الزوج والراتب الشهري

هلا اختي بجاوب على الاسئله اللي طرحتيها

الحريم الي يشتغلون اشلون يصرفون رواتبهم ؟؟
اصرفها على نفسي .. يعني مشترياتي الخاصه من لبس ومكياج وعطور .. من هدايا لاهلي ولصديقاتي .. ولاهل ريلي في المناسبات .. اصرفها على عيالي من لبس وكماليات .. يعني راتبي يخصني واصرفه مثل مااحب ..وانا متفقه على زوجي من اول مااشتغلت اني بشيل نفسي ولبس عيالي وهو عليه مصاريف البيت من ايجار وجمعيه وفواتير وراتب الخدامه .. لانه هو الريال وهو المسؤول عنا وانا اساعده من خلال اني ريحته من مصاريفي الكثيره

هل يساعدون رياييلهم في مصاريف البيت او لا؟؟
ايه اساعده من غير ماابين له .. يعني احيان اروح الجمعيه مع اخوي وانا ادفع اغراض الجمعيه ومااقول له رجع لي الفلوس .. لا .. خلاص انا دفعتهم برضاي
واحيان يكون عليه التزامات وايد ويوصل اخر الشهر مثلا ماعنده راتب الخدامه .. انا اللي ادفع لها .. يعني هالاشيا ماتصير دايما واهم شي هو يدري اني مااقصر اذا هو محتاج ..

هل تصير بينكم خلافات على الراتب؟
لا الحمدلله مافيه اي خلافات .. لانه هالشي يعتمد على طبيعة الريال .. فيه رياييل يعرفون انه راتب الزوجه لها الحق الكامل فيه.. والزوج ماله شي من راتبها الا برضاها ..

وهل لابو الشباب جزء من الراتب ؟
لا طبعا .. هو يشتغل وله راتب .. وراتب الزوج احسن من راتب الزوجه .. اش يبي بعد في راتبها !!

عزيزتي .. أشكرك على هذا الموضوع المهم
برايي ان الزوج هو المسئول عن مصاريف البيت الضرورية مثل الأكل والملابس والايجار ان وجد لكن ما تبالغين بالطلب ، كل وحده تعرف مقدرة زوجها المالية
بس ممكن ان الزوجة تصرف من راتبها على الأشياء الثانوية مثل المكياج ، والهدايا وأحياناُ الملابس حقها أو حق عيالها
وأحب أضيف أهم شي لا تعودين زوجك على انك انتي المسئولة وإلا ما راح تحصلين منه شي وان عطاك فهو بسيط وبطلب منك بعد مو من نفسه ، لازم يعرف انه مسئول عن الانفاق وإلا ما راح تجمعين .
وهذا رايي وكل وحده لها رايها

انا استقلت من تزوجت:)
وشوله عوار الراس؟؟اصلا كان الراتب ما يسوى طلعتي من البيت..!!
بس تصدقين احيانا اتمنى اني اشتغل!! مو عشان شي بس حلو انك تكونين ضامنه راتب منتظم يجيك كل شهر!!>>>>اهم شي انهاطلعت من الموضوع:)

فيه رجال اختي يحطون عيونهم على راتب الحرمه .. ويخلون معظم المصاريف عليها .. بدون ما يتكلمون!!
يعني اذا طلبت يقول ما معي الحين !! والا اصرفي وانا اذا صار معي عطيتك؟؟!!
والأساليب كثــــــــــــــــــــــــيره..
بس الشطاره اللي تشرط في عقد الزواج انه راتبها يخصها وانه ما له دخل فيه ولا كيف تصرفه!!!

انا مو متوظفة ومتعقدة من الوظيفة

بسبة اختي الكبيرة مدرسة قديمة يعني راتبها حلو بس للأسف زوجها مطفشها دايم عينه على راتبها لدرجة انها تكرف طول الشهر وبالنهاية بتلاقينها ناقصها حاجات وحاجات بسبة زوجها الطماع

وما غير كل اربع سنين يبيها تاخذ له قرض بضمان شغلها وتقعد المسيكينة تسدد لين ينقطع ظهره مع العلم انه موظف وراتبه مو بسيط بس ما غير مضيع راتبه على اهله اللي ما يمر اسبوع الا عندهم غدا او عشا وحتى مصاريف بزرانها عليها والله ان قلبي يتقطع عليها وعلى شخصيتها الضعيفة عند زوجها الإنتهازي واللي ما يستحي

لا وفوق كل هادا يقولها انا رجال البيت خخخخخخخخخخخخ

لحظة وفا مشكورة عالرد والله يوفقج في حياتج ان شاء الله

Sugar@Spiceمشكورة حبيبتي والله يوفج في حياتج ان شاء الله


نهى عمري والله ريحتي عمرج من صدعة الراس عسى ربي يعطيج عقد نيتج يالغالية

حوا غير والله انا هذا الي اخاف منه اذا اشتغلت لكن نقول عساه الي ياي خير والله يسعد اختج ويعينها علىما بلاها ويهدي ريلها ان شاء الله