثير من المنكرات بس بعد مانرضى احنا ننعزل عنهم ونحاربهم وهم خواتنا في الدين ولا نزكي انفسنا عن الذنوب الله يغفر لنا ويتجاوز عنا

الرسول صلى الله عليه وسلم رفض يدعي على اليهود والنصارى الي عذبوه بل دعالهم بالهدايه

ادعيلهم بالهداية والصلاح إذا انتي ماعندك جرأه انك تنصحينهم :)