الله يجزاكم خير ساعدوني

السلام عليكم

مساء الخير اخواتي جمعااا كيفكم اتمنى تكون صدوركم متسعه لي نفسي اتكلم واحكي وافضفض بالي احس فيه وللاسف مافيه احد حولي يفهمني قلت انتم يمكن تقدرون تساعدوني باارئكم وبحلول لكم المهم ببدا بقصتي مشكلتي مع زوجي انه مو حنون ولا رومنسي وغامض في احيانا كثيره معاي بعكس اخوانه مع زوجاتهم المهم لي متزوجه 8 سنين بالخمس السنين الاولى وانا كنت بمشاكل مع امه واخواته ومعاه هو واطارده مع قصص الحب التافه بالنت وبعدها انحلت مشاكلي مع اهله وبالنسبه له هو قل دخوله للنت ومابديت الاحظ عليه شي يذكر ونسيت اقول لكم ان زوجي عنده مشاكل ومايقدر يجيب عيال بس ربي رزقنا بنت عن طريق اطفال الانابيب المهم مااحد يدري ان زوجي عنده مشكله لا من اهلي ولا من اهله بس بهالفتره وخصوصا بالاجازه الصيفيه الي راحت رحت لااهله (اهله ساكنين بمدينه غير الرياض) المهم رحت لهم وماسكنت هالمره معاهم سكنا ببيت اخوه الكبير كان مسافر وعطانا مفتاح بيته المهم اخو زوجي الي اصغر منه جاء من جده وسكن عند اهله ببيتهم فطبعا كنا كل يوم والثاني نروح زياره لاااهله بيتهم المشكله زوجه اخوه ماتهتم بحجابه قدام اخوانه وعادي شافوها او ماشافوها ماتفرق يعني ماتلبس طرحه بالبيت وتمشي بشعرها ووجها وعارفه ان فيه شباب المشكله انا وزوجي دايما نروح لااهله ودايما يشوفها وانتوا تعرفون الشيطان شاطر ممكن يحليها بنظره علما اني احلى منها 0000

المهم الويك اند الي راح كان زواج اخر اخوان زوجي وزواجه بديره اهله ولازم نحضر فقلت لزوجي بحضر معاك بعدين تذكرت اني بسمع كلام يغث من هالحريم علشان العيال قلت لاخلاص بجلس المهم بعدها تذكرت زوجه اخوه وحركاته فقلت اسافر معاه احسن لي وقلت له لا خلاص بسافر معاك تخيلوا مارضى وسافر لوحده وجلس بالبيت يوم الاربعاء معاها بالبيت لوحدهم امه بالمستشفى واخوه زوجها طالع مع اصدقائه وابوه نايم اعوذ بالله انا مو مرتاحه اخاف طلعت ونزلت عنده واخاف بعد العرس وهي بكامل زينتها انه شافها بموووت من القهر ولا ادري شافها او لا وادق عليه وهو مسافر مايرد يايكون نايم ياايكون يتغدى او مشغوول خلاااص انا عصبت وزعلت ورجع يوم الجمعه من السفر وانا مااكلمه والى اليوم وانا مااكلمه ولاارد عليه 0000

مايبيني اعلم اهلي ان المشكله عنده ولا يبي يكون صريح معاي ويحكي لي وش صار معاه وشي الي مستغربته اذا جيت اسولف عن زوجه اخوه وانها الله يهديها المفروض تهتم وتلبس طرحها يتضايق يقول لي لاتتكلمين عنها

ساعدوني محتاره بنفسي وبحياتي معاه

4 تعليق 607 مشاهدة

شاركي في النقاش

سجلي الدخول لإضافة تعليق.

التعليقات

3
  1. @aroaa

    اختي انتي ليش الشك عندك حول هذا الموضوع ؟
    صحيح ان الخلوة تزيد عمل الشيطان
    ولكن يحرم قذف المحصنات
    ولابد من التثبت والتأكد قبل نطق الاحكام وخصوصا في مسائل العرض

    فيما يختص بزوجة الأخ فمن الواجب أن تتقربين منها
    وتنصحينها وتبينين لها أن ماتفعله حرام
    اهدي لها بعض الكتيبات والأشرطة وا ناشيد الحجاب
    والمهم أن يكون نصحك بالتي هي أحسن والصبر على ذلك
  2. @alhlm_almzaag

    اختي تعوذي من الشيطان 0 ولاتكثري من الشكوك 0 واللي فات مات 0

    اهم شي لاتجيبين طاريها ابدا 0 لان كذا تخلينه ينتبه لها 0

    وخصوصا انك احلى منها 0 خليك واثقه بنفسك 0

    وين مايروح 0 انتي معاه 0 وماعليك من كلام الحريم 0

    المهم اشبعيه 0 واستودعيه الواحد الاحد 0 ولا تنسي الدعاء في جوف الليل 0

    واذا على الغموض 0 الله المستعان من الرجاجيل 0

    انا اذا قلت له وين بتروح 0 قال ليه شتبين 0

    واذا هو معزوم 0 قلت من عازمك 0 قال شله تسألين 0

    كاتبه له في الجوال ( يقولون دنيا حظوظ 000000000000000

    وانا اقول دنيا غموض ) 0

    الله يفرج همومنا 0

تابعي تجارب أخرى من هذا القسم.