بسم الله الرحمن الرحيم
حبيت أطرح هالقضية...ماادري اسميها قضية ولا ظاهره ولاهي شئ متعارف عليه بس انا اللي مستغربته لحالي..!!!
الحين كل بنت منا لما تكون بمول ولا بسوبر ماركت ولا بعياده بأي مكان ممكن يصادفها شاب يغازل ويتحرش..طبعاً هالسلوك مو مقبول عند الكل بس تعودنا عليه وبنفس الوقت شئ مفروض علينا
واذا فكرنا يمكن نلقى لهشاب أعذار ولكنها أكيد ماتعذره على هالفعل بس على اي حال نلقى دوافع لهالسلوك...الفراغ...الطيش...حب استكشاف الجنس الآخر اي كانت الأسباب ....
علأقل في احتمالات لهالشئ عند الشباب
بس كله كوم والرجال اللي بمنتصف العمر او بخريف العمر مثل مايقولون بكوم
انا متأكده ان مرت عليكم مواقف كثيره....ان رجل بهالعمر يتحرش ويحاول يكلمك ويضايقك
انا اذا انحطيت بهالموقف اكون بقمة الذهول وبنفس الوقت انحرج منه على اعتبار انه بعمر ابوي واي ردة فعل مني بتكون عيب ولو انه هو اللي بدى العيب وحط نفسه بهالموقف
يعني رجل بهالعمر شنو اللي يجبره يحط نفسه عرضه لأي كلمه او تجريح من قبل البنت اللي يحاول يتحرش فيها.....مافكر بسنين عمره اللي المفروض زادته حكمه ووقار
مافكر شلون نظرة عياله له ولافكر بسمعته...ولا الناس لاشافته يفرفر بالمولات والكوفي شوبات!!!
قولي لنا اذا انحطيتي بهالموقف شنو تكون ردة فعلك.....؟
شاركي في النقاش
سجلي الدخول لإضافة تعليق.
التعليقات
64- سبحان الله
- والله ياختي اردد بنفسي الله يديم علينا نعمة العقل
شايب وعايب مثل ما يقولون - حبيبتي..فتحت موضوع قااهرني وملاحظته بكثره..:angry:
تخيلي مره كنت بمستوصف انا وامي وطلعنا نمشي ندور سيااره الاتجي سيارة وانيت فيها رجااال كبيرر اكبر من ابوووي..يعني بحدود50..يعاكس جتني صدمه:09:صاحي هو والامجنون..قد بنته ويعااكس..ماعطيته وجه..طنشته..من الصدمه..وكملنا مشي انا وامي الا ويجي جنبناا ويرمي ورقه:09::09:انا بغيت انجن..عااد اعطيته كم كلمه يمكن يحس فيها على دمه..
عندي اشوفها من شباب ولامن شياااااااااب..مصيبه وربي..
الله يستر علينا وعلى بنات المسلمين اجمعين...
اااسفه طووولت عليك بس اثرتي االلي بداخلي.. - الله يهديه
هذي المراهقه المتأخره الي يقولون عنها
مشكككككورة عالموضوع - صحيح كلام اختي شمش...........هذي المراهقه المتأخره الي يقولون عنها
مواضيع مشابهة
تابعي تجارب أخرى من هذا القسم.