هدية لبنات حواء

السلام عليكم ورحمة الله وبركاته
شحالكن خواتي ..عساكن بخير ..ياربي دووووم

المهم انا يبت لكن هدية بطلعت الروح ...( لعنبو المذلة ):30:

بخبركن شي قبل لا اهديكن ..



من انا ادرس وانا لافت نظري شعر القطريات .. عليهن شعر .. ولاحتى ذيل حصان :32: تبارك الرحمن

سنين وبخاطري اعرف شو يسون حق شعورهن .. الين تعرفت ختيا على وحده اقطريه

:23:

وسئلتها ومثل ما قلت لكم بطلعت الروح .. قالت لها .......

يالله شو تعتقدووون السر في طول شعرهن ؟؟؟؟:30:

عالعموم هذي هديتكن ..

شيء يطول الشعر بطريقة غير عادية .. و هو شيء ما تتوقعونه..

ومثل ما قلت هي هدية لكن .. يعني الهديه ما عليها مذلة

الخلطة هي عبارة عن
ريحان مطحووون ( شراة الحنا ..اغلب شي اييبونه من السعودية ) وتضيفين له ماء ( يعني نفس الحنا ماشي فرق )

وتحطينه براسج بالليل وترقديين فيه .. للصبح وتغسلينه ...

وسلامتكم

هاه قبل لا أنسى أنا قلت لكم الخلطه بس مو معناته اني جربتها .. بس باذن الله بجربها لاني مسافره صوب السعودية .. وبيب لي أطنان من الريحان وبشتغل في الصيف عليها..لوووول

اتمنى تكون وصلتكم المعلومة

واذا عندكم اي استسفار انا حاااضرة ومن عنوني .. بس يمكن أتاخر لني مب كل يووم موجودة عالنت

تريوني بييب لكم هدية ثانيه وهي عبارة عن اسم شامبو اعشاب يطوووووول الشعر ..

6 تعليق 801 مشاهدة

شاركي في النقاش

سجلي الدخول لإضافة تعليق.

التعليقات

6
  1. @shadn_basha

    الريحان ماغيره اللي يحطونه بالسلطات ولا اللي يجيبونه من السعوديه اسمه ( الحبق ) ؟؟




    جزاك الله كل خير
  2. @amyr_hoaaa

    صاحبة الموضوع
    أنا ماعرف شو اللي ببالج لكن بشرح لج

    الريحان هو نبات او زهر لونه بني ريحته حلللللللللللللللوه وايد

    ان شاء الله وصلت
  3. الريحان اوراق عند العطارين مثل الحناء تطحنينها تصير مثل الحناء بس رائحتها قويه جدا واذا عندك مريض او احد فيه خياط بعد عمليه او غيره مااااااااااااااااااااايصلح لانه يشم علي الشخص المصاب واذا استخدمتيه للشعر لازم تواصلين عليه علي طول لانه اذا وقفتيه بيطيح شعرك وتصيرين صلعه:27: اللهم اني قد بلغت
  4. @am_alaayon

    الريحان فعلا مفيد للشعر بس روحي للعطار واطلبي منه ريحان الشعر يكون خفيف شوي علشان اذا كان عندك مريض او طفل اسنانه بتطلع الريحه القويه مو زينه له وحتى انت موزينه لك الريحه القويه

    بس مثل ما قلت ريحان الشعر عند العطار وهو اللي يخلطونه مع الرشوش ويكون بني ومجفف شوي

    الريحان الاخضر حار على الشعر وممكن يجيب نتيجه عكسيه ......يا ليت لا اتجازفين

    وهو مثل ما قلت فعلا زين للشعر بس كانوا الحريم قبل يخلطونه مع محلب وريحته حلوه

    للفائده فقط حبيت اشارك

تابعي تجارب أخرى من هذا القسم.