السلام عليكم
يسعد صباحكم ومساكم
غالباً احاول اتهرب من هالقسم لاني مستحيل ما ابلع ريقي بكل موضوع فيه واجوووووع
واروح كني فار ادور لي شي اكله الساعه 3 الفجر :icon28:
المهم البارح كان عندنا عشاء حريمي فقط ط ط
وبما ان المفاطيح محد بكفو لها للاسف الى الرجاجيل يحللونها ترجع عظام ماشاء الله
اما الحريم مالمسوها كنهم مستحين منها ماجاها غير تقبيص وتمشيخ ومساج خفيف بس خخخخ
بس شكل باقي الاطباق الي مسويه زحمه خذت الجو ع المفاطيح وعلى من كلاها بالعافيه قولوا آمين
وهذي بعض الصور الي بسرعه تذكرت اخذها قبل يدخلون الحريم :22:
بسم الله
هذا الطبق الرئيسي :42:
شايفين السلطه الي فوقها حبات رمان يمي ع طعمها
وبرضو الجريش وحمستها حاره يجنن ننن
اما السلطه البيضا خس ولذي منوه حسيتها تصلح لاهل الدايت
شايفين الي يسار المفطح من فوق هذا خبز توست محشي دجاج
الي بطبق قصدير هذا قرنبيط " زهره " طعمه برضو يمي يمي عذاب:(
.
.
وهذي صوره اقرب للكشري والقرنبيط ومعها المرق برضو رايب ولذيذ < مستقصدتكم بكلمه لذييييذ
لاني كل ماقراها بمواضيعكم هااااااتك يابلعان الريق :icon33:
الباقيه اطباق المحاشي وتوست الي قلت لكم قبل والسمبوسه بلحمه
..
.
