أول شي الله يوفقك ياقمر ببحثك بجاوب على إلي أقدر عليه وإلي مااقدر عليه أعذريني
ـ لا.
ـ الشهادة. ( عشان أخذ البكالوريس ومحدش يصير أحسن من حد ) :icon28:
ـ لا. ( لا وبقوه كرفت وتعبت وسهرت وجبت نسبه ماأحد يتخيلها وماانقبل الا بقسم للأسف أسوا من السيء مجموع الثانوي ودراسته وتعبه غالباً مايكون سبب لدخول الجامعه )
قرادة حظ والله :32:
أنا شخصيا ً لا والله ماتعرضت لكذا بقسمي الظلم شين لكن سمعنا قصص وبلاوي تصير بالأقسام الأخرى
مثلاً قصه صارت لوحده من صديقات أختي حملت ماده 3 مرات والمره الأخير كانت تقول حاله متأكده من حلي ياناس متأكده أني ناجحه
راحت لدكتورة الماده تعترض وتطلب تراجع ورقتها قالت أدفعي خمس الأف واخليك تراجعينها !
قصه ثانيه تقولها مدرسة وحده من خواتي يوم كانوا يدرسون بجامعة الملك سعود تحديداًَ صار لهم موقف مع دكتورة أحد المواد
وحقدت عليهم لسبب تافهه مايفكر فيه بزر فمابالك بدكتوره ورسبتهم فعلاً البنات اشتكوا ووصلوا الأمر لعميدة الجامعه ولقسم الرجال
ويوم راجعوا اوراقهم لقوهم يستحقون النجاح بنسبة 100 % ووصل الدكتوره خبر وعدا الموضوع وعدو الماده
لكن درسوا عندها الترم الي بعده ماده ثانيه وهي للحين الحقد بقلبها قامت وش تسوي بأمتحاناتهم وأوراقهم ؟
تجيب قلم وتشخط على حلهم وتحط اجوبه غير صحيحه وتطمس الصح منها وتحط اجوبه غلط وبكذا خذت بثارها ورسبتهم ! قمة التخلف ماتستحق لقب دكتوره والله
قصه ثالثه دكتوره من جنسيه عربيه تجبر البنات انهم يجيبون ويسوون لها ويشترون وإلي ماتنفذ طلبها رسوب بدون أي كلام !
وقصه رابعه دكتوره تخلي بنتها الصغيره هي تصحح الأوراق وتختار الطالبات الي ينجحون :icon32:
ومابقى الا البزران وهالقصه صحيحه سامعتها من بنات بقسم مجاور لقسمنا
قصه خامسه صارت لي شخصياً أستاذه تدرسنا وماهيب لم التدريس تجي تتزين وتهذر وتسولف عن نفسها وحياتها وكشختها
وكل كلامها أنتم ناجحين ناجحين أنا ماأحمل أحد ماده طبعاً صدقنا وعطيناها جوها وخلينها تهذر على روسنا وتقلب المحاضره بثاره وسوالف
ونتفاجأ أخر الترم مايقارب 70 % من البنات حملوا الماده وهي بريئه !
حطوا اللوم علينا وحنا وش ذنبا نعارضها ؟ نهاوشها ؟ نغصبها تشرح ؟ نقولها انثبري واشرحي محاضرتك ؟ نشتكي وتحقد ؟
يعني أقول مافي جعبتي خخخخخخ بتتحملين هذرتي تراني راعيه طويله
معقولة كل هالظلم في الجامعات .. قصص لا تصدق..يامظاليم الدخاترة يا مظاليم الكليآ آ آت
متابعة النقاش، صفحة 2