شاركي في النقاش

سجلي الدخول لإضافة تعليق.

التعليقات

9
  1. @ledy

    في شيخ بالرادو مصري على ما اظن ماحب اسمعه يذكرني بقومه الصبح للجامعه هههههه كلما سمعته احسه يقول يلا الجامعه حتى نغمه كلامه او صوته بالكلام يقهررر يمطط بعض الكلمات يجني مغص لما اسمه ههه


    اذا تذكرت شي جيت ..
  2. انا لانزل المطر يذكرني باخوي الله يرحمه يموووت بالمطر
    ولاشميت ريحه الحطب والنار اتذكره الله يرحمه ويغفر له يارب
  3. انا اذا سمعت شريط اناشيد مطبات اتذكر ابوي الله يرحمه لاني وانا رايحه ازوره بالمستشفى رجلي كان توه شاريه ومشغله يبي يشغلن عن التفكير والحين صرت كل مااسمعه اتذكره

    خاصه انشوده بانت لي همومه بانت لي غمومه

    والعطورات اذا كنت ابسافر لازم اشري عطر خصيصا للسفره وبعد ماارجع اذا كانت سفرتي حلوه اصير احب العطر واذا السفره بايخه اكره العطر
  4. صاحبة الموضوع
    ديــــــــ أم ـــــــــا
    انا اذا سمعت شريط اناشيد مطبات اتذكر ابوي الله يرحمه لاني وانا رايحه ازوره بالمستشفى رجلي كان توه شاريه ومشغله يبي يشغلن عن التفكير والحين صرت كل مااسمعه اتذكره خاصه انشوده بانت لي همومه بانت لي غمومه والعطورات اذا كنت ابسافر لازم اشري …
    شكرا لك من شارك في الموضوع

    صحيح تذكرت شي بعد

    كل ماشميت ريحة النسكافيه اتذكر لما كنا في السكن الجامعي كنا نيلس انا وربيعاتي في الجناح في فترة الظهر خاصة في ايام الشتاء لما يكون الجو رووووووووعة ونسمه الهوا حلوه والغيوم منثرة في صدر السماء كنا نتجمع ونشرب النسكافيه وناكل البسكوت ونسولف ونضحك عقب كل وحده تسير لمحاضرتها

    ريحة النسكافيه فيها الدفء و اجمل الذكريات

    صح وكل ما شميت ريحة الفيكس تذكرت اغلى صديقاتي وزميلتي في الغرفة في السكن كانت كل ما ارتفعت حرارتها او اصابها الزكام تدهنت بالفيكس ولفت الشيلة على راسها واذنها وتلحفت ونامت وعلبة الكلينكس عند راسها

    هاي ذكريات صار لها فوق ال12سنة لكنها مازالت حية

    الحمدلله دائما وابدا

تابعي تجارب أخرى من هذا القسم.