... بنات الشرقية من جربت الولادة بمستشفى القاعدة الجوية بالظهران ؟ .. تدخل فوراً ..

حبايبي بنات الشرقية

من جربت الولادة بمستشفى القاعدة الجوية بالظهران ؟

أوتعرف وحده من قرايبها ولدت عندهم تفيدنا


* هل لازم تكونين متابعة معاهم حتى تولدي عندهم ؟

* كيف الولادة عندهم ؟ وهل تعاملهم جيد عند الولادة ؟

* مين اللي يولدك دكتور ولا دكتوره ؟ ومن أفضل دكتور/ ه عندهم؟

* هل يصبرون عليك لو طولت وماولدتي ؟ وبعدين وشلون القابلات عندهم ؟

* يحطونك بغرفة لوحدك ولا مع غيرك عند الولادة وبعدها ؟

* كيف النظافة ؟ والحضانة ؟ والعناية بالأم والمولود ؟



مشكورة من قلبي من تساعدني وتفيدني بالجواب :26:

11 تعليق 10,574 مشاهدة

شاركي في النقاش

سجلي الدخول لإضافة تعليق.

التعليقات

11
  1. @fton_alshrkyh_1

    السلام عليكم ورحمة الله وبركااته

    الله يسهل عليك

    اللي اسمعه ان اهتمامهم حلو, ورعايتهم تمام خاصةً اذا بكريه
    ويهتمووون بالطفل ويعلمونك كيف تنظفينه وترضعينه
    دكتور اودكتوره هذا الظاهر على حسب الموجودمنهم
    ونظاااافتهم حلوووووووووووووووووووه
    والغرفه على حسب المتوفر عندهم فيه سريرين وفيه 4اسره

    هذا اللي قدرت افيدك فيه من جااارتي

    الله يقومك بالسلامه
  2. @am_fars_2

    اهللين 0000000


    اختي الله يهون علي وعليك

    انا ولدت فيه ثلاث مرات وكلها ولله الحمد كانت طبيعي وعنايتهم ممتازة

    فيك وبالبيبي وموب شرط تراجعين عندهم فترة الحمل عادي راجعي برا

    وتعالي لهم ووقت الولاده وان شاء الله يولدونك بس الافضل تراجعين عندهم

    علشان يكون عندهم خلفيه عن حالتك

    وبالنسبه للولاده اول ما تجينهم على الطوارئ يرقونك فوق قسم الولاده ويحطونك


    بغرفة الانتظار وغالبا يكون فيها سريرين بس بينهم ستاره وتجيك قابله وتفحصك


    وتجلس معك ما تخليك ابد مهما صار واذا قربت الولاده توديك غرفة الولاده وتكون


    خاصة لك وحدك ما احد معك واذا لا قدر الله تعسرت حالتك ينادون الدكتوره


    بس اذا الحاله طبيعيه القابله تقوم بالواجب وما تقصر ومعاها كم ممرضه يساعدونها

    وبعد الولاده يودونك غرفة الانتظار مره ثانيه ليين يتطمنون على حالتك


    ويدخلونك الحمام يروشونك ويغيرون ملابسك


    وبعدين يودونك لغرفتك وكل الغرف مشتركه بسريرين او اربعه اسره

    ونصيحه مني خلي زوجك يشرط عليهم الغرفه ام سريرين لأن اربع اسره مره حوسه

    تخيلي اربع حريم معك بالغرفه والحمام مشترك صعبه مره بس اذا غرفه ام سريرين

    ان شاء الله تكون افضل واريح مع انهم مره نظيفين كل شوي يدخلون الحمام ينظفونه

    واذا زوجك من كبار الظباط يعني عقيد وفوق يعطونك غرفه خاصه لك في حال توفرها

    واذا كان زحمه على غرف التنويم ينزلونك تحت في قسم جراحة النساء

    وطبعا الحظانه فوق ولازم ترقين كل كم ساعه ترضعينن البيبي تجي النيرس

    وتاخذك بعربيه لفوق وترضعين وتنزلك بصراحه تعب مع اني ما جربت


    بس اختي صار لها كذا من شهرين 000000 بس عموما المستشفى روووعه

    وعنايتهم ممتازه وافضل دكتوره عندهم منى المصريه على ما اسمع والدكاتره

    كلهم ممتازين وخبره ماشاء الله عليهم


    وانا اخر ولاده كانت من عشر سنوات والحمد لله ما عمري شفت عليهم شين


    واللحين انا حامل بالشهر الثامن واراجع عند الدكتور اسامه ومره مرتاحه معه

    وناويه اولد عندهم ان شاء الله

    الله يهون علينا ويرزقنا هون الطلق وحسن الخلق
  3. @amyrh_baazty_2007

    صاحبة الموضوع
    فتون الشرقيه
    السلام عليكم ورحمة الله وبركااته الله يسهل عليك اللي اسمعه ان اهتمامهم حلو, ورعايتهم تمام خاصةً اذا بكريه ويهتمووون بالطفل ويعلمونك كيف تنظفينه وترضعينه دكتور اودكتوره هذا الظاهر على حسب الموجودمنهم ونظاااافتهم حلوووووووووووووووووووه …


    مشكورة فتون وماقصرتي :26:

تابعي تجارب أخرى من هذا القسم.