كرهها والحين جت عندي تصيح

هلا بنات

صاحبتي ذات طبع حاد متعالي حبتين تعرف عليها شخص يكون بنفس منطقتهم وصار بينهم حب

وكلام مدة ثلاث سنين والكل يدري اهله واهلها لانه صارحهم وقال اباها ويدرون انهم لبعض مع ان البنت دايما تصدع راسه وتجرحه

في الكبيره والصغيره وتستحقره بسبب وبغير سبب ومره قالت زوجة اخو الولد شو تريد في البنت وايد احلى عنها وامه تقوله البنت مستقويه يعني تمشي كلامها عليك واخوه بعد قال

اتركها وتزوج غيرها لانهم حددو الملجه رغم كل طبايعها الشينه الا انه كان يحبها موت

يوم درت بكلام اهل الرجال من خلال التلميحات والزيارات كلت الرجال وقالت له انت مب رجال وانت واهلك

فيكم وفيكم وتركته كمن مره وترجع له وهو ينكسر ويرد يفرح انها ردت لحياته مع كل مشاكلها المهم

يوم كانو يرتبون للملجه لانها المفروض بعد شهرين سوت مشكله من لاشي وقالت له

وانت ماعندك كرامه وانت وانت وانت وتركته فتره وردت له هالمره صح فرح

بس وهو مهزوم يعني متغير من ناحيتها يقولها غلاج مهوب مثل لاول مع ان الملجه خلاص

تحددت وكل شي تحدد ويقولها كل ماذكر سواياج اكرهج وتغير بالمره هي قالت له

انا ادري اني جرحتك وان كنت تبي نلغي الملجه قول خلاص ماباج وانا بروح بحالي يقول مااقدر

بعدني احبج واباج لي بس مااقدر انسى الي سويتيه ............

( الاثنين بنفس العمر وعيال ناس معروفين وخير بس الفرق ان القبيلتين مختلفات )

الولد جماله شيوخي وشايف بنات كثير بحكم سفراته وكثير المتاجره واسهم ودنيا بس الحب

خصه لصاحبتي وهي ماقدرت هالشي لان طبعها حاد وتكره بسرعه

صاحبتي جمالها عادي شخصيتها قويه ماتعرف شي اسمه حب (هذا من راييي) لانها تكره بسرعه وتحقد
وجات عندي امس تقولي اقوله خلاص نلغي الملجه ولا نكمل ؟ وانا قلت لها بسأل البنات وبرد عليج
شو رايكم ؟؟؟؟؟؟؟؟؟؟ تكمل ويملجون ولا خلاص تنهي الموضوع